1 Timutiyu 1:15 - Hanunuu

¹⁵ Tutuu ti pagsabihun ag kailangan paniwalaan tanan tawu magkun, “Nakan nagsitay si Kiristu Hisus sa kalibutan hampay iribri ti manga makasalanan.” Ag aku ngap ti takinan manga makasalanan.

1 Timutiyu 1:15 Iomraidhean Croise

Hub 42:6

Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Matiyu 1:21

Siya manganak anak lalaki aban. Kay ngaran kanmu ipaingaran si Hisus. Dahil iribri niya kay nasyun sa kanda manga kasalanan.”

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Matiyu 18:11

Dahil nagsitay aku, ti Anak Tawu, hampay kay iribri ti manga nadura.

Matiyu 20:28

Katunda diman ti Anak Tawu, nagsitay balaw hampay sirbihan nu unman hampay siya magsirbi, ag hampay ipakaun niya kay buhi sa kamatayan agud mayamu ti malukat.”

Matiyu 9:13

Paglakaw yi kamu, isipun niyu inda kay pagkumnun Diyus, ‘Kang gustu pagmaawaun kamu ag balaw kanyu handug.’ Nagsitay aku hampay butungun ti manga makasalanan, balaw ti manga matadlung.”

Markus 2:17

Pagka nadnugan ni Hisus tunda, sinabi niya sa manga manugtudlu Kasuguan, “Unman may kailangan sa manugbulung ti balaw may manga sakit, ti may manga sakit lang ti may kailangan. Unman aku nagsitay hampay magtaban sa manga matadlung, nu unman sa manga makasalanan ngap.”

Lukas 15:2

Ti manga Parisiyu hanggan manga manugtudlu Kasuguan nanrayansan magkun, “Inda pag tawu maaw matinanggapun sa manga makasalanan ag magsaru sa kanda.”

Lukas 19:10

Dahil aku, ti Anak Tawu, nagsitay hampay hanapun ag iribri ti nadura.”

Lukas 5:32

Unman aku nagsitay hampay magtaban sa manga matadlung tabug sa pag-ampu sa kasalanan. Nakan aku nagsitay hampay manaban sa manga makasalanan tabug sa pag-ampu sa kanda manga magbuwat daut.”

Huwan 1:12

Dapat una si unu ti nagtanggap ag nagsarig sa kanya pinakan-an niya karampatan hampay sida manga anak yi Diyus.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 12:47

Una hintay pag tawu nu magpatingi sa kang pagbagawun bag-u unman niya pagpaniwalaan, balaw aku ti pumihu sa kanya nu daut nu mayad. Dahil aku unman nagsitay hampay kang pihuun ti taga kalibutan nu daut nu mayad. Nakan aku nagsitay hampay ngap iribri ti taga kalibutan.

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Binwat 11:1

Nabaritaan manga iba apustul hanggan manga patar-ari sa bilug daga Hudiya may manga balaw Hudiyu naniwala diman sa Bagaw Diyus.

Binwat 11:18

Pagka nadnugan manga patar-ari inda pag manga sinabi ni Pidru, udyi sida may pagsabihun sa kan Pidru. Bagkus ngap nagdayaw sida sa Diyus magkun, “Nu katunda maaw, ipinakaun diman Diyus sa manga balaw Hudiyu hampay makaampu sida sa kanda kasalanan ag makatanggap buhi.”

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Ruma 11:14

hampay humirak kang manga kaparihu Hudiyu agud may maribri waya ti iba sa kanda.

Ruma 5:6

Dahil sa kay taning pag kaudasan, pagka unman kakayakaya waya kita, si Kiristu namatay hampay mabawi niya ti manga makasalanan.

1 Kurintu 15:9

Aku ngani ti pinakaababa sa manga apustul, unman aku may karampatan ingarnan apustul, dahil inunu-unu niku ti iglisya Diyus.

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

1 Timutiyu 1:13

Madi kaybi waya kang linapastangan, inunu-unu ag unman diman waydi pinahalgaan niku siya. Dapat kinaawaan di gid aku Diyus dahil tunda kang binwat kaybi kang udwaya nakaalam ag udwaya may pagsarig sa kanya.

1 Timutiyu 1:19

Pangungud yi lang gid kawu sa kanmu pagsarig ag danga may pag-alalahanun kasalanan sa kanmu tagipusuun. Dahil may manga tawu unman pagpahalagaan nida kanda malumpiyu tagipusuun, nakan rinangga yi kanda pagsarig.

1 Timutiyu 3:1

Tutuu ti pagsabihun magkun, “Nu may tawu magkaibug magpangasiwa sa iglisya, magkailangan siya sa mayad pag buruwatun.”

1 Timutiyu 4:9

Balaw pudil inda ti pagsabihun ag kailangan lubus paniwalaan.

1 Timutiyu 6:13

Sa atubangan Diyus imaw ti gimpuunan tanan magkabuhi ag sa atubangan ni Kiristu Hisus imaw ti nagpatutuu mayad-mayad sa kay pagsarig sa pagdungugan ni Punsiyu Pilatu, kang pagsabihan duy kawu,

2 Timutiyu 2:11

Tutuu gid ti kabagawan magkun, “Nu kita namatay kaibahan ni Kiristu, balaw may palya pihu mabuhi diman kita kaibahan niya.

Titu 3:8

Inda pag manga adal imaw ti katutuuhanan. Nakan ngani kang gustu pagkasipag kawu itudlu nimu inda hampay ti manga magsarig sa Diyus handa kanda naisipan sa pagbuwat mayad. Inda pag manga paanyu imaw ti pinakamayad ag mapakinabangan tanan tawu.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Huwan 3:5

Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.

1 Huwan 5:11

Inda yi ngani ti pagsabihun Diyus magkun, ipinakaun niya sa kanta ti tutuu pag buhi unman may katapusan. Kay Anak Diyus ti gimpuunan inda pag buhi.

Ipinakakit 21:5

Bag-u nagbagaw ti matukawan sa tukawan hari magkun, “Taynguna buwatun niku ti bag-u pag manga bagay.” Kay sinabi waya niya sa kangku magkun, “Isurat nimu pagkumun, masarigan ag tutuu inda pag manga bagaw.”

Ipinakakit 22:6

Bag-u sinabi anghil sa kangku magkun, “Masarigan ag tutuu inda pag manga bagaw. Ti Panginuun Diyus, ti nag-udyuk sa naisipan manga purupita, imaw diman ti nagsugu sa kay anghil hampay ipakakit sa kay manga suruguun ti manga udyi dugay mangyari yi aban.”

Ipinakakit 5:9

Nagkanta sida inda pag bag-u kanta magkun, “Kawu ti may karampatan magbuul sa kasuratan malulunan ag magbukas kay manga kula, dahil kawu ti minatay ag dahil sa kanmu dugu may linukat kawu manga tawu ginan sa kada linahi, pamagaw, banwa ag nasyun hampay sida manga sakup yi Diyus.