1 Timutiyu 1:5 - Hanunuu

⁵ Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

1 Timutiyu 1:5 Iomraidhean Croise

Kanta 24:4

Ti tawu may malumpiyu manga buwat ag kaisipan, balaw magsamba sa manga diyus-diyusan, ag balaw magsumpa sa kapudilan.

Kanta 51:10

Diyus, buwata malumpiyu kang tagipusuun, ag ayawi maan aku may matutum pag ispiritu.

Hirimyas 4:14

“Manga taga Hirusalim, lumpiyuha niyu ti kadautan sa kanyu tagipusuun hampay maribri kamu. Tugka kapira kamu mag-isip sa daut?

Sipanyas 3:7

Dahil sa kang manga binwat inda inisip niku igalang yi aku niku manga nasakupan ag tanggapun yi nida kang tamyaw sa kanda, hampay balaw yi maguba kanda banwa angay sa kang itinagka sa kanda. Dapat lalu waya gid sida nagpakadaut.

Matiyu 12:35

Nu mayad pag tawu mayad diman pag bagaw kay pagbulwatun dahil punu kaayadan kay tagipusuun. Nu daut pag tawu daut waydi kay pagbagawun dahil punu kadautan kay tagipusuun.

Matiyu 5:8

Papaladan Diyus ti manga malumpiyu kay tagipusuun, dahil makitan nida aban ti Diyus.

Binwat 15:9

Parihu lang kay magbantay Diyus una sa kanda una sa kanta. Pagka sida nagsarig sa kan Hisu-Kiristu, linumpiyu diman Diyus kanda tagipusuun sa kanda nagbuwat kasalanan.

Binwat 23:1

Nagturun si Pablu sa buu Katipunan manga Pinunu bag-u kay sinabi magkun, “Manga kaparihu niku Hudiyu, kaybi ginan hanggan taynguna tugka nag-ugali aku sa malumpiyu kang tagipusuun hanggan naisipan sa atubangan Diyus.”

Binwat 24:16

Nakan pirmi aku mag-ugali sa mayad hampay malumpiyu kang tagipusuun hanggan kang naisipan sa atubangan Diyus una sa atubangan tawu.

Ruma 10:4

Si Kiristu ti katugkaan Kasuguan ni Muysis. Nakan ngani una si unu ti sumarig sa kanya kilalan-un Diyus kuntay matadlung.

Ruma 12:9

Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Ruma 14:15

Nu sa kanmu pagkan-un pag karan-unun magkabyatan ti tagipusuun nimu patar-ari, unman yi angay sa pagmahal ti kanmu pagbuwatun tunda. Si Kiristu namatay para sa kanya, nakan ngani danga ipadamhak nimu siya ginan lang sa kanmu pagkan-un.

Ruma 9:1

Magdungug di si Kiristu tutuu kang pagsabihun, unman aku magpudil. Maghiling diman ti Ispiritu Banal lumpiyu kang tagipusuun sa kang pagsabihun sa kanyu magkun,

1 Kurintu 13:1

Una aku magbagaw tuhay-tuhay pag pamagaw manga tawu hanggan manga anghil, bag-u unman aku may pagmahal, parihu lang aku sa agung maingay, ga lingganay magpanngil sa tuli.

2 Kurintu 1:12

Inda kanmi ipagdayaw sa Diyus, pagpatutuuhanan nimi naisipan unman may pabalhinguun kanmi magpakiusa sa tanan tawu ag lalu ngap sa kanyu angay sa kanmi magpasakup sa kay kabanalan hanggan katutuuhanan Diyus, dahil lang sa kay pakaun kaayadan Diyus, bukun yi sa kadunungan angay lang sa pagkatawu.

Galasya 5:22

Dapat ay inda ngani ti burak Ispiritu, ti pagmahal, may kabayaan, may kahusayan, matiniisun, may matugway pag naisipan, mayad nabubut-un, matinupadun,

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 1:19

Pangungud yi lang gid kawu sa kanmu pagsarig ag danga may pag-alalahanun kasalanan sa kanmu tagipusuun. Dahil may manga tawu unman pagpahalagaan nida kanda malumpiyu tagipusuun, nakan rinangga yi kanda pagsarig.

1 Timutiyu 3:9

Dayu mahimu sida matinupadun sa madalum pag katutuuhanan tungkul sa kanta pagsarig nu may pag-alalahanun waya sida kasalanan sa kanda tagipusuun.

2 Timutiyu 1:3

Magpasalamat aku sa Diyus imaw kang pagsirbihan lubus parihu sa binwat niku manga ginurang. Magpasalamat ungud aku sa Diyus sa kada magkaisipan niku kawu sa kang magdarangin sirang yabi.

2 Timutiyu 1:5

Dayu gid niku malimtan kanmu buu pagsarig, parihu sa kay pagsarig nimu idu ni Luida hanggan sa kay pagsarig nimu ina ni Yunisi. Alam niku una kawu katunda diman kanmu pagsarig.

2 Timutiyu 2:22

Nakan iwasi yi nimu ti hilig sa daut buwat manga kalay-awan. Hingabtun nimu mangabuhi matadlung, matinupadun hanggan mapinasunaidun. Pag-ugali kawu sa mahusay kaibahan manga tawu malumpiyu kay tagipusuun sa kanda magdangup sa Panginuun.

Titu 1:15

Ti tanan manga bagay malumpiyu diman waydi sa tawu nu malumpiyu kay naisipan. Dapat sa manga tawu daut kay naisipan manga unman magsarig sa kan Hisus, unman may bagay malumpiyu, dahil may pag-alalahanun sida kasalanan sa kay naisipan hanggan sa kay tagipusuun.

Hibriyu 10:22

Nakan ngani pagpakarani kita sa Diyus may buu pag kagustuhan hanggan marig-un pag sarig sa kanya. Danga yi may mag-asaydan daut kanta naisipan, dahil ngani linumpiyu yi kanta tagipusuun sa manga buwat unman may kabuluhan, ag inugasan kanta manga bilug sa malinis pag danum.

Hibriyu 13:18

Daranginan niyu kami, dahil tutuu kami unman may pag-isipun daut sa kanmi tagipusuun una sa kanmi naisipan. Gustu lang nimi pagmarinu kanmi ugali sa tanan nimi buruwatun.

Hibriyu 9:14

Lalu gid waya daka kay namhan dahil sa dugu ni Kiristu. Dahil sa kamaskihan Ispiritu unman may katapusan ipinakaun niya kay sadili sa Diyus unman may huput kasalanan. Kay dugu ni Kiristu tiglumpiyu sa kanta tagipusuun hanggan naisipan sa manga buwat unman may kabuluhan hampay kita magsirbi sa Diyus buhi.

Santiyagu 4:8

Pagpakarani kamu sa Diyus, bag-u pumakarani waydi ti Diyus sa kanyu. Lumpiyuha kanyu manga kamang, kamu pag manga makasalanan. Lumpiyuha kanyu tagipusuun, kamu pag manga tawu magkauman-uman kanyu naisipan.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.

1 Pidru 4:8

Un-an sa tanan kailangan pagmalahalan gid ungud kamu, dahil nu may pagmahal mapatawad di ti mayamu pag kasalanan.

2 Pidru 1:7

ti magpasakup sa Diyus dugangan niyu mapinasunaidun sa patar-ari, ti mapinasunaidun sa patar-ari dugangan maan niyu pagmahal.

1 Huwan 3:10

Sitay pag makilala ti manga anak Diyus ag ti manga anak diyablu. Una hintay pag tawu ti unman mag-ugali sa matadlung, unman siya anak Diyus, una ti tawu nu unman pagmahalun niya kay patar-ari, unman diman siya anak Diyus.

1 Huwan 3:23

Inda yi kay sugu, kailangan pagsarig kita sa ngaran niya Anak, sa ngaran ni Hisu-Kiristu. Kailangan gid kita pagmalahalan sa usa kag sa usa, angay diman sa kay ibinilin sa kanta.

1 Huwan 3:3

Una hintay pag tawu ti magsarig katunda sa kan Kiristu, mag-ingat sa kay sadili bilug hampay malumpiyu kay buhi, ga kan Kiristu waydi malumpiyu.