1 Timutiyu 1:10 - Hanunuu

¹⁰ sa manga mag-uragin, sa manga magkaibug sa kaparihu lalaki, sa manga manugdagit sa tawu, sa manga pudilun, sa manga magsumpa sa kapudilan ag nu may imaw waya tuhay pag buwat balaw angay sa marinu pag tudlu.

1 Timutiyu 1:10 Iomraidhean Croise

Gimpuunan 19:5

Tinawag nida si Lut ag pinaingana, “Naan yi kanmu manga manugsabang lalaki rinmas-ug taynguna pag yabi? Palwasan sida dahil gustu nimi sida ulidun.”

Gimpuunan 37:27

Ti mayad siguru ipabili nita siya sa tunda pag manga Ismailita. Danga nita siya pag matya dahil patar-ari nita siya.” Nagpasnu kay manga patar-ari ni Huda sa sinabi niya.

Gimpuunan 40:15

Dahil ti tutuu, pinilit lang aku dinara sitay sa Ihiptu ginan sa daga manga Hibriyu, ag una sitaay unman diman aku may nabwat kasalanan hampay ipirisu aku.”

Pag-ighit 20:7

“Danga niyu paggamita kang ngaran sa unman may pulus. Aku, ti Panginuun niyu Diyus, ti pumarusa una si unu ti gumamit kang ngaran sa unman may pulus.

Pag-ighit 21:16

“Una si unu ti magtagu sa usa ka tawu kailangan matyun, una ipinabili yi niya inda ngatay unman waya.

Husyas 10:4

Sigi lang sida sa bagaw dapat unman diman sa buwat. Magsumpa sida pudil ag magbuwat kasunduan unman diman pagtupadun. Nakan ngani ti katadlungan nagbaliw ga ilamnun makahilu magtubu sa inaradu pag daga.

Libitiku 18:22

Danga kawu mag-ulid sa kanmu kaparihu lalaki, dahil mayagting inda.

Libitiku 20:13

Nu ti usa ka lalaki mangulid sa kay kaparihu lalaki, sida duwa kailangan matyun dahil mahalay kanda binwat. Sida di waydi kay dahilan nida kamatayan.

Sakaryas 5:4

Magkun ti Makapangyarihan Panginuun, ‘Ipadara niku inda pag manga saad sa ulian manga manugtakaw ag sa ulian manga magsumpa may kapudilan sa kang ngaran. Pumirmaminti inda sa kanda balay tugka sa magkarawayak inda.’ ”

Sakaryas 8:17

Danga kamu maggayak daut laban sa kanyu kaparihu, ag danga kamu magsumpa sa kapudilan dahil ti tanan tunda kang pagkadat-an.”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Ruma 1:26

Nakan pinasibut-an sida Diyus sa mahalay pag kagustuhan nida naisipan. Una manga babayi nagdayu yi sa natural pag malahalan sa lalaki tag sa babayi bag-u kaparihu ngap babayi tigkaraibgan.

Diyuturunumiyu 24:7

“Nu natakdan ti usa ka tawu magdakup sa kay kaparihu Israilita ag binuwat niya suruguun ngatay ipinabili niya, kailangan matyun ti nagdakup. Kailangan duraun niyu inda pag kadautan sa kanyu.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

1 Timutiyu 6:3

Una si unu ti magtudlu tuhay sa inda pag manga katutuuhanan ag unman angay sa mayad pag manga bilin nita Panginuun Hisu-Kiristu, una hanggan sa manga tudlu tungkul sa kanta surundanun,

2 Timutiyu 1:13

Pag-isipa nimu pirmi kang manga itinudlu sa kanmu, huwada gid nimu. Kabay pasay katutuuhanan tunda. Pagpakarig-un kawu sa pagsarig hanggan sa pagmahal kanta tinanggap dahil sa kanta pakiusa sa kan Kiristu Hisus.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

Titu 1:13

Balaw salan kay pagsabihun. Nakan paanyuan nimu sida sa mahigpit hampay mangugali sida sa maayus angay sa kanda pagsarig,

Titu 1:9

Kailangan siya marig-un kay magtupad sa tutuu pag Bagaw Diyus angay sa itinudlu sa kanya hampay mitudlu maan niya sa manga iba sa ikarig-un nida ag hampay ipagpakilala diman waydi niya ti salan manga tawu maglaban sa Mayad pag Barita.

Hibriyu 13:4

Kailangan galangun tanan tawu ti pag asawa. Kailangan magtupad ti mag-asawa sa usa kag sa usa. Dahil ti manga mahalay hanggan ti magpanguragin pasay sintinsiyahan Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 18:13

May paninda diman sida manga kaningay hanggan kamangyan, may mira, may kamangyan, may intus, manga langis, may arina hanggan tirigu, may baka, manga karanidu, manga kabayu, manga kalisa, hanggan may paninda diman sida manga panawuhun, manga buhi tawu.

Ipinakakit 21:27

Dapat unman may makasulud ati una hintay pag manga bagay mayagting sa kay magbantay Diyus, una hintay tigbuwat kahalayan, una ti manga magpudil unman gid sumulud. Tunda lang pag manga tawu ti makasulud ati ti nakasurat kanda manga ngaran sa ribru kabuhian. Anak Karanidu kay apu tunda pag ribru.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”

Ipinakakit 22:15

Dapat matayak sa luwas banwa ti manga daut pag tawu, ti manga magsarig sa kapangyarihan ni Satanas, ti manga magpanguragin, ti manga maglibun tawu, ti manga magsamba sa diyus-diyusan, ti tanan magbaya sa maradaya hanggan ti manga magdaya.