1 Timutiyu 1:7 - Hanunuu

⁷ Sida mana may gustu manudlu Kasuguan Diyus. Dapat ay unman magkasalman nida kanda pagsabihun, madi nu sa kanda lang hantup tutuu ngap ti kanda pag-itudlu.

1 Timutiyu 1:7 Iomraidhean Croise

Matiyu 15:14

Pabay-ani niyu sida, buta pag manga manug-abat sida. Nu ti buta umabat sa kay kaparihu buta, minsan sida malagpak sa abwat.”

Matiyu 21:27

Nakan nagsagut sida sa kan Hisus magkun, “Unman duy nimi alam.” Sinabi ni Hisus sa kanda, “Unman diman niku sabihun sa kanyu nu naan ginan kang karampatan hampay mabuwat niku inda pag manga bagay.”

Lukas 2:46

Sa ikatlu pag sirang, bag-u di kanda nakitan si Hisus sa Balay Diyus, matukawan sa karaw-an manga manugtudlu Kasuguan. Magpatingi siya sa kanda, magpaingana waya.

Binwat 15:1

May manga tawu nagluwang sa Antiyukya ginan sa Hudiya. Kanda tudlu sa manga patar-ari magkun, “Dayu mahimu kamu maribri nu unman kamu turiun dapu angay sa Kasuguan ni Muysis.”

Ruma 1:22

Magpanaguabi sida kuntay madunung, dapat ay unman ngap may kabuluhan kanda kadunungan.

Galasya 3:2

Inda lang ti gustu niku maalaman sa kanyu, tinanggap aw niyu ti Ispiritu Diyus dahil sa kanyu pagtupad sa Kasuguan aw ngatay dahil sa kanyu magpatingi hanggan magsunud sa Mayad pag Barita?

Galasya 3:5

Hayga nguna ipinakaun Diyus sa kanyu ti Ispiritu? Hayga may binwat siya manga makadululaw pag tanda? Dahil aw lugud sa kanyu pagtupad sa Kasuguan aw ngatay dahil sa kanyu magpatingi hanggan magsunud sa Mayad pag Barita?

Galasya 4:21

Inda kang paingana sa kanyu, kamu magkaibug magpasakup sa Kasuguan, unman aw niyu pagpatingihan ti pagsabihun Kasuguan?

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

2 Timutiyu 3:7

Tunda pag manga babayi gustu gid nida dumunung, dapat una waya hanggan aban balaw sida umintindi sa katutuuhanan.

Santiyagu 3:1

Manga patar-ari niku, danga mana maghingbut ti mayamu sa kanyu hampay manga manugtudlu, kabay alam diman niyu kita manga manugtudlu lalu gid pihuun aban nu daut nu mayad.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.