1 Timutiyu 4:12 - Hanunuu

¹² Danga pasnuan nimu nu magpuya diman sida sa kanmu dahil anak waya kawu baliwa. Bagkus pagpakasipag kawu hampay kawu ti mustara sa manga magsarig sa kan Kiristu, sa kanmu pamagawan, sa kanmu ugali, sa kanmu pagmahal, sa kanmu pagsarig hanggan sa kanmu unman may huput daut una di.

1 Timutiyu 4:12 Iomraidhean Croise

Sakaryas 2:4

ag magkun sa kanya, “Apura, sabihi ati pag kan-akan may dara panukat, ti Hirusalim bumaliw usa ka daka pag banwa unman may manga alad batu dahil sa subra mayamu kay nasakupan hanggan manga hayup.

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

1 Kurintu 11:1

Paghuwad kamu sa kangku ga kang maghuwad waydi sa kan Kiristu.

Pilipus 4:8

Inda waya manga patar-ari, kang pagsabihun sa kanyu. Ilubus niyu kanyu naisipan sa una hintay pag manga kaayadan sa ikadayaw manga iba. Nakan ngani pag-ugali yi kanyu naisipan sa manga lunsay tutuu, sa manga pagbayaun manga tawu, sa mahal, sa balaw may ikasabi, sa maalumanay pag-iisip, sa manga pagmahalun manga iba.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

1 Tisalunika 2:10

Alam niyu, alam diman waydi Diyus, kanmi ugali buhi matinupadun, mayad ag unman may ikasabi sa kanmi pakiusa sa kanyu sa manga magsarig yi sa kan Kiristu.

1 Timutiyu 1:14

Ungud mayad kay nabubut-un nita Panginuun sa kangku, nakan may natanggap di gid aku ginan sa kanya pagsarig hanggan pagmahal, kay ngani pag-ipakaun sa kanta dahil sa kanta pakiusa sa kan Kiristu Hisus.

2 Timutiyu 2:15

Pagmasigasid hampay makaatubang kawu sa Diyus, kanmu ugali pagmaangay sa kanya, manugbuwat unman may ikakay-a, matinupadun pag manugtudlu sa tutuu pag barita Diyus.

2 Timutiyu 2:22

Nakan iwasi yi nimu ti hilig sa daut buwat manga kalay-awan. Hingabtun nimu mangabuhi matadlung, matinupadun hanggan mapinasunaidun. Pag-ugali kawu sa mahusay kaibahan manga tawu malumpiyu kay tagipusuun sa kanda magdangup sa Panginuun.

2 Timutiyu 2:7

Isip-isipa gid nimu mayad kang pagsabihun sa kanmu. Ipauninaw Diyus sa kanmu kay ibug sabihun inda tanan-tanan.

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

Titu 2:7

Sa tanan nimu buruwatun pag may makitan sida marinu pag mustara. Pagmatinupadun kawu sa kanmu magtudlu, danga isipun manga iba kuntay hakut lang ti kanmu pagsabihun.

Santiyagu 3:13

Hintay nguna sa kanyu ti madunung hanggan mapininsarun? Pakitan niya tunda sa kay mayad pag ugali, angay sa mapinakumbabaun pag kadunungan.

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.

1 Pidru 5:3

Danga waydi kamu ga usa ka amu niyu manga nasakupan. Lalu ngap kailangan kamu ti mayad pag mustara sa manada niyu.