1 Samwil 7:9 - Hanunuu

⁹ Bag-u nagbuul si Samwil usa ka anak karanidu ag kay sinunug bilugan bilang handug pagsunugun para sa Panginuun. Nagdangup siya sa Panginuun hampay awatan ti manga Israilita. Dinungug Panginuun kay darangin.

1 Samwil 7:9 Iomraidhean Croise

Kanta 50:15

Pagdangup kamu sa kangku sa udas kakurian, dahil iribri niku kamu, ag dayawun niyu aku.”

Kanta 99:6

Si Muysis ag si Aarun kabilang sa kay manga manughandug, ag si Samwil ti usa sa manga magdarangin sa kanya. Magtawag sida sa kanya ag sinagut niya sida.

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Diyuturunumiyu 9:26

Nandarangin aku sa Panginuun, ‘Panginuun Diyus, danga duy nimu pagrurisa kanmu magkaapu pag manga nasakupan. Irinibri duy nimu sida ag ipinaluwas sa Ihiptu sa panab-anan nimu masyadu pag kamaskihan.

Santiyagu 5:16

Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.

Talaghusay 6:26

Pagkatapus, pagpabuwat kawu hustu pag harandugan para sa kangku, ti Panginuun nimu Diyus, sa tungud bantud inda. Bag-u ihandug nimu sa kangku ti tudu baka bilang handug pagsunugun. Ag gamita pan-gatung ti tulduk ni Asira kanmu pinanpulud.”

Talaghusay 6:28

Pagka surip, nakitan manga tawu daut yi ti harandugan ni Baal, ag pulud-pulud yi ti tulduk ni Asira ag imaw yi ti ipinan-gatung sa baka pag-ihandug sa bag-u pag harandugan.

1 Samwil 10:8

“Pag-una yi kawu sa kangku ati sa Gilgal. Dumasun lang aku sa kanmu hampay manhandug manga handug pagsunugun hanggan manga handug sa mayad pag pakiusa. Dapat alagda nimu aku asan sa sulud pitu ka sirang hanggan sa ud rumas-ug aku. Bag-u itultul niku sa kanmu ti tanan nimu buruwatun.”

1 Samwil 12:17

Unman aw taynguna udas yi tig-arani ag unman mag-uran? Dapat dumarangin aku sa Panginuun hampay pumadara siya linti hanggan uran. Bag-u masalman niyu nu kabitay kay ka daut kanyu binwat sa magbantay Panginuun sa kanyu magpakahagad hari.”

1 Samwil 16:2

Dapat magkun si Samwil, “Kabitay aku umatag? Nu maalaman inda ni Saul, pihu gid matyun niya aku.” Magkun ti Panginuun, “Pagdara kawu usa ka dumaraga baka atag sa Bitlihim, bag-u sabihun nimu sa manga tawu kuntay atabug kawu hampay manhandug sa Panginuun.

1 Samwil 2:35

Manpili aku manughandug kay gid matinupadun sa kangku ag masurundun sa kang kagustuhan. Pakan-an niku siya manga lahi imaw ti sumirbi sa kang pinili pag hari sa unman may katapusan.

1 Samwil 7:17

Dapat binmalik di siya sa Rama nu naan siya pag mag-uli ag nagpangulu diman siya ati sa manga tawu. Nagbuwat siya ati sa Rama usa ka surunugan manga handug sa Panginuun.

1 Samwil 9:12

Sinmagut sida, “Hu, asan di duy siya. Inmuna lang waydi ngalay sa kanyu. Bag-u lang siya ras-ug sitay sa kanmi banwa hampay pangunahan ti manga tawu manhandug ati sa simbahan sa abwat pag rugar. Apura kamu!