1 Samwil 9:12 - Hanunuu

¹² Sinmagut sida, “Hu, asan di duy siya. Inmuna lang waydi ngalay sa kanyu. Bag-u lang siya ras-ug sitay sa kanmi banwa hampay pangunahan ti manga tawu manhandug ati sa simbahan sa abwat pag rugar. Apura kamu!

1 Samwil 9:12 Iomraidhean Croise

Gimpuunan 31:54

Naghandug hayup si Hakub ati sa bantud, ag tinawagan niya kay manga katawuhan hampay mangaun. Igu yabi, ati sida pag naturug sa bantud.

1 Krunika 16:39

Ipiniyar ni Dabid kan manughandug Saduk ag sa kay kaparihu manga manughandug ti Turda Panginuun ati sa abwat pag rugar sa Gibyun.

1 Samwil 10:5

Siyun ginan rumas-ug kawu sa Bantud Diyus, nu naan pag may kampu ti manga Pilistiyu. May masampakan kawu usa ka gurupu manga purupita maglus-ug ginan sa simbahan sa abwat pag rugar. Magpatunug sida alpa, pamakaransing, palawta hanggan lira, bag-u magtultul bagaw Diyus.

1 Samwil 16:2

Dapat magkun si Samwil, “Kabitay aku umatag? Nu maalaman inda ni Saul, pihu gid matyun niya aku.” Magkun ti Panginuun, “Pagdara kawu usa ka dumaraga baka atag sa Bitlihim, bag-u sabihun nimu sa manga tawu kuntay atabug kawu hampay manhandug sa Panginuun.

1 Samwil 2:35

Manpili aku manughandug kay gid matinupadun sa kangku ag masurundun sa kang kagustuhan. Pakan-an niku siya manga lahi imaw ti sumirbi sa kang pinili pag hari sa unman may katapusan.

1 Samwil 20:6

Nu hanapun aku nimu ama, sabiha nimu sa kanya kuntay naghagad aku pahintulut sa kanmu umuli dap aku sa kanmi sa Bitlihim hampay makaibahan niku kang buu magtal-anakan sa kanda paghandug angay sa buruwatun timpu-timpu.

1 Samwil 7:17

Dapat binmalik di siya sa Rama nu naan siya pag mag-uli ag nagpangulu diman siya ati sa manga tawu. Nagbuwat siya ati sa Rama usa ka surunugan manga handug sa Panginuun.