1 Timutiyu 1:9 - Hanunuu

⁹ Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

1 Timutiyu 1:9 Iomraidhean Croise

2 Samwil 16:11

Magkun si Dabid sa kan Abisay hanggan sa tanan takinan niya, “Nu kang anak ngani naggayak mumatay sa kangku, lalu wadi inda pag katawuhan ni Saul. Sinugu siya Panginuun nakan pabay-ani lang niyu siya.

2 Hari 19:37

Usa ka sirang, habang magsamba si Sinakirib sa simbahan niya diyus si Nisruk, minatay siya niya duwa ka anak lalaki sida ni Adramilik ni Sarisir sa panab-anan baladaw, ag rargu nalagiw sida sa Ararat. Kay usa niya ka anak si Isarhadun imaw ti nag-ublus sa kanya sa kay pagka hari.

2 Krunika 32:21

Ag nagpadara anghil ti Panginuun imaw ti nanruris sa maisug pag manga sundalu, manga kumandir, ag manga may kangaranan sa kampu hari sa Asirya. Nakan nuli si Hari Sinakirib, nangay-a gid. Ag pagka nagsaka siya sa balay niya diyus-diyusan, minatay siya niya iba ka manga anak sa panab-anan baladaw.

Pag-ighit 20:13

“Danga kamu magmatay.

Pag-ighit 21:14

Dapat nu tinikis niya ag ginayak ti pagmatay, matyun niyu siya una pumakarani waya siya sa kang harandugan.

Kabagawan 20:20

Mamatay una si unu ti magsumpa sa kay gurang, parihu siya sa sulu mapsa sa karaw-an kadudulman.

Kabagawan 28:17

Ti tawu pag-usigun niya pangahawag dahil sa kay pagmatay sa usa ka tawu malagiw una naan tabug tugka sa mamatay. Danga niyu siya pag-awati.

Kabagawan 28:24

Ti tawu magpanakaw sa kay gurang ag magsabi balaw inda kasalanan, kaibahan siya manga manmamatay tawu.

Kabagawan 30:11

May manga kalay-awan unman magdarangin kuntay papaladan Diyus kanda manga gurang, bagkus ngap pagsaadan waya nida.

Kabagawan 30:17

Ti tawu magpuya ag unman magsunud sa kay gurang tindukun manga uwak kay manga mata, ag kan-un manga agila kay bangkay.

Hirimyas 23:11

Dahil inda ti pagsabihun Panginuun: “Ti manga manughandug parihu diman sa manga purupita. Parihu sida mauring ag magbuwat diman kadautan una sa kang Balay.

Isikil 21:25

“Kawu pag daut ag makasalanan pag takinan Israil, rinmas-ug yi ti udas parusahan kawu!

Libitiku 20:9

Una si unu ti manmuransa sa kay ama hanggan sa kay ina kailangan matyun.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Ruma 1:30

magpamauyauya, magkadaut sa Diyus, udyi may painu-inu, palabi-labihun, parayabang, parapathaw sa kadautan, manga maglaban sa gurang,

Ruma 4:13

Itinaratu Diyus sa kan Abraham hanggan sa kay manga linahi manahun nida ti kalibutan, bukun dahil si Abraham nagtupad sa Kasuguan nu unman dahil sa kay pagsarig sa Diyus nakan siya kinilala Diyus kuntay matadlung.

Ruma 5:20

Ipinakaun ti Kasuguan hampay yumamu ti maglabag. Dapat nu nagyamu ti kasalanan, lalu man daka kay pangaawa Diyus.

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Galasya 3:19

Nu katida, hintay nguna kay pulus ti Kasuguan? Idinugang ti Kasuguan hampay ipakilala sa manga tawu kanda buwat kasalanan hanggan sa udwaya rumas-ug ti pinangakuan Diyus pag linahi ni Abraham. Ipinakaun ti Kasuguan ipinadakit manga anghil sa kan Muysis bag-u siya ti nagpadangat sa manga tawu.

Galasya 5:18

Nu kamu panguluhan Ispiritu, udyi kamu sa sirung kapangyarihan Kasuguan.

Galasya 5:21

ti maghirirakan, ti maglangu, ti magkadara sa kasayahan, hanggan ti iba waya buwat parihu sa kainda pag buwat. Pagsabihan niku kamu parihu diman sa kaybi, balaw gid makapasakup sa kay paghari Diyus ti tawu nu buwatun niya ti katunda pag manga bagay.

Galasya 5:23

maalumanay, mapinigilun sa kay sadili. Unman may pagsabihun ti Kasuguan laban sa kainda pag manga buwat.

Diyuturunumiyu 27:16

“Saadan ti balaw maggalang sa kay manga gurang.” Bag-u sumagut ti tanan tawu, “Amin!”

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

1 Timutiyu 4:7

Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

1 Timutiyu 6:20

Kawu duy Timutiyu, ingatan nimu ti iinintirga sa kanmu. Iwasan nimu ti manga harampangan unman ikabaya Diyus hanggan ti salalumpangan.

2 Timutiyu 2:16

Iwasi nimu ti unman may kabuluhan ag mahalay pag baragawun, dahil ti manga tawu magbuwat katida lalu ngap umarayu, umamat waya kanda unman maggalang sa Diyus.

2 Timutiyu 3:2

Ti manga tawu aban makasadili, maramuun sa kuwarta, palabi-labihun, yabang-yabangin, magpanmuransa, supladu sa gurangun, unman may pasunaid sa kay sadili, ag unman magpasakup sa Diyus.

Titu 1:10

Mayamu yi tiglaban sa inda pag adal. Pagdayaun nida ti iba, kanda pagtudluan sa manga unman may kabuluhan. Ti kayamuan ay manga Hudiyu ti magtudlu katida.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Titu 1:6

Ti kailangan nimu piliun tunda unman may ikasaway, usa lang kay asawa, kay manga anak magpasakup waydi sa Panginuun, mabuut kanda ugali ag masurundun.

Titu 3:3

Nu kaybi waya kita diman nagsimray sa dalan, kurang kita sa intindi, manga palasupladu kita, ga panawuhun kita nita sadili kagustuhan naisipan hanggan tanan kalasi kasayahan. Ati katpung may ugali diman kita magkutub ag maghamnu galit ag pirmi kita kinagalitan manga iba. Nagkalagalitan diman kita sa usa kag sa usa.

Hibriyu 11:31

Dahil si Rahab pag babayi uragin may pagsarig sa Diyus, pinasaka niya mayad ti manga manugtiid, nakan unman siya nidamhak minsan sa manga unman magpasakup sa Diyus.

Hibriyu 12:16

Pagdahan kamu hampay unman may mag-uragin sa kanyu ag hampay unman may tawu asan ga kan Isaw. Unman pinahalgaan niya ti kaayadan Panginuun. Ibinalyu kabay niya kay karampatan bilang panganay sa usa ka pinggan karan-unun.

1 Pidru 2:7

Nakan ngani mahalaga si Kiristu sa kanyu sa manga may sarig. Dapat sa manga unman may sarig matupad inda pag Kasuratan magkun, “Ti batu dinayu manga manugpatindug balay, imaw yi ngap ti ipinakana mahalaga pag kalap.”

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

1 Pidru 4:18

Parihu sa pagsabihun sa Banal Kasuratan magkun, “Nu ti matadlung diit wadi udyi maribri, hintay nguna ti patabgan manga makasalanan manga unman magkilala sa Diyus?”

Hudas 1:15

hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.