1 Samwil 9:16 - Hanunuu

¹⁶ “Aldaw sa kainda diman pag udas, paasantagun niku sa kanmu ti usa ka tawu ginan sa rugar Binhamin. Payidi nimu siya lana ulibu sa kay ulu bilang palatandaan siya yi ngani kang pinili pag takinan niku nasakupan Israilita. Iribri niya kang manga nasakupan ginan sa kamang manga Pilistiyu dahil nakitan niku kanda kakurian, nadnugan niku kanda magdangup sa kangku.”

1 Samwil 9:16 Iomraidhean Croise

2 Samwil 3:18

Inda yi ti panahun niyu, dahil may taratu ti Panginuun sa kay suruguun sa kan Dabid kuntay sa panab-anan niya kay iribri ti nasakupan Israil ginan sa kamang manga Pilistiyu hanggan sa tanan nida kalaban.”

2 Hari 20:5

“Pagbalik kawu sa kan Isikyas, ti takinan niku nasakupan, ag sabihan inda: ‘Inda ti pagsabihun Panginuun, ti Diyus nimu ginurang si Dabid: Nadnugan niku kanmu darangin ag nakitan niku kanmu manga luwa. Paayadun niku kawu. Sa ikatlu pag sirang taynguna ginan makabangun yi kawu, ag makaatag kawu sa Balay Diyus Panginuun.

Kanta 102:1

Panginuun, patingihi kang darangin. Patingihi kang maghagad awat sa kanmu.

Kanta 106:44

Dapat nu magtawag sida sa Diyus, pag-awatan diman niya sida sa kanda manga kakurian.

Kanta 25:18

Bantayi nimu kang magkalakawan manga kakurian, ag patawada ti tanan niku kasalanan.

Kabagawan 16:9

Tawu ti maggayak, dapat ti Panginuun ti magpatupad sa inda pag gayak.

Hirimyas 32:8

“Parihu ngani sa kay pagsabihun sa kangku Panginuun, nag-atag sa kangku si Hanamil kang pinsan-suud ati sa punduhan manga guwardiya. Magkun siya sa kangku, ‘Biliha nimu kang tanman ati sa Anatut sa daga lahi ni Binhamin. May karampatan ag katungkulan kawu hampay mapasa-kanmu tida, nakan biliha yi nimu tida.’ ” Alam niku nalub-anan inda Panginuun

1 Samwil 10:1

Bag-u nagbuul si Samwil usa ka sukadan may sukad lana ulibu, ibinuhus niya sa ulu ni Saul, bag-u kay hinagkung ag magkun, “Ti Panginuun imaw ti nagpili sa kanmu hampay pumanguna sa kay magkaapu pag nasakupan.

1 Samwil 14:20

Bag-u tinipun ni Saul kay manga tawuhan ag linmusub sa girahan. Nakitan nida ti manga Pilistiyu magkalaguluhan ag sida-sida magmaratyan.

1 Samwil 14:23

Tugka waya sa unahan Bit Abin pag nakaaput ti girahan. Ag sa ati katpung pag udas, irinibri Panginuun ti Israil.

1 Samwil 15:1

Sinabi ni Samwil sa kan Saul, “Sinugu aku kaybi Panginuun payidan kawu lana ulibu hampay ipakakit sa nasakupan Israil kawu kay pinili hari. Pakidnugi nimu ti pagsabihun Panginuun.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 16:3

Ban-awan nimu si Isai hampay kumuyug sa kanmu sa paghandug ag tudluan niku kawu nu unu kanmu buwatun. Itudlu niku sa kanmu kang pinili pag anak niya hampay maghari. Bag-u payidan nimu lana ulibu kay ulu.”