1 Samwil 6:2 - Hanunuu

² ipinasugu manga Pilistiyu kanda manga manughandug hanggan manugsalumangka, bag-u kanda sinabi magkun, “Hintay ti dapat nimi buwatun tungkul sa Kaban Panginuun? Tultulan sa kanmi nu kabitay nimi inda maibalik sa kay sadili ulian.”

1 Samwil 6:2 Iomraidhean Croise

Gimpuunan 41:8

Pagka surip, magkaarimputu ti naisipan hari tungkul sa kay manga tagin-up, nakan ipinatawag niya ti tanan manughula hanggan ti madunung pag manga tawu sa Ihiptu. Itinultul niya sa kanda kay tagin-up, dapat una di usa sa kanda unman may nakatultul nu hintay kay ibug sabihun tunda pag tagin-up.

Pag-ighit 7:11

Ipinatawag waydi hari Ihiptu kay manga dunungin pag tawu hanggan manugsalumangka. Sa panab-anan nida salumangka, nabwat diman nida ti katida pag makadululaw.

Isayas 2:6

Ungud duy ipinurya nimu, Panginuun, kanmu manga nasakupan, ti linahi ni Hakub, dahil nagpaniwala sida sa manga turun-anun ginan sa butlakan hanggan sa manga manughula, parihu sa manga Pilistiyu. Pagsundun nida ti ugali manga day-uhan.

Danyil 2:2

Ipinatawag niya kay manga manugsalumangka, pandaniwan, pangiwaan, hanggan manga manughula, hampay itultul nida ti manga tagin-up niya.

Danyil 5:7

Nakan nagringgit siya tawaga ti madunung pag manga tawu sa Babilunya: ti manga pandaniwan, ti manga manughula, hanggan ti manga tihulan. Pagka rinmas-ug sida, magkun siya sa kanda, “Nu si unu ti makabasa tunda sa nakasurat ag makatultul kay kahulugan, parutayan niku panrutayun hari ag paunuan gintu. Bag-u buwatun niku ikatlu siya sa pinakaabwat pag takinan sa kang kaharian.”

Matiyu 2:4

Nakan tinipun niya ti tanan manga pangulu manughandug hanggan ti manga manugtudlu Kasuguan, bag-u pinaingana niya sa kanda nu naan pag ianak ti Kiristu.

1 Samwil 5:8

Nakan nagpasugu sida hampay tawagun ti tanan takinan manga Pilistiyu ag pinaingana, “Hintay kanta buwatun tungkul sa Kaban Diyus Israil?” Nagsagut ti manga takinan, “Daraha atabug sa Gat.” Nakan kanda ngani dinara ti Kaban Diyus Israil atabug sa Gat.

1 Samwil 6:1

Nadugay siyun sa daga manga Pilistiya ti Kaban Panginuun sa sulud pitu ka bulan. Tunda katpung,