1 Timutiyu 1:16 - Hanunuu

¹⁶ Dapat ay kinaawaan niya aku hampay mipakilala ni Hisu-Kiristu kay lubus matugway naisipan niya sa kangku, sa takinan manga makasalanan, bilang ga mustara sa tanan manga sumarig waydi sa kanya hampay may buhi waydi sida unman may katapusan.

1 Timutiyu 1:16 Iomraidhean Croise

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

Kanta 25:11

Panginuun, una mayamu kang manga kasalanan, patawada aku, hampay madayaw kawu.

Pag-ighit 34:8

Linmuhud si Muysis sa daga ag sinmamba.

Isayas 1:18

Magkun waya ti Panginuun, “Abala kamu paghampangan nita inda. Una waya kabitay kay kauring kanyu manga kasalanan, lumpiyuhun di niku tunda hampay malumpiyu kamu.

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Bilang 23:3

Bag-u magkun si Balaam sa kan Balak, “Sitay lang kawu sa arani nimu handug pagsunugun. Lumakaw dap aku, barang pakakit sa kangku ti Panginuun. Tultulan lang niku kawu nu hintay kay sabihun sa kangku.” Nakan nagtukad siya atag sa katayungtungan tagudtud.

Lukas 15:10

Magkun si Hisus, “Kang sabi sa kanyu katunda diman waydi magbaya ti manga anghil Diyus nu may usa ka tawu nag-ampu kay kasalanan bag-u naghagad kapatawadan sa Diyus.”

Lukas 23:43

Magkun si Hisus sa kanya, “Ungud duy kang pagsabihun sa kanyu, taynguna yi ngap pag sirang sab kawu kang kaibahan sa ulian manga may buhi unman may katapusan.”

Lukas 7:47

Kang pagsabihun duy sa kanmu, pinatawad yi kay manga kasalanan una mayamu, nakan daka gid ngani kay pagmahal. Dapat nu diit lang ti pinatawad, diit waydi kay pagmahal.”

Huwan 20:31

Dapat inda kang isinurat hampay kamu magpaniwala si Hisus yi ngani ti Pinili Diyus Manugribri pag Hari, ti Anak Diyus. Dahil nu katunda kanyu pagsarig, kamu may tutuu pag buhi sa kanyu magpakiusa sa kanya.

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Huwan 5:24

“Ungud duy kang pagsabihun sa kanyu, nu ti tawu magtanggap sa kang bagaw ag magsarig sa Diyus sa nagsugu sa kangku, tunda pag tawu may tutuu pag buhi unman may katapusan. Balaw yi sakup siya sa sintinsiya aban. Kay patabgan balaw yi kamatayan, bagkus ngap buhi kay patabgan.

Huwan 6:37

Una si unu pag tawu nu iinintirga Ama sa kangku, pumasakup ngani tunda sa kangku. Ti tawu nu pumasakup sa kangku balaw kang dayuun.

Huwan 6:40

Dahil inda yi ngani ti kagustuhan niku Ama hampay una si unu pag tawu ti nakakit sa Anak bag-u nagsarig sa kanya, makatanggap tutuu pag buhi unman may katapusan. Buhiun niku siya uman sa katapusan panahun aban.”

Huwan 6:54

Una si unu pag tawu nu kan-un niya kang bilug, inmun kang dugu, may tutuu pag buhi unman may katapusan. Buhiun niku siya uman sa katapusan panahun aban.

Ruma 15:4

Una hintay ti isinurat sa manga Kasuratan kaybi waya sa ikadunung nita. Nu pagbasahun nita ti manga katutuuhanan sa Banal Kasuratan, amat-amat lalu matiniisun kita ag rumig-un kanta naisipan bag-u siyun maan ginan ti pag-asa nita.

Ruma 6:23

Dahil kamatayan ngani ti isuhul sa kasalanan. Dapat kay pakaun Diyus imaw ti tutuu pag buhi unman may katapusan sa manga tawu napakiusa sa kanta Panginuun Kiristu Hisus.

1 Kurintu 7:25

Nu bay sa unman may asawa, unman aku may ibilin ginan sa Panginuun. Dapat aku masarigan dahil sa papalad Panginuun sa kangku, nakan itultul waya niku ti kang inisip.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

Ipisu 1:12

hampay kami pag manga Hudiyu ti un-an man sa kanyu nagsarig sa kan Kiristu sa lalu ikadayaw sa kanya.

Ipisu 1:6

Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.

Ipisu 2:7

Binwat niya inda hampay sa pararas-ugun pag kaudasan maipakakit niya kay dayu makarkula pag abunda niya mayad nabubut-un sa kanta, sa manga niusa sa kan Kiristu Hisus.

2 Tisalunika 1:10

Mangyari tunda sa kaudasan niya pagras-ug aban hampay dayawun siya tanan manga napasakup sa kanya ag hampay sambahun siya sa karaw-an tanan manga magsarig sa kanya. Mibilang diman kamu ati, dahil tinanggap niyu ti Mayad pag Barita kanmi itinudlu sa kanyu.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Pidru 3:20

Tunda ngani pag manga karadwa imaw ti manga unman naniwala kaybi madi pagpakaalagdun Diyus ati katpung kan Nuwi magbuwat sakayan. Kay pakinabang inda ginan pag binwat sakayan, walu-walu di ka tawu ti nakaribri sa karaw-an danum.

2 Pidru 3:15

Isipa gid duy niyu, nakan ngani magpadugay-dugay waya ti Panginuun hampay pakan-an waya kamu rugar agud miribri. Imaw diman kay isinurat ni Pablu, kanta mahal pag patar-ari, sa kay manga surat sa kanyu angay sa kadunungan kay ipinakaun Diyus sa kanya.

2 Pidru 3:9

Ti Panginuun unman gid pumalya sa kay taratu, balaw parihu ga paghantupun manga iba. Nakan udwaya pagtupadun niya tunda pag taratu dahil ngani sa kanyu. Pinakan-an niya rugar ti tanan tawu hampay sida makaampu sa kanda manga kasalanan ag makapasakup sa Diyus. Dahil unman gid gustu niya una si unu pag tawu ipadamhak sa kaparusahan.