1 Samwil 6:21 - Hanunuu

²¹ Nakan nagpasugu sida manga manugbarita sa manga taga Kiryat Harim ag sinabi ati magkun, “Inuli manga Pilistiyu ti Kaban Panginuun. Pag-ataytag kamu ag daraha niyu inda sa kanyu rugar.”

1 Samwil 6:21 Iomraidhean Croise

2 Samwil 6:2

Linmakaw sida atabug sa Baala sakup Huda hampay bul-un ati ginan ti Kaban Diyus, nu naan ti kadayawan Panginuun Makamaskihan. Ti Panginuun mag-ulian sa karaw-an duwa ka anghil kirubin sa tungud Kaban.

Kanta 78:60

Tinayakan niya kay turda sa Silu sa kay pag-ulian sitay sa kalibutan.

Hirimyas 26:20

Pagka sa ati diman pag udas, may usa waya ka nagbagaw tungkul sa pag-ipasabi Panginuun. Siya si Uryas kay anak ni Simaya taga Kiryat Harim. Nagbagaw diman siya laban sa inda pag banwa hanggan sa inda pag nasyun parihu sa kay pagsabihun ni Hirimyas.

Hirimyas 7:12

“ ‘Pag-ati kamu sa Silu, ti un-an pag rugar kang pinili hampay sambahun aku, ag bantayan niyu nu hintay kang binwat sa ati pag rugar dahil sa binwat kadautan niku nasakupan Israil.

Hirimyas 7:14

Nakan nu hintay kang binwat sa Silu buwatun diman niku sa inda pag Balay Diyus, kang pinili hampay sambahun aku, ti pagsarigan niyu pag Balay Diyus kang ipinakaun sa kanyu hanggan sa kanyu manga ginurang.

Huswi 15:60

Ti Kiryat Baal (imaw diman ti Kiryat Harim) ag ti Raba — 2 ka banwa, kaibahan ti manga baryu sa kay sangput.

Huswi 15:9

Siyun ginan, atabug inda sa Bulbugan Niptuwa, bag-u paluwas sa manga banwa arani sa Bantud Iprun. Bag-u palus-ug inda sa Baala (pag-ingarnan diman Kiryat Harim),

Huswi 18:14

Ati ginan, atabug inda sa isalpan sa bantud masranguhan sa Bit Hurun ag atabug sa kanaway. Nitugka inda sa Kiryat Baal (imaw diman ti Kiryat Harim), usa ka banwa lahi ni Huda. Imaw inda kay katugkaan sa isalpan.

Huswi 9:17

Nakan naglakaw ti manga Israilita, bag-u pagka nakalawuy ti tulu ka sirang nakaaput sida sa manga banwa pag-ulian tunda pag manga tawu. Inda pag manga banwa Gibyun, Kipira, Biirut ag Kiryat Harim.

Talaghusay 18:12

Nagkampu sida sa isalpan baliwa banwa Kiryat Harim sa Huda. (Nakan tugka kainda inda pag rugar pag-ingarnan Kampu ni Dan.)