1 Timutiyu 2:9 - Hanunuu

⁹ Katunda diman kang gustu ti manga babayi danga magsulung mayamu kalasi pag parinu, danga may padayaw-dayaw, danga masyadu malus-ay ti buhuk, danga magbisti mayamu bulawan masinglaw.

1 Timutiyu 2:9 Iomraidhean Croise

Gimpuunan 24:53

Susun niya binulwat kay dara manga pamarinu buwat sa gintu ag pilak, hanggan ti manga rutay, bag-u ipinakaun sa kan Ribika. Pinakan-an diman niya mahalaga pag pamakaun kay patar-ari lalaki hanggan kay ina ni Ribika.

2 Hari 9:30

Nag-ati si Hihu sa Hisriil. Pagka naalaman tunda ni Hisibil, namarinu siya kay mata ag hinusay niya kay buhuk bag-u nangalantaw sa may gaha balay hari.

Istir 5:1

Pagka sa ikatlu pag sirang, isinulung ni Istir kay rutay pan-rayna, bag-u nagtindug sa sugkadan tukawan hari. Matukawan tunda katpung ti hari sa kay turukawan ag maatubangan sa sabian.

Kanta 149:4

Dahil magbaya ti Panginuun sa kay nasakupan; pag-alalahanun niya sida pag manga makuri sa panab-anan pagpanalu sa kanda.

Kabagawan 31:22

Siya diman ti magbuwat manga pansapin sa kanda kama. Ag kay manga rutay marinu ag mahalaga.

Kabagawan 31:25

Marig-un siya ag paggalangun, ag unman siya magkadala sa kay patabgan.

Kabagawan 7:10

Bag-u sinulang siya babayi kay rutay parihu sa sulung babayi baraydan. Nakagayak yi siya daan nu hintay kay buwatun sa tunda pag lalaki.

Isayas 3:16

Magkun waya ti Panginuun, “Palabi-labihun ti manga babayi sa Hirusalim. Hantup nimu nu si unu yi gid sida nu maglakaw. Pagpakaransingun waya nida kanda manga pamarinu sa manga lulud, nu magbantay sida may kaibahan waya kindat.

Isayas 61:4

Ipatindug uman kanda manga banwa dugay yi nagba.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Matiyu 11:8

Hintay ngani kanyu hinanap? Nanduaw lang aw kamu sa tawu marinu kay rutay? Ti may manga rutay marinu kabay sa ulian di manga hari.

1 Timutiyu 2:10

Kailangan kanda ngap pinagkabisti kay mayad buwat imaw ti dapat sa manga babayi manga magpasakup sa Diyus.