1 Samwil 8:5 - Hanunuu

⁵ Sinabi nida sa kan Samwil magkun, “Kawu duy gurangun yi gid, kanmu manga anak unman magsunud sa kanmu manga ugali mayad. Nakan ngani pakan-i duy nimu kami hari, hampay imaw maan ti manpangulu sa kanmi parihu sa iba nasyun, may hari diman.”

1 Samwil 8:5 Iomraidhean Croise

Bilang 23:9

Pagka ati aku sa katayungtungan tagudtud, nakitan niku sida. Magkabuhi diman sida una sida-sida lang, mablagan sa iba ka manga nasyun.

Binwat 13:21

Pagka sida nanhagad hari, ipinakaun Diyus sa kanda si Saul, kan Kis anak, kan Binhamin linahi hampay siya maghari sa kanda sa sulud upatpulu ka timpu.

Talaghusay 8:22

Magkun ti manga Israilita sa kan Gidyun, “Dahil kawu ti nagribri sa kanmi sa manga Midyanita, kawu yi lang ag kanmu manga lahi ti humari sa kanmi.”

1 Samwil 10:19

Dapat taynguna pag sirang pinatlikudan niyu aku, madi aku kanyu Diyus tig bawi sa kanyu ginan sa tanan niyu malakawan pag kakurian hanggan kagipitan. Sinabi niyu sa kangku magkun, “Kailangan pakan-an nimu kami usa ka hari.” ’ Nakan taynguna kamu pag-atubang sa Panginuun angay sa kada lahi niyu ag magtal-anakan.”

1 Samwil 12:13

Taynguna inda yi ngani ti hari kanyu pinili hanggan kanyu hinagad, ag ipinakaun inda Panginuun sa kanyu.

1 Samwil 12:17

Unman aw taynguna udas yi tig-arani ag unman mag-uran? Dapat dumarangin aku sa Panginuun hampay pumadara siya linti hanggan uran. Bag-u masalman niyu nu kabitay kay ka daut kanyu binwat sa magbantay Panginuun sa kanyu magpakahagad hari.”

1 Samwil 12:2

Taynguna inda yi siya, kanyu manuggiya. Aku di bay gurangun yi ag ubanin yi. Kang manga anak bay kaibahan waya niyu. Aku yi waydi ti naggiya sa kanyu ginan kaybi sa kang kasupangan hanggan taynguna tugka.

1 Samwil 9:20

Nu bay tungkul waydi sa manga asnu nadura nakatlu waya pag sirang, danga yi nimu pag-alalahana, dahil nakitan yi tunda. Dapat taynguna, sabihun niku sa kanmu kawu duy hanggan kanmu ama buu magtal-anakan imaw gid ti pagsarigan manga Israilita.”