1 Samwil 6:6 - Hanunuu

⁶ Danga yi niyu pagpaganita kanyu manga tagipusuun parihu sa binwat manga Ihipsiyu hanggan nida hari. Pinasnuan lang nida makalakaw ti manga Israilita pagka masyadu yi ti pagpakuri Diyus sa kanda.

1 Samwil 6:6 Iomraidhean Croise

Hub 9:4

Madunung ag makamaskihan gid ti Diyus. Si unu lugud ti nanlaban sa kanya nanalu?

Kanta 95:8

danga pagpaganita kanyu manga tagipusuun parihu sa binwat niyu manga ginurang kaybi ati sa Miriba, kumun diman katpung ati sida sa may pangawakawaan Masa.

Pag-ighit 10:3

Nakan nag-atag sida ni Muysis ni Aarun sa hari Ihiptu bag-u sinabi sa kanya, “Inda ti pagsabihun Panginuun, ti Diyus manga Hibriyu, ‘Tugka kapira kawu magpalabaw-labaw sa kangku? Paighita yi nimu kang nasakupan hampay makasamba sida sa kangku.

Pag-ighit 14:17

Paganitun niku ti tagipusuun manga Ihipsiyu hampay bukadun nida kamu. Dapat rurisun niku ti hari Ihiptu hanggan kay manga sundalu, manga manugkabayu ag manga kalisa. Sa panab-anan tunda, madayaw aku.

Pag-ighit 14:23

Binukad sida manga sundalu Ihipsiyu kaibahan kay tanan kabayuhan hari, manga kalisa hanggan ti manga manugkabayu tugka karaw-an dagat.

Pag-ighit 4:21

Magkun ti Panginuun sa kan Muysis, “Nu kawu rumas-ug yi sa Ihiptu, buwata gid nimu sa atubangan hari Ihiptu ti tanan makadululaw pag-ipabuwat niku sa kanmu. Pinakan-an yi niku kawu kapangyarihan hampay bumuwat tunda. Dapat paganitun niku ti tagipusuun hari hampay balaw niya pahintulutan umighit ti manga Israilita.

Pag-ighit 7:13

Dapat maganit di gid kay tagipusuun hari Ihiptu, balaw siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 7:14

Magkun ti Panginuun sa kan Muysis, “Maganit gid ti tagipusuun hari Ihiptu; unman niya pinaighit ti nasakupan Israil.

Pag-ighit 8:15

Dapat pagka nakitan hari Ihiptu udyi ti manga pikaw, nagmaganit yi maan siya, balaw siya naniwala sa kanda ni Muysis ag ni Aarun, parihu sa sinabi Panginuun.

Pag-ighit 8:32

Dapat nagmaganit di maan ti hari Ihiptu ag unman niya pinaighit ti manga Israilita.

Pag-ighit 9:16

Dapat pinasnuan niku kawu mabuhi sa inda pag turunu: hampay maipakakit niku sa kanmu kang kamaskihan ag hampay makilala kang ngaran sa buu kalibutan.

Pag-ighit 9:34

Pagka nakitan hari Ihiptu inmapas yi ti uran, ti yilu ag ti linti, utru siya nagkasala. Nagpaganit siya hanggan ti manga may kangaranan niya.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Hibriyu 3:13

Kailangan kamu magpararig-unan sirang-sirang hanggan may udas waya masabi taynguna. Barang una si unu sa kanyu dayaun di kasalanan ag gumanit kay tagipusuun laban sa Diyus.