1 Timutiyu 1:3 - Hanunuu

³ Ga kang diman sinabi sa kanmu kang di waya atag sa Masidunya, kang gustu duy kawu asan lang sa Ipisu, dahil may manga tawu magtudlu patalang. Bilini nimu sida danga yi sida magtudlu patalang.

1 Timutiyu 1:3 Iomraidhean Croise

Binwat 18:19

Pagka sida rinmas-ug sa banwa Ipisu, tinayakan ni Pablu sida ni Pirisila ni Akila siyun. Bag-u sinmaka siya sa simbahan manga Hudiyu, nangatadlungan siya sa manga tawu siyun.

Binwat 18:21

Dapat ay pagka siya magkaginan yi, sinabi niya sa kanda, “Nu kay gustu Diyus, bumalik maan aku sitay tag sa kanyu.” Bag-u siya nighit ginan sa Ipisu, nagsakay siya sa bangka

Ruma 15:26

Dahil ibinuluntad nida isip manga patar-ari taga Masidunya hanggan Akaya hampay ipadara nida kanda ambag kuwarta para sa manga makuri pag patar-ari sa Hirusalim.

Ruma 16:17

Pagsabihun yi gid niku sa kanyu, manga patar-ari, tandai niyu ti manga tawu magbuwat karampihan ag ti manga mag-pasimray sa manga patar-ari tungkul sa kanda pagsarig sa kan Kiristu, paglabanan nida ti manga tudlu kanyu tinanggap. Amana niyu tunda pag manga tawu.

2 Kurintu 11:4

Dahil ungud gid matiniisun kamu sa kanyu magtanggap sa una hintay pag tawu nu magras-ug asan magpanudlu tuhay pag Hisus sa kanmi itinudlu sa kanyu ag pagtanggapun diman waydi niyu ti tuhay pag ispiritu hanggan tuhay pag adal sa kanmi itinudlu sa kanyu.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Pilipus 2:24

Dapat may pag-asa aku sa Panginuun makaras-ug diman aku asan udyi waydi dugay.

1 Timutiyu 4:11

Paanyua nimu sida sa kanmu magtudlu sa kanda.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

1 Timutiyu 5:7

Paanyui duy nimu sida kainda pag manga bagay sa balaw may ikasabi sa kanda.

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

2 Timutiyu 1:18

Pagsa kanya kay pangaawa Panginuun nu kaudasan yi aban pagbalik Panginuun. Alam diman gid nimu nu kabitay siya pag nagsirbi sa iglisya ati sa Ipisu.

2 Huwan 1:7

Dahil ngani nangalat yi sa kalibutan ti manga magdaya, tunda pag manga tawu unman magpasnu kuntay si Hisu-Kiristu nabilug tawu. Tunda yi ngani ti mandadaya ag anti-Kiristu.

Ipinakakit 2:14

Dapat aku may pagsabihun inda laban sa kanmu: Ti iba sa kanmu magsunud sa tudlu ni Balaam. Si Balaam kabay ti nagtudlu kaybi sa kan Balak hampay patalangun niya ti manga Israilita tag sa kasalanan. Nakan nagkaun ngani sida manga ihinandug sa manga diyus-diyusan ag nagpanguragin sida.

Ipinakakit 2:20

Dapat aku may pagsabihun inda laban sa kanmu: kanmu lang pinabay-anan si Hisibil, tunda ngani pag babayi tigpabalhinguun kuntay siya purupita Diyus dapat maaw unman. Magpatalang ngap siya sa kang manga panawuhun, siya ti suluhan sa panguragin, siya diman waydi ti magtaban hampay mangaun sa ihinandug sa manga diyus-diyusan.