1 Timutiyu 4:16 - Hanunuu

¹⁶ Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

1 Timutiyu 4:16 Iomraidhean Croise

1 Krunika 28:10

Nakan isipa inda kaayad. Pinili kawu Panginuun sa pagpatindug Balay Diyus para ati siya dayawun. Pagpakarig-un kawu, ag buwata inda pag buruwatun.”

2 Krunika 19:6

Magkun siya sa kanda, “Pag-isip dapu kamu kaayad bag-u kamu magpihu dahil balaw kamu mamihu para sa tawu nu unman para sa Panginuun, imaw siya ti asan-sakanyu sa kada kamu mamakaun pagpihu.

Pag-ighit 23:13

“Sunda niyu inda tanan kang sinabi sa kanyu. Danga kamu magdarangin sa tuhay pag manga diyus ngatay sampitun lang kanda ngaran.

Isayas 55:11

Katunda diman kang manga bagaw, balaw inda maduraan halaga, bagkus ngap matupad inda kang manga pagkaibgan, ag isabuwat kang turunu nu hayga niku inda ipinadara.

Hirimyas 23:22

Nu alam lang nida nu hintay ti sa isip niku, sinabi yi mana nida kang manga bagaw sa kang manga nasakupan, hampay patlikudan nida kanda daut pag ugali ag manga pagbuwatun.

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Binwat 26:22

Dapat ay hanggan taynguna tugka unman gid aku pinabay-anan Diyus. Nakan matindugan aku taynguna hampay itultul una sa may manga kangaranan una sa unman may kangaranan kang nadnugan ginan sa Panginuun. Kang pag-itudlu imaw yi ti ipinurupita manga Purupita hanggan ni Muysis.

Binwat 6:4

Nu katida ti buwatun nita, matupad diman waydi nimi kanmi pag katungkulan sa magdarangin ag sa magtudlu Bagaw Diyus.”

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

Ruma 16:17

Pagsabihun yi gid niku sa kanyu, manga patar-ari, tandai niyu ti manga tawu magbuwat karampihan ag ti manga mag-pasimray sa manga patar-ari tungkul sa kanda pagsarig sa kan Kiristu, paglabanan nida ti manga tudlu kanyu tinanggap. Amana niyu tunda pag manga tawu.

Ruma 2:7

Ti manga iba magparargu sa magbuwat mayad dahil sa kanda maghingbut kadayawan, karangalan, hanggan sa unman may kamatayan. Sida pakan-an Diyus buhi unman may katapusan.

1 Kurintu 1:21

Dahil sa kadunungan Diyus, balaw niya ipinahintulut makilala siya tawu sa panab-anan kadunungan kalibutan. Bagkus ngap, pagmayadun niya maribri ti manga sumarig sa kanya sa panab-anan Mayad pag Barita. Inda Mayad pag Barita kanmi pag-itultul, dapat angay sa kadunungan kalibutan inda unman may kabuluhan.

1 Kurintu 9:22

Nu sa manga marahantup barang magkasala, maghuwad waydi aku sa kanda. Sa tanan paraan makibagay aku sa tanan tawu hampay una lang kay iba mabawi di niku una sa kabitay pag paraan.

1 Kurintu 9:27

Pagpakurian diman niku kang sadili bilug, pagsupilun niku kang sadili kagustuhan barang nu manudlu aku sa iba, aku ngap ti ipurya Diyus.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Kulusas 4:17

Isabi niyu sa kan Arkipu magkun, “Pagpararguhan di niya ti buruwatun kay tinanggap ginan sa Panginuun.”

1 Tisalunika 2:16

Nakan pilit gid kanda mana pag-amparahun kanmi pagtudlu Mayad pag Barita sa manga balaw Hudiyu sa ikaribri nida. Aput yi ngani sa katugkaan kanda buwat kadautan nakan sa katapusan nangyari ngani sa kanda ti pangagalit Diyus.

1 Timutiyu 1:3

Ga kang diman sinabi sa kanmu kang di waya atag sa Masidunya, kang gustu duy kawu asan lang sa Ipisu, dahil may manga tawu magtudlu patalang. Bilini nimu sida danga yi sida magtudlu patalang.

1 Timutiyu 4:15

Tupada gid nimu tunda, lubus ialistu nimu kanmu sadili sa inda pag buruwatun hampay makitan tanan tawu mag-amat kanmu kakang-udan.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

2 Timutiyu 2:10

Nakan pag-agwantahun niku ti tanan bagay alang-alang sa manga pinili Diyus, hampay makatanggap diman sida karibrihan tunda ti mayad gid pag buhi unman may katapusan kay pakaun ni Kiristu Hisus.

2 Timutiyu 3:14

Dapat danga nimu pagbul-iwi ti kanmu manga nataw-an sa kanmu mag-adal hanggan ti kanmu sinarigan, dahil nakilala yi waydi nimu ti manga tawu nagtudlu sa kanmu.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Titu 1:9

Kailangan siya marig-un kay magtupad sa tutuu pag Bagaw Diyus angay sa itinudlu sa kanya hampay mitudlu maan niya sa manga iba sa ikarig-un nida ag hampay ipagpakilala diman waydi niya ti salan manga tawu maglaban sa Mayad pag Barita.

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

Pilimun 1:19

Aku ti may surat inda, si Pablu. Aku ngani ti bumayad sa kanmu. Udyi lang gustu niku banggitun kuntay ga utang nimu sa kangku kanmu bag-u buhi sa kan Kiristu.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 13:9

Danga ngani kamu magpadara sa manga tuhay-tuhay pag manga adal tawu nu balaw angay sa kanta pagsarig sa kan Kiristu. Mayad ngani nu parig-unun nita kanta naisipan sa karibrihan kay pag-ipakaun Diyus sa kay mayad nabubut-un kaysa kanta pagtupad sa manga bilin tungkul sa karan-unun. Ti manga tawu nu magtupad sa tunda pag manga bilin, unman diman nida mapakinabangan tunda.

Santiyagu 5:20

inda tandai niyu una si unu lang ti magbawi sa tawu makasalanan ginan sa kay naugalian salan, kay irinibri niya ti usa ka tawu karadwa sa kamatayan. Dahil sa kay nagbawi nakan mayamu pag kasalanan ti napatawad yi.