1 Timutiyu 4:1 - Hanunuu

¹ Malinaw ti pagsabihun Ispiritu magkun, sa uryan panahun tayakan manga iba kanda pagsarig. Sundun ngap nida ti manga manugpatalang ag ti manga tudlu ginan sa manga labang.

1 Timutiyu 4:1 Iomraidhean Croise

Gimpuunan 3:13

Pinaingana Panginuun Diyus ti babayi, “Hintay inda kanmu binwat?” Nagsagut ti babayi, “Dinaya ngani duy aku ulay, nakan aku nagkaun.”

1 Hari 13:18

Magkun ti gurangun purupita, “Purupita diman aku ga kanmu. Ag sinugu Panginuun kay usa ka anghil hampay sabihun sa kangku kuntay daraha niku kawu sa kang balay hampay makakaun ag makainum.” (Dapat magpudil maaw ti gurangun.)

Isayas 2:2

Sa manga uryan pag sirang, ti bantud pagtindugan Balay Diyus Panginuun bumaliw pinakamahalaga sa tanan pag bantud. Rumas-ug siyun ti manga tawu ginan sa tuhay-tuhay pag nasyun.

Hirimyas 23:26

Tugka kapira waya nguna sida mamagaw kapudilan ginan sa sadili nida naisipan?

Hirimyas 48:47

Dapat rumas-ug ti sirang kuntay ibalik niku ti mayad pag kahamtangan Muab. Aku, ti Panginuun, ti magsabi inda.” Inda ti itinultul tungkul sa Muab.

Hirimyas 49:39

Dapat rumas-ug ti sirang kuntay pabalikun niku ti Ilam sa mayad pag kahamtangan. Aku, ti Panginuun, ti magsabi inda.”

Isikil 38:16

Girahun nimu kang nasakupan manga Israilita parihu sa rurum magsangput sa kanda. Hu, Gug, ipagira niku sa kanmu kang banwa, hampay sa panab-anan nimu maipakilala niku sa manga nasyun kang kabanalan. Bag-u maalaman nida aku ti Panginuun.”

Danyil 10:14

Taynguna, inda yi aku hampay itultul sa kanmu nu hintay ti mangyari sa kanmu manga kasimanwa Israilita sa aratubangun, dahil kanmu pangakakitun tungkul inda sa mangyari aban.”

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Bilang 24:14

Hu, mag-uli yi aku sa kang manga kasimanwa. Dapat pasandaman waya niku kawu nu hintay ti buwatun manga Israilita sa kanmu manga nasakupan sa uryan sirang.”

Matiyu 18:7

Masyadu makuri ti kahamtangan sitay sa babaw daga dahil sa paturun sa manga tawu tag sa kasalanan. Balaw madura hanggan aban ti manga tawu paturun tag sa kasalanan dapat madala gid masyadu kay patabgan tawu nu siya ti nagpaturun atag sa kasalanan.

Lukas 17:1

Sinabi ni Hisus sa kay tuludluan magkun, “Dayu maamanan tawu ti kasalanan, dapat madala gid masyadu kay patabgan tawu nu siya ti nagpaturun tag sa kasalanan.

Huwan 16:13

Nu rumas-ug ti Ispiritu, siya ti tumudlu katutuuhanan tungkul sa Diyus, tudluan diman niya kamu sa tanan katutuuhanan ginan sa Diyus. Unman siya bumagaw nu ginan lang sa kay sadili. Ipadakit niya kay manga nadnugan ag ipaalam niya sa kanyu ti manga mangyari aban.

Binwat 13:2

Sa kanda magpauray sa samba nida sa Panginuun, sinabi Ispiritu Banal sa kanda magkun, “Ipablag niyu sida ni Birnabi ni Saulu dahil sida kang pinili hampay tumupad sida sa kang buruwatun kang ihinanda para sa kanda.”

Binwat 17:18

May manga manugtudlu sa Ipikuryu hanggan sa Istuyku pag kalasi adal, nangatadlungan sida sa kan Pablu. Sinabi manga iba, “Hintay nguna kay ibug sabihun tunda pag magpadunungun pag tawu?” Magkun maan ti manga iba, “Magtudlu banta siya tungkul sa manga diyus sa iba pag manga nasyun.” Nakan katida kanda pagsabihun, dahil pag-itudlu ni Pablu tungkul sa kan Hisus hanggan tungkul sa pagkabuhi uman.

Binwat 20:23

Inda lang kang magkaalaman, sa kada banwa may ipinasandam gid ti Ispiritu Banal sa kangku kang patabgan ati sa pirisuhan hanggan mahigpit pag kakurian.

Binwat 21:11

Pagka nag-ati siya sa kanmi, bin-ul niya kan Pablu huragkus bag-u ginapus niya kay sadili lulud hanggan kamang bag-u kay sinabi magkun, “Inda kay pagsabihun Ispiritu Banal magkun, ‘Kainda waydi gapusun aban manga Hudiyu sa Hirusalim ti may apu inda pag huragkus bag-u kanda ipabahala siya sa manga balaw Hudiyu.’ ”

Binwat 28:25

Nakan unman magkabuu kanda naisipan. Pagka sida magkaginan yi, inda wadi kan Pablu sinabi sa kanda magkun, “Tama gid duy kay ipinabagaw Ispiritu Banal sa kan Purupita Isayas tag sa kanyu manga ginurang, magkun,

1 Kurintu 10:20

Dapat ti sagda manga tawu unman napasakup sa Panginuun kanda pag-isagda sa manga labang, balaw sa Diyus. Unman gid aku may gustu kamu manpakiusa sa manga labang.

1 Kurintu 11:19

Siguru pihu balaw parihu kamu tanan sa kanyu pagsarig, hampay burayhaw ngap sa kanyu ti manga ungud magsarig sa Panginuun.

1 Kurintu 12:11

Dapat imaw diman pag Ispiritu ti magbuwat inda tanan-tanan. Pag-ipakaun niya sa kada usa angay sa kay kagustuhan niya.

1 Kurintu 2:10

Tunda pag manga ihinanda Diyus, imaw ti ipinakilala Ispiritu sa kanta. Dahil suyasid di Ispiritu ti tanan manga bagay una madalum pag katutuuhanan Diyus.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

Diyuturunumiyu 32:29

Nu madunung lang sida, masalman mana nida kanda patabgan.

Diyuturunumiyu 4:30

Nu rumas-ug ti kakurian sa kanyu, sa uryan panahun bumalik kamu sa Panginuun niyu Diyus ag sundun niyu siya.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

2 Timutiyu 4:4

Kanda hilig aban sa manga suyut lang, dayi patingihan nida ti katutuuhanan.

Santiyagu 3:15

Ti katida pag kadunungan balaw ginan sa Diyus, nu unman taga sitay sa babaw daga, angay sa ikaayad lang sadili bilug ag ginan ngap sa manga labang.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

2 Pidru 2:1

Dapat kaybi may naglutaw diman sa nasakupan Israil manga pudilun pag purupita. Una sa kanyu may lumutaw diman aban manga pudilun pag manga manugtudlu. Itudlu nida sa lihim kanda salan pag manga adal, imaw tigdaut sa pagsarig manga tawu, pagdayuun nida ti Panginuun ti naglukat sa kanda. Nakan ngani bigla sida ipadamhak sa kamatayan.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

1 Huwan 2:18

Kamu pag manga anak, inda duy arani yi ti katapusan kalibutan. Kanyu yi waydi naalaman kuntay lumuwang ti Anti-Kiristu. Taynguna mayamu yi ngap pag manga anti-Kiristu ti linmuwang yi. Siti pag maalaman yi ngani nita inda arani yi ti katapusan kalibutan.

1 Huwan 4:6

Kita manga anak Diyus, nakan ti manga nakakilala sa Diyus magpatingi sa kanta. Ti tawu nu unman siya anak Diyus dayu siya pumatingi sa kanta. Siti pag makilala nita ti Ispiritu katutuuhanan ag ti manug-udyuk patalang.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”

Hudas 1:4

Dahil may manga tawu napalakay sa kanyu unman sida sakup sa Diyus. Binaliktad ngap nida kay pakaun Diyus kaayadan bag-u ilinubus nida kanda buwat kalukuhan. Pagdayuun nida si Hisu-Kiristu kanta ngap Pangulu ag Panginuun. Kaybi di waya sinabi yi sa Banal Kasuratan magkun, may parusa nakahanda sa kanda.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.

Ipinakakit 18:2

Nangungud siya namagaw daka magkun, “Nawasak yi siya, nawasak yi ti bantug pag banwa Babilunya. Taynguna ulian yi manga labang tunda pag daga, tunda yi ti paratag-an manga labang. Asan diman ti purugadan manga manuk mayagting ag manga pag-ampuan tawu.

Ipinakakit 18:23

Bumaliw madlum ati, dahil udyi may sulu una di usa. Udyi madnugan aban ti manga aguman babayi, ti manga aguman lalaki, magharampangan masulung. Dahil masyadu nagyaman kanmu manga manugnigusyu sa bilug kalibutan. Dinaya nimu ti tanan nasyun sa daut pag kadunungan nimu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 2:11

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu dayu malakawan niya ti ikadwa pag kamatayan.”

Ipinakakit 2:17

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu pakan-an niku hinamnu pag karan-unun ginan sa langit. Pakan-an diman niku siya batu malagti imaw ti sinuratan bag-u niya pag ngaran. Unman may nakaalam tunda pag ngaran nu ud tunda lang waydi ti pinakan-an.”

Ipinakakit 2:29

“Ti may tuli kailangan pagpatingi sa pagsabihun Ispiritu sa manga iglisya.”

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.

Ipinakakit 20:8

Lumuwang siya hampay dayaun niya ti manga nasyun tawu sa bilug kalibutan, ti manga taga Gug hanggan taga Magug. Tipunun sida ni Satanas hampay maglaban sa gira. Parihu kay kagadhan ga taypuk baras sa baybay dagat kay kayamu.

Ipinakakit 3:13

“Ti may tuli kailangan pagpatingi sa pagsabihun Ispiritu sa manga iglisya.

Ipinakakit 3:22

“Ti may tuli kailangan pagpatingi sa pagsabihun Ispiritu sa manga iglisya.”

Ipinakakit 3:6

“Ti may tuli kailangan pagpatingi sa pagsabihun Ispiritu sa manga iglisya.

Ipinakakit 9:20

Ti nasawad pag manga tawu, tunda manga unman namatay sa siyun pag manga kahigpitan unman nida ainampu kanda kasalanan. Unman kanda tinayakan, unman waydi inapasan nida kanda pagsamba sa manga labang hanggan sa manga diyus-diyusan, sa binwat lang nida manga kamang, manga tawu-tawu gintu, pilak, galang, batu hanggan kayu, unman waydi makahiling, unman makadungug, unman diman makalakaw.