1 Samwil 6:4 - Hanunuu

^4-5 Nagpaingana ti manga Pilistiyu, “Unu kanmi ipadara bilang handug bayad sa kasalanan?” Sinmagut ti manga manughandug hanggan manugsalumangka, “Pagbuwat kamu lima ka gintu kay histuda ga manga bukul ag lima ka gintu histuda angbu, inda angay sa kayamuun manga takinan nita, dahil rinmas-ug sa kanta hanggan sa manga takinan nita ti sarut manga bukul hanggan angbu imaw ti naminsala sa kanta daga. Ihandug niyu inda bilang pagdayaw sa Diyus Israil, barang ngani kay apasan ti pagpakuri sa kanta, sa manga diyus nita, hanggan sa kanta daga.

1 Samwil 6:4 Iomraidhean Croise

Pag-ighit 12:35

Sinunud manga Israilita ti sinabi sa kanda ni Muysis kuntay paghagad sida sa manga Ihipsiyu manga pamarinu pilak ag bulawan, hanggan manga rutay.

Huswi 13:3

sakup manga Kananiyu. Inda ginan sa sapa Sihur sa butlakan Ihiptu tugka sa kanaway Ikrun sa amihan, hanggan ti lima ka banwa manga Pilistiyu: ti Gasa, ti Asdud, ti Askalun, ti Gat ag ti Ikrun, bag-u ti manga daga manga Habiyu

Talaghusay 14:19

Sinuldan maan Ispiritu Panginuun si Samsun. Nag-atag siya sa Askalun ag ati pinanmatay niya ti 30 ka tawu ag binul-an manga kasiyunan ag manga rutay. Bag-u ipinakaun niya ti manga rutay sa manga tawu nakapintu sa kay patigmahun. Pagkatapus nuli siya sa kay manga gurang, magkaisug gid siya dahil sa nangyari.

Talaghusay 3:3

Inda ti manga nasakupan isinawad Panginuun: ti manga mag-ulian sa lima ka banwa manga Pilistiyu, ti tanan Kananiyu, ti manga Siduniyu, ag ti manga Hibiyu mag-uli sa manga bantud Libanun, ginan sa Bantud Baal Hirmun tugka sa Libu Hamat.

1 Samwil 5:12

Tunda pag manga tawu ti balaw namatay pinamukulan diman, kanda maghagad awat sunggu sa langit.

1 Samwil 5:6

Pinarusahan Panginuun mahigpit ti manga taga Asdud hanggan ti manga rugar siyun sa kay palibut. Pinakan-an sida Panginuun manga bukul imaw ti pinagkaparusa sa kanda.

1 Samwil 5:9

Pagka dinara yi ngani nida ati, pinarusahan Panginuun ti manga taga Gat. Nagkalaguluhan yi lang gid ti manga tawu, dahil pinarusahan Panginuun ti manga gurangun una ti manga anak. Pinamukulan gid sida.

1 Samwil 6:8

Bag-u bul-a niyu ti Kaban Panginuun ag paulian sa karusa. Paulian diman niyu sa kay arani ti usa ka kaban may sukad gintu manga bukul ag angbu kanyu ipadara bilang handug bayad sa kasalanan. Palakawa niyu ti manga baka sa unman may maggiya ag pabay-ani sida una naan tag.