1 Timutiyu 4:7 - Hanunuu

⁷ Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

1 Timutiyu 4:7 Iomraidhean Croise

Binwat 24:16

Nakan pirmi aku mag-ugali sa mayad hampay malumpiyu kang tagipusuun hanggan kang naisipan sa atubangan Diyus una sa atubangan tawu.

1 Timutiyu 1:4

Danga yi sida maggaraw tunda pag manga suyut hanggan sa manga tultulanun aba ag listahan nida manga kaapu-apuhan. Siti ginan ti bulul-an arawayan, unman diman waydi sa ikatupad sa turunu Diyus. Tunda pag turunu matupad lang tawu nu siya may pagsarig.

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

1 Timutiyu 2:10

Kailangan kanda ngap pinagkabisti kay mayad buwat imaw ti dapat sa manga babayi manga magpasakup sa Diyus.

1 Timutiyu 3:16

Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Timutiyu 6:11

Dapat kawu duy ti suruguun Diyus, pag-iwas kawu sa tunda pag manga bagay. Isipa gid nimu, pagkaayad kanmu ugali sa magpakatadlung, sa pagpasakup sa Diyus, sa pagsarig, sa pagmahal, sa pagtiis hanggan sa maalumanay.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 2:16

Iwasi nimu ti unman may kabuluhan ag mahalay pag baragawun, dahil ti manga tawu magbuwat katida lalu ngap umarayu, umamat waya kanda unman maggalang sa Diyus.

2 Timutiyu 2:23

Amani nimu ti ud may kabuluhan pag dibati. Alam yi waydi nimu tunda ngani ti pagpun-an arawayan.

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

2 Timutiyu 4:4

Kanda hilig aban sa manga suyut lang, dayi patingihan nida ti katutuuhanan.

Titu 1:14

ag hampay dayi sida magpaniwala sa manga tultulanun basta-basta manga Hudiyu, danga waydi sida magpaniwala sa paanyu manga tawu magdayu sa katutuuhanan.

Titu 2:12

Inda pag pangaawa ti magbutung sa kanta hampay tayakan ti daut pag ugali hanggan ti irisipun makasadili angay sa ugali kalibutan. Bag-u makaugali kita mahusay, matadlung ag angay sa kagustuhan Diyus sitay sa kalibutan.

Titu 3:9

Iwasan nimu ti manga dibati unman may pulus, ti manga tultulanun aba pag listahan nida manga ginurang, ti maglalabanan hanggan mag-arawayan tungkul sa Kasuguan. Dahil ti katunda unman makinabangan, unman diman may pulus.

Hibriyu 5:14

Dapat ti may manga idad yi, magkaun maganit karan-unun, dahil sida nagpaanad yi naantigu magkilala sa daut sa mayad.