1 Samwil 9:5 - Hanunuu

⁵ Pagka nakaaput sida sa rugar Sup, magkun si Saul sa kay suruguun, “Muli yi kita. Barang mag-isip yi ati sa kanta kang ama sa halip sa manga asnu.”

1 Samwil 9:5 Iomraidhean Croise

Matiyu 6:25

“Nakan pagsabihun niku sa kanyu, danga kamu magkaarimputu tungkul sa karan-unun ag sa danum kanyu kailangan sa ikabuhi niyu, hanggan sa rutay para sa kanyu manga bilug. Unman aw ti buhi tawu mahalaga man sa karan-unun, ag ti bilug mahalaga man sa rutay?

Matiyu 6:28

“Hayga kamu magkaarimputu tungkul sa kanyu manga rutay? Isipa dapu nu kabitay ti ilamnun magbusang sa padang. Unman sida magtarabahu, unman waydi maghabul.

Matiyu 6:34

Nakan ngani danga niyu ikaarimputu ti tungkul sa aldaw pag sirang, bag-u yi niyu isipun nu kainda ay yi. Kang-udyi yi sa kada sirang kay kakurian.”

Lukas 12:11

Nu kamu darahun sa simbahan manga Hudiyu hampay bistahun una sa atubangan manga Pinunu una sa atubangan manga gubirnadur, danga kamu magkakuri nu kabitay ti isagut ngatay nu hintay kanyu sabihun.

Lukas 12:22

Sinabi ni Hisus sa kay manga tuludluan magkun, “Nakan ngani magkun aku sa kanyu, danga kamu magkaaburidu sa kanyu pangabuhi nu hintay kanyu kan-un, una sa kanyu bilug nu hintay kanyu irutay.

1 Samwil 1:1

May usa ka lalaki ginan sa lahi ni Sup kay ngaran si Ilkana. Sa Rama siya pag mag-uli sa kabantudan Ipraim. Anak siya ni Hiruham anak ni Ilihu. Si Ilihu kay anak waydi ni Tuhu, anak ni Sup, ginan sa lahi ni Ipraim.

1 Samwil 10:2

Nu kita mamululagan yi sab, may masampakan kawu duwa ka lalaki arani sa may lubung ni Rakil sa Silsa, sa katugkaan daga Binhamin. Bag-u sumabi sida sa kanmu magkun, ‘Ti manga asnu kanmu paghanapun nakitan yi. Udyi pag-alalahanun nimu ama, kamu yi ngap kay pag-alalahanun taynguna, magkun siya, “Kabitay wadi kang buwatun hampay makitan niku kang anak?” ’