1 Timutiyu 3:16 - Hanunuu

¹⁶ Tutuu gid madalum ag makadululaw pag katutuuhanan nita surundanun magkun, “Napakilala siya Diyus sa kay nabilug tawu, pinatutuuhanan siya Ispiritu Banal, nakitan siya manga anghil, itinudlu siya sa manga nasyun tawu, una naan pag rugar may nagpaniwala sa kanya, tinanggap siya ati sa langit may kadayawan.”

1 Timutiyu 3:16 Iomraidhean Croise

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Mikas 5:2

Magkun ti Panginuun, “Bitlihim Iprata, una usa kawu sa pinakadiit pag banwa Huda, ginan sa kanmu pag tawu ti sumirbi sa kangku bilang takinan sa Israil. Kay manga kaumputan bantug kaybi sa un-an pag panahun.”

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 13:11

Sinmagut si Hisus, “Ipinahintulut sa kanyu ti makatau sa manga katutuuhanan unman nihayag tungkul sa kaharian langit, dapat unman ipinahintulut inda sa kanda.

Matiyu 28:2

Kadaka naglinug mabisug, dahil linmuwang ginan sa langit ti usa ka anghil Panginuun, nag-ati sa tinaguktukan batu bag-u ipinaligid niya kay talakup ginan sa sabian tinaguktukan batu. Pagka binukasan yi, siti yi ngap pag tinmukaw siya sa babaw talakup batu.

Matiyu 3:16

Pagka itinulbaw si Hisus, napatakas siya ginan sa danum bag-u nabukasan ti langit sa kanya ag nakitan ni Huwan ti Ispiritu Diyus ga histuda kalampati nagpakababa bag-u nangulian sa kan Hisus.

Matiyu 4:11

Bag-u tinayakan diyablu si Hisus bag-u nagras-ug ti manga anghil kanda inalagaan siya.

Markus 1:13

Ati siya sa pangawakawaan sa sulud upatpulu ka sirang, pagtuksuhun mana ni Satanas. Nangulian si Hisus sa basad masimarun hayup. Dapat inalagaan siya manga anghil.

Markus 16:19

Pagka nakatapus kay bagaw sa kanda, dinara yi ti Panginuun Hisus atag sa langit. Tinmukaw siya sa sikun baliwa Diyus.

Markus 16:5

Pagka sinmulud sida sa tinaguktukan batu, nakitan nida may matukawan baliwa sa sikun usa ka kan-akan may sulung rutay sadsad malagti. Naglingut gid ti manga babayi.

Lukas 2:32

usa ka sulu hampay marayawan ti manga balaw Hudiyu, ag hampay ipakilala ti kadayawan nimu nasyun Israil.”

Lukas 20:44

Si Dabid yi waydi ti nag-ingaran sa kay Pinili Diyus Manugribri pag Hari magkun Panginuun. Nu katida kabitay pag masabi ti Pinili Diyus Manugribri pag Hari kay linahi lang ni Dabid?”

Lukas 22:43

Napakakit sa kanya ti usa ka anghil ginan sa langit, nagpabisug sa kanya.

Lukas 24:4

Pagka mag-isip waya sida nu hayga udyi sitay, malu, nilpat lang kanda mata inda yi sa kanda arani matindugan ti duwa ka lalaki masinglaw kanda manga rutay.

Lukas 24:51

Pagka pagpapaladan waya niya sida, tinayakan yi niya sida, dinara yi tag sa langit.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

Huwan 13:3

Daan alam di ni Hisus ipinakaun Ama sa kanya ti tanan pag kamaskihan. Alam diman waydi ni Hisus siya ginan sa Diyus ag siya umighit sitay ginan atabug maan sa Diyus.

Huwan 15:26

“Sumitay ti Manug-awat ginan sa Ama tag sa kanyu, ti Ispiritu ngani imaw tigtudlu katutuuhanan tungkul sa Diyus. Suguun niku siya ginan sa Ama bag-u itultul niya sa kanyu ti tungkul sa kangku.

Huwan 16:28

Ginan aku sa Ama nagsitay sa kalibutan. Bag-u tayakan maan niku ti kalibutan, atabug maan sa Ama.”

Huwan 17:5

Amang, taynguna pakan-an nimu aku kadayawan sa kanmu atubangan ga kaybi diman kang kadayawan asan sa kanmu, pagka udwaya nalalang ti kalibutan.

Huwan 20:12

Bag-u may nakitan siya duwa ka anghil malagti kay manga rutay, matukawan kay usa sa uluhan, kay usa sa aluludan sa nagkabugtangan bangkay ni Hisus.

Huwan 6:62

Kabitay nguna kamu nu makitan niyu aban ti Anak Tawu muli maan tag tungud sa kay ulian kaybi?

Binwat 1:19

Tunda pag manga nangyari naalaman tanan tawu mag-uli sa Hirusalim. Nakan tunda pag daga kanda iningarnan sa kanda sadili pamagaw Akildama, kay ibug sabihun Madugu pag Daga.

Binwat 10:34

Bag-u nagpaliwanag si Pidru magkun, “Taynguna duy lubus naintindihan niku unman gid mag-api ti Diyus.

Binwat 14:27

Pagka rinmas-ug sida sa Antiyukya, tinipun nida ti iglisya bag-u itinultul nida sa manga patar-ari nu kabitay sida ginamit Diyus sa tanan niya buruwatun ag nu kabitay ti Diyus nagbuwat paraan sa manga balaw Hudiyu hampay sida makasarig sa kan Hisus.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

Ruma 10:12

Balaw may nagtuhay ti kahamtangan una Hudiyu una balaw Hudiyu. Usa lang ti Panginuun tanan tawu. Siya tigpakaun kay manga kaayadan sa tanan manga magdangup sa kanya.

Ruma 10:18

Dapat kang paingana, unman aw nguna sida nakadnug? Nakadnug yi waydi sida. Dahil magkun sa Banal Kasuratan, “Ras-ug yi sa tanan rugar kanda bagaw, kanda bagaw nilantag yi sa kalibutan.”

Ruma 16:25

Dayawun nita ti Diyus. Siya ti makaparig-un sa kanyu pagsarig angay sa Mayad pag Barita tungkul sa kan Hisu-Kiristu kang pag-itudlu sa kanyu. Maalaman diman waydi nita tunda sa katutuuhanan udwaya maburayhawan kaybi ginan sa sulud kadugayun pag timpu.

Ruma 16:26

Taynguna bay tunda pag katutuuhanan niburayhaw yi ngap sa Kasuratan manga Purupita. Bag-u ti Diyus ti unman may katapusan imaw ti nagpatigayun hampay ipakilala tunda pag katutuuhanan sa tanan manga nasyun tawu agud sida sumarig sa Diyus ag sumunud sa kanya.

Ruma 3:4

Bukun ay sa katida. Ti Diyus sa katutuuhanan, una ti kada tawu pudilun, angay sa isinurat sa Kasuratan magkun tag sa Diyus, “Hampay kawu kilalan-un kuntay matadlung sa kanmu manga sinabi ag manalu kawu nu pihuun nida kawu sa daut sa mayad.”

Ruma 8:3

Binwat Diyus ti unman nabuwat Kasuguan dahil sa kalumuyan nita pagkatawu. Sinugu niya kay sadili Anak ga histuda tawu makasalanan hampay ipakaun niya kay buhi sa kamatayan dahil sa kasalanan. Sa katida pag paraan nasintinsiyahan niya ti kasalanan nangulian sa tagipusuun manga tawu.

Ruma 9:5

Sida minamat nida ni Abraham ni Isaak ni Hakub. Bag-u siti diman waydi ginan pag linahi si Kiristu sa kay pagkatawu, imaw ti Diyus makamaskihan sa tanan, siya ti pagdayawun hanggan waya aban. Amin.

1 Kurintu 15:47

Ti kabag-u pag tawu si Adam taga daga angay diman waydi sa daga. Ti ikadwa pag Adam taga langit.

1 Kurintu 2:7

Dapat ti pagsabihun nimi inda imaw ti kadunungan Diyus udwaya ipinaburayhaw sa manga tawu kaybi ginan, dapat daan ihinanda niya kay udwaya linalang ti kalibutan sa ikadayaw sa kanta.

2 Kurintu 1:19

Ti Anak Diyus si Hisu-Kiristu imaw ti itinudlu nimi ni Silbanu ni Timutiyu sa kanyu magkun unman magkatalinduwa si Kiristu, balaw may “hu”, may “unman,” nu “unman” tutuu yi gid “hu”.

Galasya 2:8

Diyus ti nagpakaun karampatan sa kan Pidru hampay mag-apustul sa manga Hudiyu, imaw diman ti nagpakaun karampatan sa kangku hampay mag-apustul sa manga balaw Hudiyu.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

Ipisu 1:9

hampay lubus maintindihan nita kay udwaya pinaburayhaw pag gayak niya.

Ipisu 6:19

Daranginan diman niyu aku hampay pakan-an kang-ud gid pag baragawun, agud ilubus kang katutuman sa kang magpanudlu sa madalum pag katutuuhanan tungkul sa Mayad pag Barita.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.

Kulusas 1:27

Kay gustu Diyus ipaalam sa kanda inda pag daka gid pag makadululaw pag katutuuhanan tungkul sa tanan nasyun tawu. Inda yi ngani ti madalum pag katutuuhanan, magkun, sa kanyu yi gid si Kiristu, nakan may pag-asa kamu miminsan sa Diyus ati sa kay kadayawan.

Kulusas 1:6

Inda pag Mayad pag Barita linmantap sa buu kalibutan ag magdara papalad parihu diman sa nangyari sa kanyu pagka nadnugan niyu ag nasalman niyu ti katutuuhanan tungkul sa kay mayad pag nabubut-un Diyus.

Kulusas 2:2

Nakan katida kang pagbuwatun hampay rumig-un kanda tagipusuun ag hampay sida paminsanun sa pagmahal. Nu katida may kang-ud sida pag-intindi sa katutuuhanan bag-u kilalan-un nida si Kiristu, imaw ti madalum pag katutuuhanan kaybi ginan udwaya ipinaburayhaw Diyus.

2 Tisalunika 1:10

Mangyari tunda sa kaudasan niya pagras-ug aban hampay dayawun siya tanan manga napasakup sa kanya ag hampay sambahun siya sa karaw-an tanan manga magsarig sa kanya. Mibilang diman kamu ati, dahil tinanggap niyu ti Mayad pag Barita kanmi itinudlu sa kanyu.

2 Tisalunika 2:7

Taynguna matagu-taguan waya tunda pag kapangyarihan daut kay buwat hanggan sa ud bul-un ti Manug-ampara. Nu bay mab-ul yi ti Manug-ampara,

1 Timutiyu 3:9

Dayu mahimu sida matinupadun sa madalum pag katutuuhanan tungkul sa kanta pagsarig nu may pag-alalahanun waya sida kasalanan sa kanda tagipusuun.

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

Hibriyu 7:7

Maalaman nita pihu gid si Milkisidik ti nagpapalad mas lalu man kay kadayawan balaw lang ga kan Abraham ga kay pinapaladan niya.

Hibriyu 8:1

Inda yi ngani ti katutuuhanan sa tanan kanmi sinabi. Kita ungud may pangulu manughandug matukawan ati sa langit baliwa sa sikun Diyus minsan sa Karampatan Diyus sa maghari.

1 Pidru 1:12

Pagka ipinaalam manga purupita inda pag manga katutuuhanan itinudlu waydi Diyus sa kanda, kuntay kanda pagbagawun balaw may pakinabang sa kanda nu unman sa kanyu ngap. Inda pag manga katutuuhanan nadnugan yi niyu ginan sa manugpadakit Mayad pag Barita Diyus. Pagka sinugu Diyus ti Ispiritu Banal ginan sa langit tabug sa manga manugbarita, nanudlu sida sa kanyu angay sa udyuk Ispiritu Banal. Una ti manga anghil sa langit daka mana kanda gustu masalman nida inda pag manga katutuuhanan.

1 Pidru 1:20

Udwaya linalang ti kalibutan daan di si Kiristu pinili Diyus. Taynguna pagka arani yi ti katapusan panahun, ipinaburayhaw siya Diyus sa ikaayad niyu.

1 Pidru 1:21

Dahil sa kan Kiristu nakan kamu nakasarig sa Diyus, imaw waydi ti nagbuhi uman sa kan Kiristu ag ti nagpakaun kadayawan. Dahil sa kan Kiristu nakan ngani kamu may pagsarig ag pag-asa sa Diyus.

1 Pidru 3:18

Dahil ngani si Kiristu namatay sa manga tawu makasalanan. Si Kiristu ti unman may kasalanan namatay kas-a lang gid para sa manga tawu makasalanan, hampay kamu kay madara sa Diyus. Sa ungud, minatay siya sa kay bilug sitay sa babaw daga, dapat binuhi uman siya sa Ispiritu.

1 Pidru 3:22

Nag-atag siya sa langit, baliwa sa sikun Diyus. Siyun yi ngap siya pag maghari sa manga anghil, imaw ti manga may kangaranan hanggan kamaskihan sa langit.

1 Huwan 1:2

Ipinaburayhaw inda pag buhi, nakitan gid nimi. Nakan kanmi pagpatutuuhanan ngani ag pag-ibarita sa kanyu ti tutuu pag buhi unman may katapusan. Kaybi ginan kaibahan siya Ama, bag-u ipinaburayhaw siya sa kanmi.

1 Huwan 3:5

Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

Ipinakakit 17:5

Nisurat sa kay bangas ti usa ka ngaran tagu kay kahulugan magkun, “Ti bantug pag banwa Babilunya, ti ina manga magpanguragin hanggan tanan kahalayan sa babaw daga.”

Ipinakakit 17:7

Pinmaingana ti anghil sa kangku magkun, “Hayga duy kawu magkadulaw? Itultul niku sa kanmu nu hintay kay kahulugan tunda pag babayi, hanggan tunda pag hayup malangas kay sarakyan may pitu ka ulu, kay sungay sampulu.

Ipinakakit 7:9

Bag-u nakitan maan niku ti kayamu-yamuan kagadhan tawu dayi matabu mabilang una waya sitapu pag tawu. Sida ginan sa kada nasyun, sa kada linahi, sa kada histuda tawu, sa tanan kalasi pamagaw. Matindugan sida sa atubangan tukawan hari hanggan Anak Karanidu. Nakarutay sida manga malagti may bitbit sida panwasawas.