1 Timutiyu 3:6 - Hanunuu

⁶ Kailangan diman waydi siya dugay yi kay magsarig sa Panginuun, barang siya magpalabaw-labaw bag-u rargu siya masintinsiyahan parihu sa diyablu.

1 Timutiyu 3:6 Iomraidhean Croise

2 Hari 14:10

Amasiyas, tutuu natalu nimu ti Idum ag pag-ipadayaw nimu tunda. Pagbaya yi lang kawu sa kanmu nanalu ag asan lang kawu sa kanmu ulian. Hayga pagkaibgan gid nimu ti gulu, mandara lang kadamhakan sa kanmu hanggan sa Huda?”

2 Krunika 26:16

Dapat pagka nag makapangyarihan yi siya, nag padayaw siya. Ag inda ti nakapaababa sa kanya. Unman siya sinmunud sa Panginuun niya Diyus, dahil sinmulud siya sa Balay Diyus Panginuun ag nagsadili nagsunug kamangyan sa harandugan.

2 Krunika 32:25

Dapat nagpadayaw si Isikyas ag ipinalawuy niya ti kaayadan ipinakakit Panginuun sa kanya. Nakan nagalit ti Panginuun sa kanya ag sa manga nasakupan Huda ag Hirusalim.

Kabagawan 18:12

Ti pagpadayaw-dayaw makapadamhak, dapat ti pagpakumbaba makaparangal.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Isayas 2:12

Dahil nagtagka sirang ti Panginuun Makamaskihan nu kapira niya ipakababa ti manga marayabang hanggan ti marapadayaw, ag ti manga maghantup sida makapangyarihan.

Danyil 11:12

Sa kay pagpanalu, manpayabang siya ag mayamu waya gid kay panmatyun, dapat unman dumugay kay pagkamarapanalu.

Lukas 10:18

Sinabi ni Hisus sa kanda, “Nakitan niku si Satanas nalagpak ginan sa langit parihu sa kilat.

1 Kurintu 3:1

Aku manga patar-ari, nagbagaw sa kanyu unman ga sa manga tawu inulian Ispiritu Banal. Naghampang aku sa kanyu ga sa manga tawu mablagan sa Diyus, ga sa manga lapsag di waya sa kanyu pagsarig sa kan Kiristu.

1 Kurintu 8:1

Ipaliwanag maan niku tungkul sa manga karan-unun ihinandug sa diyus-diyusan. Alam nita kita tanan may kadunungan. Ti katunda pag kaalaman magpadara sa tawu hampay magpalabi-labi, dapat ti tawu nu may pagmahal, makaparig-un siya sa iglisya.

2 Kurintu 12:7

Dapat hampay balaw niku ipayabang-yabang ti masyadu gid pag manga makadululaw kay ipinakilala Diyus sa kangku, nakan pinakan-an aku usa ka pinagkadugi sa kang bilug, usa ka sugu ni Satanas hampay aku labanan agud unman aku magpalabi-labi.

Diyuturunumiyu 17:20

Sa panab-anan diman pirmi pag pagbasa, maamanan niya ti pagpadayaw-dayaw kuntay mas mayad siya kaysa kay kaparihu manga Israilita, ag makaaman siya sa paglabag sa manga sugu Panginuun. Nu sundun niya tanan inda, siya hanggan kay manga lahi humari dugay sa Israil.

Diyuturunumiyu 8:14

pagdahan kamu balaw makapadayaw-dayaw ag makalimut sa Panginuun niyu Diyus, ti nagpalwas sa kanyu sa Ihiptu nu naan kamu pag binwat panawuhun.

1 Timutiyu 3:7

Kailangan diman siya galangun manga tawu bukun kakampi sa iglisya hampay balaw siya mapuyaan ag dayu siya makasulun sa dit-ag ni Satanas.

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

Hudas 1:6

Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.