1 Samwil 7:3 - Hanunuu

³ Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”

1 Samwil 7:3 Iomraidhean Croise

Gimpuunan 35:2

Nakan magkun si Hakub sa kay magtal-anakan hanggan sa tanan kaibahan niya, “Yamtan yi niyu kanyu manga diyus-diyusan. Lumpiyuha kanyu sadili ag ilisi kanyu manga rutay bilang tanda bag-u ag malumpiyu pag buhi.

1 Hari 11:33

Buwatun niku inda dahil binugyahan niya aku ag sinamba niya si Astarut, ti diyus manga Siduniyu, si Kimus, ti diyus manga Muabita, ag si Muluk, ti diyus manga Amunita. Unman siya nagsunud sa kang kagustuhan ag unman nangabuhi matadlung sa kang atubangan. Unman siya nagsunud sa kang manga surundanun ag manga sugu; balaw ga kay ama sa ga kan Dabid.

1 Hari 8:48

patingihi kanda darangin. Nu bumalik sida buu tagipusuun ag naisipan sa kanmu ati sa rugar nida manga kalaban ti nagbihag sa kanda, ag mandarangin sida sa kanmu maatubangan sa inda pag daga ipinakaun nimu sa kanda manga ginurang, sa inda pag banwa nimu pinili, ag sa Balay Diyus niku ipinatindug para sa kanmu kadayawan,

2 Hari 17:39

Aku lang gid kanyu sambahun, ti Panginuun niyu Diyus, dahil aku ti manribri sa kanyu ginan sa tanan niyu manga kalaban.”

2 Hari 23:15

Una ti harandugan sa simbahan sa abwat pag rugar ati sa Bitil ipinadaut ni Husyas. Inda pag simbahan ipinabwat ni Hirubuam kay anak ni Nabat, imaw ti pinun-an kasalanan manga taga Israil. Ipinarunut dariit inda ni Husyas ag sinunug, hanggan ti tulduk tanda diyusa si Asira.

1 Krunika 22:19

Nakan kainda pagdangup kamu sa Panginuun niyu Diyus sa buu niyu tagipusuun ag karadwa. Umpisahi yi niyu ti pagpatindug sa Balay Panginuun Diyus hampay mipauli yi niyu ti Kaban Kasunduan Panginuun ag ti pinili pag manga kagamitan Diyus sa inda pag Balay ibungsud para sa kay kadayawan.”

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

2 Krunika 19:3

Dapat may imaw di mayad sa kanmu. Bin-ul nimu sa Huda ti manga tulduk tanda diyusa si Asira ag sinikap nimu sumunud sa Diyus.”

2 Krunika 20:33

Dapat unman niya bin-ul ti manga simbahan sa abwat pag manga rugar, ag ti manga tawu unman diman waya nagbaliw matinupadun sa pagsunud sa Diyus nida manga ginurang.

2 Krunika 30:19

magkaibug magdangup sa kanmu, ti Diyus niya manga ginurang, una waya balaw siya malumpiyu angay sa manga surundanun sa Balay Diyus.”

Kabagawan 16:1

Tawu ti maggayak, dapat Panginuun ti magpasya nu matupad tunda pag gayak ngatay unman.

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 36:3

Barang abi man-ampu ti manga nasakupan Huda nu madnugan nida ti tanan kadamhakan kang paggayakun buwatun sa kanda ag patlikudan nida ti daut pag ugali nida. Bag-u nu mangyari inda, patawadun niku sida sa kanda manga kadautan ag kasalanan.”

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Isikil 14:6

“Nakan taynguna, sabihi ti nasakupan Israil aku, ti Panginuun Diyus, magkun: Pag-ampu kamu ag bugyahi kanyu manga diyus-diyusan, ag tayaki ti tanan niyu mayagting pag manga buwat.

Isikil 18:31

Nasakupan Israil, hayga gustu niyu mamatay? Apasi yi niyu ti pagbuwat daut ag bag-uha yi niyu kanyu buhi.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Matiyu 15:8

Inda pag nasyun tugka lang sa bagaw kanda maggalang sa kangku, kanda tagipusuun arayu di sa kangku.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 6:24

Sinabi ni Hisus magkun, “Unman may makasirbi dungan sa duwa ka amu. Dahil dayuun niya ti usa, ti usa kay adiun. Sirbihan niya mayad ti usa ag pabay-anan lang kay usa. Dayu masirbihan niyu dungan ti Diyus hanggan ti kayamanan.

Lukas 4:8

Sinabi ni Hisus, “Nakasurat sa Banal Kasuratan magkun, ‘Sambahun nimu ti Diyus, imaw kanmu Panginuun, siya lang ti dapat nimu sirbihan.’”

Huwan 4:24

Ti Diyus Ispiritu, nakan ti tawu unman ungud makasamba purya lang nu siya udyukan Ispiritu Diyus hanggan katutuuhanan.”

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 13:4

Ti Panginuun lang kanyu Diyus ti sundun niyu ag igalang. Sunda siya hanggan kay manga sugu; sirbihi niyu siya ag pagsa kanya gid kamu.

Diyuturunumiyu 4:29

Dapat nu ligawun niyu ti Panginuun niyu Diyus, makitan niyu siya, basta hanapun niyu siya buu tagipusuun.

Diyuturunumiyu 6:13

“Galanga niyu ti Panginuun niyu Diyus; siya lang gid kanyu sirbihan ag pagtaratu kamu sa kay lang ngaran.

Huswi 13:31

Kaibahan diman ti katunga Gilyad, hanggan ti Astarut ag Idri, ti manga banwa sa Basan nu naan maghari si Ug. Imaw tunda pag manga daga ti ipinakaun sa katunga lahi ni Makir kay anak ni Manasis, angay sa kada magtal-anakan.

Huswi 24:14

Nakan magkun si Huswi, “Galanga niyu ti Panginuun ag sirbihi may katapatan. Bugyahi yi niyu ti manga diyus pagsambahun kaybi niyu manga ginurang sa baliw dipay Sapa Iyupratis ag sa Ihiptu, bag-u pagsirbi kamu sa Panginuun.

Huswi 24:23

Bag-u magkun si Huswi, “Nu katunda, dayua yi niyu kanyu manga diyus-diyusan ag sirbihan niyu ti Panginuun, ti Diyus Israil.”

Talaghusay 10:16

Bag-u dinayu nida kanda diyus-diyusan ag nagsamba sa Panginuun. Sa kadugayun unman yi mabata Panginuun makitan sida magkakurian.

Talaghusay 10:6

Nagbuwat maan kadautan ti manga Israilita sa magbantay Panginuun. Nagpatlikud sida sa Panginuun ag nagsamba sa manga tawu-tawu Baal hanggan Astarut, ag sa manga diyus-diyusan Aram, Sidun, Muab, Amun, ag Pilistiya.

Talaghusay 2:11

Nagbuwat kadautan ti manga Israilita sa magbantay Panginuun ag nagsamba sa manga tawu-tawu Baal.

Talaghusay 2:13

dahil binugyahan nida siya ag nagsirbi sa kan Baal ag kan Astarut.

1 Samwil 31:10

Ipinauli nida ti manga armas ni Saul sa balay diyus-diyusan nida si Astarut, ag ipinaku kay bangkay ni Saul sa alad batu banwa Bit San.