1 Timutiyu 4:8 - Hanunuu

⁸ May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Timutiyu 4:8 Iomraidhean Croise

Hub 22:2

“Unu lugud ti miawat tawu sa Diyus, una ti madunung waya pag tawu?

Hub 36:11

Nu sumunud sida ag sumirbi sa kanya, mabuhi sida abunda ag masulung sa buu nida buhi.

Kanta 145:19

Pag-iayaw nimu ti pagkaibgan manga maggalang sa kanmu; pagpatingihan nimu kanda magdangup, ag pag-iribri nimu sida.

Kanta 37:11

Dapat ti manga mapinakumbabaun parargu mangulian sa daga Israil may kahusayan ag may kaabundahan.

Kanta 37:29

Ti manga matadlung parargu mangulian sa tunda pag daga hanggan aban.

Kanta 37:9

Dahil ti daut pag manga tawu palayasun sa daga Israil, dapat ti magsarig sa Panginuun parargu mangulian sa inda pag daga.

Kanta 84:11

Dahil kawu, Panginuun Diyus, parihu sa init magpakaun rayaw hanggan panangga makaalaga sa kanmi. Magpakaun kawu papalad hanggan kadayawan. Balaw nimu inirangan ti mayad pag manga bagay sa manga tawu magkabuhi matadlung.

Kabagawan 19:23

Ti maggalang sa Panginuun makapakaun malawig pag buhi ag kasulungan hanggan karibrihan sa kadautan.

Kabagawan 22:4

Ti paggalang sa Panginuun ag ti pagpakumbaba makapakaun sa kanmu kayamanan, kadayawan, ag malawig pag buhi.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Isayas 3:10

Sabihun niyu sa manga matadlung mapalad sida, dahil anihun nida ti burak manga mayad buwat nida.

Isayas 33:16

Katunda pag kalasi manga tawu ti makaribri sa kadamhakan, ga mag-uli sida sa abwat pag rugar, kanda palalan-iban ti lalaun pag manga batu. Unman sida maduraan karan-unun hanggan irinmun.

Hirimyas 6:20

Unman may halaga sa kangku kanda manga pag-isagda kamangyan una ginan waya inda sa Shiba, ngatay manga pamanglu ginan waya sa arayu pag rugar. Balaw niku tanggapun kanda manga handug pagsunugun. Unman aku magbaya sa kanda manga handug sa kangku.

Matiyu 12:32

Una si unu ti bumagaw laban sa Anak Tawu may patawad di dapat ti tawu nu magbagaw laban sa Ispiritu Banal udyi patawadun, una sa kainda katpung pag panahun una hanggan waya aban.”

Matiyu 19:29

Una si unu ti magtiis magtayak sa kay ulian, sa kay manga patar-ari lalaki, sa kay patar-ari babayi, sa ama sa ina, sa kay manga anak una sa kay daga dahil sa kay magpasakup sa kangku, makatanggap siya usa ka gatus maan kay tulus, makamana waya siya tutuu pag buhi unman may katapusan.

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Markus 10:30

makatanggap siya usa ka gatus maan kay tulus sitay sa babaw daga, manga ulian, manga patar-ari lalaki, patar-ari babayi, manga ina, manga anak, manga daga, may patapil waya manga pag-unuunu. Ag aban makatanggap siya buhi unman may katapusan.

Lukas 5:38

Nu bag-u intus ubas kailangan sa bag-u waydi pag sukadan.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

1 Kurintu 3:22

Una si Pablu, una si Apulus, una si Pidru, una ti kalibutan, una ti buhi, una ti kamatayan, una ti kahamtangan kainda, una ti kahamtangan aban. Ti tanan kanyu yi.

1 Kurintu 8:8

Balaw lang ginan sa karan-unun kita pagbayaun Diyus. Unman may mabawas ginan sa kanta una may tun-anun kita karan-unun. Unman diman may midugang kaayadan sa kanta una unman kita may turun-anun karan-unun.

1 Timutiyu 4:7

Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

1 Timutiyu 6:6

Nu sa ungud, tutuu daka kanta pakinabang nu magpasakup sa Diyus ag nu naanadan nita ti magbaya una sa kaalwanan una sa kakurian.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

Titu 3:8

Inda pag manga adal imaw ti katutuuhanan. Nakan ngani kang gustu pagkasipag kawu itudlu nimu inda hampay ti manga magsarig sa Diyus handa kanda naisipan sa pagbuwat mayad. Inda pag manga paanyu imaw ti pinakamayad ag mapakinabangan tanan tawu.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

1 Huwan 2:25

Inda yi kay itinaratu sa kanta ni Kiristu, ti buhi unman may katapusan.

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

Ipinakakit 3:21

Ti manalu pag tawu imaw ti makatukaw sa kang arani minsan sa kang karampatan maghari parihu diman waydi sa kangku. Dahil aku nanalu nakan matukawan aku kainda sa arani niku Ama minsan sa kay karampatan maghari.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.