1 Timutiyu 2:4 - Hanunuu

⁴ Siya may gustu sa tanan tawu hampay miribri sida ag hampay makatau sida sa katutuuhanan.

1 Timutiyu 2:4 Iomraidhean Croise

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 55:1

Magkun ti Panginuun, “Pagpakarani kamu, kamu tanan ti magkauwaw, indaay ti danum! Una unman kamu may kuwarta, pagpakarani kamu, pag-inum hanggan pagkaun! Abala kamu, pagbuul kamu intus ag gatas hanggan butiran karan-unun balaw may bayad!

Isikil 18:23

Aku, ti Panginuun Diyus, unman magbaya nu mamatay ti usa ka daut pag tawu. Makabaya aku nu mansisi siya ag parargu mangabuhi.

Isikil 18:32

Balaw aku magbaya nu may mamatay. Nakan pagsisi yi kamu hampay parargu kamu mabuhi. Aku, ti Panginuun Diyus, ti magbagaw inda.”

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Matiyu 28:19

Nakan pag-ati kamu buwata niyu tuludluan niku ti tanan linahi tawu. Itulbaw niyu sida ipasakup sa ngaran Ama, Anak, hanggan Ispiritu Banal.

Markus 16:15

Sinabi ni Hisus sa kanda magkun, “Pag-ati kamu sa tanan rugar sitay sa babaw daga, itudlu niyu ti Mayad pag Barita sa tanan manga tawu.

Lukas 1:77

Ipaalam nimu ti karibrihan Panginuun sa kay nasyun, sa panab-anan pagpatawad nida kanda manga kasalanan.

Lukas 14:23

Magkun kay amu sa kay panawuhun, ‘Pag-atag kawu sa manga dalan hanggan sa manga sugkadan balay, pilita gid ti manga tawu pagsaka gid sida hampay mapnu kang balay.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 17:17

Ipablag nimu sida sa panab-anan katutuuhanan. Kanmu bagaw imaw ti katutuuhanan.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

1 Timutiyu 4:10

Nakan kita magpakasipag sa buruwatun una makuri, dahil mag-asa kita sa Diyus buhi, sa Manugribri tanan tawu, lalu sa manga magsarig sa kanya.

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.

2 Timutiyu 3:7

Tunda pag manga babayi gustu gid nida dumunung, dapat una waya hanggan aban balaw sida umintindi sa katutuuhanan.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Titu 2:11

Dahil ipinakakit Diyus kay pangaawa sa ikaribri tanan tawu.

Hibriyu 10:26

Nu abi kita tikis yi lang magpadayun sa kasalanan madi nakilala yi nita ti katutuuhanan, udyi may iba waya pag ihandug sa Diyus sa ikapatawad nita kasalanan.

Santiyagu 3:14

Dapat kamu nu mahinirakun ag maramuun kanyu tagipusuun, danga waydi niyu iyabang tunda, danga waydi ipaulam ti katutuuhanan.

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.

2 Huwan 1:1

Inda ti may surat imaw ti manug-asiwa sa iglisya, atag sa kay pinili Diyus pag babayi hanggan sa kay manga anak. Lubus duy aku magmahal sa kanyu dahil sa kanta magpakiusa sa katutuuhanan ag balaw lang aku nu ud tunda ngap hanggan tanan pag manga nakakilala sa katutuuhanan.

Ipinakakit 14:6

Nakitan maan niku ti usa ka anghil maglayang sa tungud may dara siya unman may katapusan pag Mayad pag Barita hampay ipadakit niya sa manga tawu mag-uli sa babaw daga, sa kada nasyun, sa kada linahi, sa kada pamagaw hanggan sa kada kalasi tawu.