1 Samwil 8:18 - Hanunuu

¹⁸ Ati katpung aban dumangup yi gid kamu sa Panginuun dahil sa pag-unuunu niyu hinagad pag hari, dapat kamu balaw gid dungugun Panginuun.”

1 Samwil 8:18 Iomraidhean Croise

2 Krunika 10:11

Kang ibug sabihun mas mabuyat waya ti ipatupad niku sa kanyu kaysa pag-ipatupad niku ama. Nu binakul kamu niku ama latigu, bakulun niku kamu latigu may maratarum pag manga baul.’ ”

Hub 27:8

Dahil unu lugud ti pagsarigan tawu unman maka-diyus nu bul-un yi Diyus kay buhi?

Hub 27:9

Mamatingi aw lugud ti Diyus sa kay maghagad awat nu ti kadalaan rumas-ug sa kanya?

Kanta 18:41

Maghagad sida awat, dapat unman may nangawat sa kanda. Nagtawag sida sa kanmu, Panginuun, dapat balaw nimu sida sinagut.

Kabagawan 21:13

Nu unman nimu pagpansinun ti manga pugri, balaw diman kawu pansinun nu manhagad kawu awat.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 8:21

Lumakaw sida magkagasa ag magkalun-us. Ag dahil sa lun-us, mangisug sida ag saadan ti hari nida hanggan kanda Diyus. Una manangda sida sa langit

Isikil 8:18

Nakan masamitan nida kang pangagalit. Balaw gid niku sida kaawaan. Una manringgit waya sida mabisug sa paghagad awat sa kangku, balaw niku sida patingihan.”

Mikas 3:4

Sa udas parusahan kamu, manhagad kamu awat sa Panginuun, dapat balaw niya kamu awatan. Pabay-anan niya kamu dahil sa kanyu daut pag manga buwat.

Lukas 13:25

“Nu tumindug ti may apu balay bag-u kay talakpan yi ti sabian, kamu bay matindugan lang sa luwas sabian mag-ayawun tag sa sulud magkun, ‘Panginuun, bukasi yi duy ti sabian.’ Sumabi siya sa kanyu, ‘Unman aku magkilala sa kanyu nu taga naan kamu.’

1 Samwil 8:17

Bul-un diman niya kanyu ikasampulu pag bahagi manga hayup. Kamu aban hanggan kay yi ngap manga panawuhun.