1 Samwil 7:2 - Hanunuu

² Siyun yi ngap sa Kiryat Harim pag nadugay ti Kaban Panginuun sa sulud manga duwapulu ka timpu. Ti buu nasyun Israil nagruku ag nagdangup sa Panginuun hampay awatan.

1 Samwil 7:2 Iomraidhean Croise

1 Krunika 13:3

Udas yi inda hampay bul-un nita ti Kaban nita Diyus, dahil unman nita inda pinahalgaan katpung si Saul waya ti hari.”

1 Krunika 13:5

Nakan tinipun ni Dabid ti tanan Israilita, ginan sa Sapa Sihur sa Ihiptu tugka sa Libu Hamat, sa pagbuul sa Kaban Diyus sa Kiryat Harim.

Hirimyas 26:20

Pagka sa ati diman pag udas, may usa waya ka nagbagaw tungkul sa pag-ipasabi Panginuun. Siya si Uryas kay anak ni Simaya taga Kiryat Harim. Nagbagaw diman siya laban sa inda pag banwa hanggan sa inda pag nasyun parihu sa kay pagsabihun ni Hirimyas.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Matiyu 5:4

Papaladan Diyus ti manga may karukuan, dahil sida pakan-an di niya kabayaan.

Huswi 9:17

Nakan naglakaw ti manga Israilita, bag-u pagka nakalawuy ti tulu ka sirang nakaaput sida sa manga banwa pag-ulian tunda pag manga tawu. Inda pag manga banwa Gibyun, Kipira, Biirut ag Kiryat Harim.

Talaghusay 2:4

Pagka nadnugan inda manga Israilita, nangungud sida sa lumi.

1 Samwil 7:1

Nakan bin-ul manga taga Kiryat Harim ti Kaban Panginuun ag dinara sa balay ni Abinadab sa may tagudtud. Pinili nida si Iliyasar, anak ni Abinadab hampay manugbantay siyun.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”