1 Timutiyu 3:2 - Hanunuu

² Ti manug-asiwa sa iglisya kailangan unman may masabi sa kanya, usa lang kay asawa, madahan, madunung waydi magtiis sa kay sadili, maginalangun, marapasaka sa bag-u ras-ug ag mayad siya magtudlu.

1 Timutiyu 3:2 Iomraidhean Croise

Isayas 56:10

Dahil ti manga takinan Israil manga manugbantay mana sa inda pag nasyun nagbaliw ngap ga manga buta ag unman may alam. Ga manga idu sida magbantay ud magsubang. Kanda gustu pahuway, maturug, ag managin-up.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Lukas 2:36

Siyun diman ti usa ka purupita si Ana, kay anak babayi ni Panwil, kay lahi ni Asir. Siya masyadu yi gid gurangun. Pitu lang ka timpu kanda nag-amut mag-asawa namatay yi kay lalaki.

Ruma 12:13

Awati niyu ti manga pangailangan niyu manga patar-ari. Pagpirmi kamu alistu magtanggap sa manga dayuhan sa kanyu balay.

Pilipus 2:15

Sa kanyu manga kalibut may manga tawu unman mayad kay ugali ag daut kay pagbuwatun. Kailangan kamu pag manga anak Diyus ga mustara sa manga iba tawu malumpiyu kanyu ugali, unman may ikasabi sa kanyu. Nu katunda magduag yi kamu sa kanda karaw-an parihu ga manga pamgasan magrayaw sa langit.

1 Timutiyu 3:12

Kailangan usa lang kay asawa ti manugsirbi sa iglisya, kailangan madunung siya magpamahala sa kay kasunu balay, kailangan kaayad magpaanyu sa kay manga anak.

1 Timutiyu 3:8

Tungkul maan sa manga magsirbi sa iglisya, kailangan sida mabuut pag manga tawu, danga pudilun, balaw marainum sa makalangu, balaw maraibgun sa kayamanan.

1 Timutiyu 4:3

kanda pag-irangan ti tawu nu magkaibug mag-asawa. Una manga karan-unun kay binwat Diyus hampay kan-un manga tawu magsarig may pasalamat ag magkilala sa katutuuhanan, kanda diman pag-irangan.

1 Timutiyu 5:10

kailangan pagpatutuuhanan manga iba kuntay mayad kay buwat, mayad kay nagpadaka sa kay manga anak, mahusay kay nagtanggap sa manga nagsabang sa kay balay. Nagsirbi diman siya sa manga patar-ari sa Panginuun, nangawat sa manga may kakurian, ihinanda niya kay sadili sa tanan mayad pag buwat.

1 Timutiyu 5:22

Danga magkadaldali sa magkupa kamang una sa kantapu hampay pakan-an siya katungkulan sa iglisya. Pagdahan kawu sa dayu kawu maabay sa kasalanan manga iba. Pagpirmi kawu unman may huput kasalanan.

1 Timutiyu 5:9

Kainda ti mayad ilista nimu sa listahan manga babayi buranday hampay sida ti awatan, kay idad balaw kurang sa unumpulu ka timpu, kas-a lang ginan nangasawa,

2 Timutiyu 2:24

Unman kailangan makipag-away ti panawuhun Panginuun. Bagkus ngap kailangan siya madunung makibagay sa tanan tawu, mayad magtudlu, ag matiniisun.

Titu 2:2

Pagkumun kawu sa manga gurangun pag lalaki, pagmapinigilun sida, pagmahusay, pagmaalumanay kanda manga pag-iisip. Pag-ugali sida sa maayus angay sa kanda pagsarig, pag mapagmahal sida, pagmatiniisun.

Hibriyu 13:2

Danga duy pag-irangi niyu kanyu manga balay sa manga tawu taga iba daga. Tanggapun di niyu, imaw diman ti binwat manga iba. May tinanggap sida manga tawu sa kanda balay unman nida alam kuntay manga anghil maaw.

Hibriyu 3:14

Kita kaibahan yi ni Kiristu nu marig-un kita pag magsarig ginan sa umpisa ag nu unman kita bumul-iw hanggan tugka sa katapusan.

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

1 Pidru 4:9

Tanggapa di niyu ti manga patar-ari sa kanyu balay, danga sa barungbadu.

1 Pidru 5:8

Pagmapininsarun kamu, pag-aman. Si Satanas ngani kanyu kalaban parihu sa liyun kay mag-ungal, magpalibut-libut maghanap kay siribaun.