1 Timutiyu 4:4 - Hanunuu

⁴ Ti tanan bagay linalang Diyus unman may hintay ag unman kailangan may manga tun-anun nu pagtanggapun nita may pasalamat,

1 Timutiyu 4:4 Iomraidhean Croise

Gimpuunan 1:31

Nakitan Diyus ti tanan niya linalang ag nakabaya gid siya. Linmawuy ti yabi ag rinmas-ug ti surip. Tunda ti ikan-um pag sirang.

Binwat 10:15

May nagbagaw maan sa kanya magkun, “Danga nimu pagsabiha daut sa kanmu turun-anun ti ipinakaun Diyus hampay karan-unun.”

Binwat 15:29

danga kamu kumaun una hintay pag karan-unun ihinandug sa manga diyus-diyusan, danga kamu kumaun dugu, una taguban hayup in-gut unman nakaluwang kay dugu ag danga kamu magpanlalaki magpamabayi. Inda pag manga bagay kailangan niyu iwasan hampay kamu mas lalu waya rumig-un. Imaw lang tugka kanmi surat.”

Binwat 21:25

Nu bay tungkul sa manga balaw Hudiyu manga nagsarig sa kan Hisus, pinasuratan yi nimi sida tungkul sa kanmi pag-isipun, kailangan sida danga kumaun manga karan-unun ihinandug sa diyus-diyusan, danga sida kumaun dugu, danga sida kumaun taguban hayup nu in-gut unman nakaluwang kay dugu, ag danga sida magpamabayi, magpanlalaki.”

Ruma 14:14

Angay sa kang magpakiusa sa Panginuun Hisus naintindihan niku pihu ud may turun-anun pag karan-unun. Dapat nu may tawu mag-isip kuntay may kalasi karan-unun pag-irangan, danga yi lang siya magkaun.

Ruma 14:20

Ti tawu irinibri yi Diyus danga pagpadamhakan niyu dahil lang sa karan-unun. Ti tanan karan-unun mahimu kan-un tawu. Dapat ti daut lang nu magkasala ti usa ka tawu dahil sa karan-unun.

Ruma 14:6

Ti magpahalaga sa usa ka sirang nakan kay pagpahalagaan, dahil siya mag-alaala sa Panginuun. Ti magkaun una hintay pag karan-unun, mag-alaala diman sa Panginuun dahil magpasalamat diman siya sa Diyus. Tunda ngani ti unman magkaun manga iba kalasi karan-unun nakan katunda kay buwat pag-alaalahun diman niya ti Panginuun, magpasalamat diman sa Diyus.

1 Kurintu 10:23

Magkun sida, “Unman may makaampara sa kang buwat una hintay.” Nu sa ungud mana, dapat may manga buwat unman mayad. Unman may makaampara sa kanta buwat una hintay dapat may manga buwat unman mapakinabangan.

1 Kurintu 10:25

Nu kamu sa palingki, pagbili yi lang kamu kanyu karan-unun danga yi magpakapaingana, danga yi maghantup bagay kasalanan.

1 Kurintu 10:26

Dahil inda pag daga kasiyunan Panginuun hanggan tanan-tanan bagay sitay sa babaw daga kanya diman.

1 Kurintu 10:30

Nu aku nagpasalamat sa Diyus bag-u nagsaru sa karan-an, hayga aku pagkadat-an waya sa bagaw? Dahil inda pag karan-unun kang pinasalamatan ngani sa Diyus.

Diyuturunumiyu 32:4

Siya kang palalan-iban pag batu; kang-ud gid kay manga binuwat, ag matadlung ti tanan niya manga palakaw. Matinupadun siya pag Diyus ag balaw magsalan; matadlung siya ag hustu kay manga pagbuwatun.

1 Timutiyu 4:3

kanda pag-irangan ti tawu nu magkaibug mag-asawa. Una manga karan-unun kay binwat Diyus hampay kan-un manga tawu magsarig may pasalamat ag magkilala sa katutuuhanan, kanda diman pag-irangan.