1 Timutiyu 4:6 - Hanunuu

⁶ Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

1 Timutiyu 4:6 Iomraidhean Croise

Kanta 19:7

Ti kasuguan Panginuun balaw may salan. Magpakaun inda kabisugan nita buhi. Ti manga pag-itudlu Panginuun masarigan, magpakaun kadunungan sa manga balaw may alam.

Kabagawan 4:2

Mayad kang pag-itudlu, nakan danga niyu inda pagpasipalahan.

Hirimyas 15:16

Katpung nagbagaw kawu sa kangku, pinatingihan duy niku kawu. Kanmu manga bagaw kang kabayaan, ag aku sa kanmu, Panginuun Diyus Makamaskihan.

Matiyu 13:52

Magkun siya sa kanda, “Nakan ngani ti kada manugtudlu Kasuguan nu tuludluan siya sa kaharian langit, parihu siya sa usa ka may puun balay bumulwat manga bag-u pag bagay may daan ginan sa kay hamnuan.”

Lukas 1:3

Inadalan niku mayad sa kadugayun panahun ti tanan-tanan manga itinultul nida. Bag-u di magaan yi kang isip sumurat usa ka tultulanun malinaw para sa kanmu duy,

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 20:31

Nakan ngani, manga patar-ari, pag-ingat kamu, danga niyu malimtan kang nagtudlu sa kanyu sirang yabi sa sulud tulu ka timpu, tiniis niku ti mayamu pag kakurian.

Binwat 20:35

Sa tanan niku binwat pinakakitan niku kamu usa ka mustara. Pagkatida diman kamu pagbudlay hampay awatan niyu ti manga malumuy. Danga malimtan ti binagaw Panginuun Hisus magkun, ‘Lalu masulung ti magpakaun, balaw lang ga pinakan-an.’ ”

Ruma 15:15

Madi katida, sa inda pag surat udyi napigilan niku kang sarabihun dahil may ipaalaala aku manga katutuuhanan sa kanyu. Binwat niku inda dahil sa kay pakaun Diyus sa kangku inda pag marinu pag katungkulan,

1 Kurintu 4:17

Nakan sinugu niku tabug sa kanyu si Timutiyu, kang pagmahalun ag matinupadun pag anak sa Panginuun. Siya ti pumaalaala sa kanyu nu kabitay kang manga ugali dahil sa kang pakiusa sa kan Kiristu, parihu diman sa kang pag-itudlu sa una naan pag rugar, sa kada iglisya.

2 Kurintu 11:23

Sida aw manga suruguun ni Kiristu? Magbagaw aku ga usa ka paung-paung, dapat aku lalu man mayad pag suruguun ni Kiristu balaw lang ga kanda. Subra man sa kanda kang nagbudlay, balaw lang pira ka pag-ulit aku napirisu, lagat-lagat paglipgutun, pirmi arani yi sa kamatayan.

2 Kurintu 3:6

Pinakan-an niya kami kadunungan hampay magsirbi sa bag-u pag taratu, balaw nipuun sa nisurat pag Kasuguan bagkus ngap sa Ispiritu. Ti nisurat pag Kasuguan magpakaun kamatayan dapat ti Ispiritu magpakaun ngap buhi.

2 Kurintu 6:4

Bagkus ngap pag-ipakilala nimi sa tanan nimi buruwatun kuntay kami kay suruguun Diyus, sa kanmi pag-agwanta sa masyadu pag kakurian, sa malisud pag kahamtangan hanggan sa manga kagipitan.

Ipisu 6:21

Ti pagmayadun nita pag patar-ari ag ti matinupadun sa kay buruwatun Panginuun, si Tikiku ngani imaw ti bumarita sa kanyu tanan bagay tungkul sa kang kahamtangan hanggan kang manga buwat.

Pilipus 2:20

Si Timutiyu lang waydi ti parihu ga kangku kay naisipan magpasunaid sa kanyu kahamtangan.

Pilipus 2:22

Dapat ay naalaman yi waydi niyu matinupadun si Timutiyu. Inawatan niya aku sa kang magtudlu Mayad pag Barita, parihu ga anak mag-awat sa kay ama.

Pilipus 3:16

Pagparargu yi lang kita parihu ga kanta diman ugali.

Kulusas 2:19

Nagbul-iw yi tunda pag manga tawu sa kan Kiristu, imaw ti ga ulu may kamaskihan sa buu bilug. Ginan sa kan Kiristu pag makatanggap ti bilug kabisugan hampay magkarausa ga may kaluas-luasan may manga kusug. Si Kiristu diman ti manug-alaga hanggan ti magpadaka angay sa kay kagustuhan Diyus.

Kulusas 3:16

Ti barita tungkul sa kan Kiristu kailangan kanyu ituduk sa kanyu tagipusuun. Pagbililinan kamu, pag-aladalan kamu pag may kang-ud pag kaalaman. Pagkanta kamu may tapil pagsamba hanggan magdayaw sa Diyus. Pagkanta kamu angay sa kay udyuk Ispiritu Banal. Ginan sa kanyu tagipusuun pagkanta kamu pagpasalamat sa Diyus.

Kulusas 4:7

Si Tikiku kanta pagmahalun pag patar-ari ag matinupadun pag suruguun. Parihu diman ga kanmi siya panawuhun waydi sa buruwatun Panginuun. Siya ti bumarita sa kanyu sa tanan magpangyari tungkul sa kangku.

1 Tisalunika 3:2

ag nu suguun tag sa kanyu kanta patar-ari si Timutiyu. Parihu diman ga kanmi siya pinili waydi Diyus hampay manugtudlu Mayad pag Barita tungkul sa kan Kiristu. Sinugu nimi siya hampay parig-unun niya kamu ag hampay pabisugun kamu sa kanyu pagsarig sa Panginuun,

1 Timutiyu 1:10

sa manga mag-uragin, sa manga magkaibug sa kaparihu lalaki, sa manga manugdagit sa tawu, sa manga pudilun, sa manga magsumpa sa kapudilan ag nu may imaw waya tuhay pag buwat balaw angay sa marinu pag tudlu.

1 Timutiyu 4:16

Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

2 Timutiyu 1:6

Nakan ngani pag-ipaalaala niku sa kanmu, danga paghamnua nimu ti pakaun Ispiritu kanmu tinanggap ginan sa Diyus, sa katpung kawu kinup-an niku kamang.

2 Timutiyu 3:10

Dapat balaw katida kawu. Kanmu ngap sinunud kang manga bilin, ugali hanggan turunu. Alam yi waydi nimu kang pagsarig, kang matugway, kang pagmahal hanggan kang matiniisun.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

Titu 2:1

Kawu bay kailangan pagpaliwanag sa manga tawu tunda kang-ud pag tudlu.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

2 Huwan 1:9

Ti tawu nu unman magsunud sa kay itinudlu ni Kiristu ngatay magdagdag magpasubra sa kay itinudlu, balaw siya inulianan Diyus. Una si unu ti magsunud sa kay itinudlu ni Kiristu, nangulian sa kanya ti Ama hanggan ti Anak.

Hudas 1:5

Una alam yi niyu, kang waya gustu ipaalaala inda sa kanyu kuntay irinibri Panginuun ti nasyun Israil ginan sa daga Ihiptu bag-u pagka dugay pinapas di niya ti manga unman nagsarig sa kanya.