1 Samwil 6:12 - Hanunuu

¹² Bag-u linmakaw ti manga baka atabug sa Bit Simis unman gid tinmalang una di habang mag-inga. Magdasun sa kanda ti manga takinan Pilistiyu tugka sa katugkaan Bit Simis.

1 Samwil 6:12 Iomraidhean Croise

1 Hari 4:9

Si Bin Dikir, ti manugpanguna sa Makas, Saalbim, Bit Simis, ag sa Ilun Bit Hanan.

Pag-ighit 8:15

Dapat pagka nakitan hari Ihiptu udyi ti manga pikaw, nagmaganit yi maan siya, balaw siya naniwala sa kanda ni Muysis ag ni Aarun, parihu sa sinabi Panginuun.

Bilang 20:19

Sinmagut ti manga Israilita, “Lumawuy lang kami lakaw sa baklayan pag dalan; ag nu makainum kami hanggan kanmi manga hayup kanyu danum, bayadan nimi inda. Palawuya lang kami.”

Huswi 15:10

ag paliku sa isalpan baliwa sa Baala atabug sa Bantud Siir. Bag-u atabug inda sa kanaway sa lus-ugun Bantud Harim (pag-ingarnan diman Kisalun), atabug sa Bit Simis bag-u maglawuy sa Timna.

1 Samwil 6:11

Ipinasakay nida ti Kaban Panginuun sa karusa hanggan ti kaban may sukad gintu kay histuda ga bukul ag angbu.

1 Samwil 6:13

Tunda katpung, mag-ani tirigu ti manga taga Bit Simis sa karatagan. Pagka nakitan nida ti Kaban Kasunduan, magbaya gid sida.

1 Samwil 6:9

Dapat bantayi niyu nu naan sida pag umatag. Nu tumukad sida sa Bit Simis, usa sa manga banwa manga Israilita, maalaman nita ti Panginuun imaw ti nagpadara inda pag masyadu sarut sa kanta. Dapat nu unman sida atabug sa Bit Simis, maalaman nita balaw ti Panginuun ti nagpakuri sa kanta. Nu unman nitaun lang inda.”