1 Timutiyu 4:13 - Hanunuu

¹³ Hanggan sa udwaya aku rumas-ug asan, kada may udas pagpirmi kawu pagbasa Banal Kasuratan sa madnugan manga iba. Pagtudlu kawu ag pagpaliwanag.

1 Timutiyu 4:13 Iomraidhean Croise

Huwan 5:39

Pirmi diman pag-adalun niyu ti manga Banal Kasuratan dahil kanyu pag-isipun siyun kamu pag makakit buhi unman may katapusan. Tunda pag manga Banal Kasuratan tigpakilala nu si unu aku.

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

Binwat 6:4

Nu katida ti buwatun nita, matupad diman waydi nimi kanmi pag katungkulan sa magdarangin ag sa magtudlu Bagaw Diyus.”

Ruma 12:8

Pagparig-un sa manga patar-ari ti pinakan-an para manugparig-un. Nu mag-ambag, danga may kabuyatan. Nu kawu magpinunu, ilubus nimu kanmu pagkapipunu. Nu mag-awat sa tawu may kakurian, pagmasulung kam naisipan sa kanmu mag-awat.

1 Kurintu 14:26

Manga patar-ari, hintay nguna ti ibug sabihun inda tanan? Sa kanyu magtiripun ti usa kumanta, ti usa tumudlu, ti usa magpurupita, ti usa maan bumagaw sa tuhay-tuhay pag pamagaw bag-u may usa maan pumaliwanag sa kay ibug sabihun. Buwatun niyu ti tanan bagay sa ikarig-un iglisya.

1 Kurintu 14:3

Dapat ti magpurupita magbagaw sa manga tawu sa ikarig-un nida pagsarig, hampay matulin kanda mag-sunud ag sa ikabaya nida isip.

1 Kurintu 14:6

Nu aku nangus makaasan sa kanyu, manga patar-ari, magbagaw sa tuhay-tuhay pag pamagaw unman inadalan, hintay nguna kanyu pakinabangun sa kangku? Mayad waya nu tultulun niku sa kanyu ngatay ti paliwanag, ngatay ti kaalaman, ngatay ti manga bagaw ginan sa Diyus, ngatay ti manga pag-iadal.

Diyuturunumiyu 17:19

Kailangan niya isaisip inda ag basahun pirmi sa buu niya buhi hampay dumunung siya maggalang sa Panginuun niya Diyus ag sundun niya mayad ti tanan pagsabihun sa inda pag manga kasuguan ag surundanun.

1 Timutiyu 4:16

Pagmadahan kawu sa kanmu ugali hanggan sa kanmu magtudlu. Pagparargu sa kanmu magtupad sa inda pag buruwatun hampay maribri kawu hanggan ti manga manugpatingi sa kanmu.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.