1 Timutiyu 4:3 - Hanunuu

³ kanda pag-irangan ti tawu nu magkaibug mag-asawa. Una manga karan-unun kay binwat Diyus hampay kan-un manga tawu magsarig may pasalamat ag magkilala sa katutuuhanan, kanda diman pag-irangan.

1 Timutiyu 4:3 Iomraidhean Croise

Gimpuunan 9:3

Pag-ipakaun niku inda pag manga hayup sa kanyu bilang kanyu karan-unun, parihu diman ipinakaun niku sa kanyu ti manga halaman hampay kanyu makaun.

Manugtudlu 5:18

Nakan naisip niku ti pinakamayad buwatun tawu sa kay dag-ud pag buhi ipinakaun Diyus sa kanya imaw ti pagkaun, pag-inum ag pagpakasulung sa kay binudlayan sitay sa kalibutan, dahil para diman waydi inda sa kanya.

Danyil 11:37

Unman niya pagkilalan-un ti manga diyus niya manga ginurang ngatay ti diyus pagmahalun manga babayi. Bagkus ngap, kilalan-un niya kay sadili abwat man sa kanda tanan. Unman siya may pagpahalagahan diyus purya sa diyus maggira sa manga may sangput alad batu pag banwa. Kilalan-un niya inda pag diyus ti balaw kilala niya manga ginurang. Handugan niya inda gintu, pilak, mahalaga pag manga batu, ag iba waya mahalaga pag manga pamakaun.

Matiyu 14:19

Pagka pinatukaw niya ti kayamuan tawu sa babaw ilamnun, bin-ul niya ti lima ka tinapay ag ti duwa ka isda. Nagtangda siya sa langit, nagpasalamat sa Diyus. Bag-u pinikapika niya ti manga tinapay bag-u ipinakaun niya sa manga tuludluan, kanda maan ipinakaun sa manga tawu.

Matiyu 15:11

Balaw ti pag-isubu sa bibig tawu ti mag-uring sa kanya, nu ud tigluwang ngap ginan sa kay bibig imaw tig-uring sa kanya.”

Matiyu 15:36

Bin-ul niya ti pitu ka tinapay hanggan ti manga isda. Pagka nakapasalamat siya sa Diyus, kay pinikapika tunda bag-u kay ipinakaun sa kay manga tuludluan. Kanda maan ipinakaun sa manga tawu.

Lukas 24:30

Pagka nagpakarani siya sa lamak, binitbit niya ti tinapay bag-u ipinasalamat niya sa Diyus bag-u pinikapika bag-u ipinakaun sa kanda.

Huwan 6:23

Dapat may manga duunduun rinmas-ug ginan sa Tibiryas sa arani nida kinan-an tinapay pag rugar sa katpung nagpasalamat ti Panginuun.

Binwat 27:35

Pagka sinabi niya tunda, pinunpun niya ti usa ka tinapay sa lamak. Pagka nakapasalamat siya sa Diyus sa atubangan nida tanan, pinikapika niya ti tinapay bag-u nangaun siya.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Ruma 14:3

Ti tawu magkaun una hintay pag karan-unun danga mag-away sa tawu unman magkaun taguban. Ti tawu unman magkaun taguban danga waydi pagpihua niya kuntay daut ti magkaun una hintay pag karan-unun, dahil sida duwa parihu tinanggap Diyus.

Ruma 14:6

Ti magpahalaga sa usa ka sirang nakan kay pagpahalagaan, dahil siya mag-alaala sa Panginuun. Ti magkaun una hintay pag karan-unun, mag-alaala diman sa Panginuun dahil magpasalamat diman siya sa Diyus. Tunda ngani ti unman magkaun manga iba kalasi karan-unun nakan katunda kay buwat pag-alaalahun diman niya ti Panginuun, magpasalamat diman sa Diyus.

1 Kurintu 6:13

Mahimu sumabi ti iba, “Ti manga karan-unun para sa tiyan. Ti tiyan para sa manga karan-unun, dapat parihu duraun di Diyus una ti tiyan, una ti manga karan-unun.” Ti bilug tawu balaw para sa panguragin, nu unman bagkus ngap para sa Panginuun gid. Ag ti Panginuun para sa bilug.

1 Kurintu 7:28

Dapat nu kawu mag-asawa bukun waydi kasalanan. Ag nu ti usa ka daraga mag-asawa bukun diman waydi kasalanan. Dapat ti may asawa may kakurian sa kanda pangabuhi. Kang gustu mana danga niyu malakawan tunda pag kakurian.

1 Kurintu 8:8

Balaw lang ginan sa karan-unun kita pagbayaun Diyus. Unman may mabawas ginan sa kanta una may tun-anun kita karan-unun. Unman diman may midugang kaayadan sa kanta una unman kita may turun-anun karan-unun.

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Kulusas 3:17

Una hintay kanyu buwatun, una sa bagaw una sa buruwatun, buwata niyu ti tanan angay sa kanyu pakiusa sa Panginuun Hisus. Sa panab-anan diman niya pagpasalamat kamu sa Diyus Ama.

1 Timutiyu 2:4

Siya may gustu sa tanan tawu hampay miribri sida ag hampay makatau sida sa katutuuhanan.

1 Timutiyu 4:4

Ti tanan bagay linalang Diyus unman may hintay ag unman kailangan may manga tun-anun nu pagtanggapun nita may pasalamat,

1 Timutiyu 5:14

Nakan ngani nu sa kangku, mayad waya nu mangasawa maan ti manga buranday nu udwaya dugay kay idad hampay magkaanak bag-u nu alagaan nida kanda sadili magtal-anakan hampay unman may ikalibak ti manga maglaban sa kanta.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

1 Samwil 9:13

Takuda siya sa may tukadun atabug sa simbahan sa abwat pag rugar hampay ati pag mangaun. Balaw mahimu kumaun ti manga binan-awan pag tawu nu unman waya siya rinmas-ug ati, dahil kailangan niya daranginan dapu ti handug. Nakan pagtukad yi kamu dahil matakdan niyu siya habang sirang waya.”