1 Samwil 5:8 - Hanunuu

⁸ Nakan nagpasugu sida hampay tawagun ti tanan takinan manga Pilistiyu ag pinaingana, “Hintay kanta buwatun tungkul sa Kaban Diyus Israil?” Nagsagut ti manga takinan, “Daraha atabug sa Gat.” Nakan kanda ngani dinara ti Kaban Diyus Israil atabug sa Gat.

1 Samwil 5:8 Iomraidhean Croise

1 Krunika 7:21

si Tahat kay ama ni Sabad, si Sabad kay ama ni Sutila. Kay manga anak ni Ipraim sida ni Isir ni Ilyad, minatay sida manga lalaki tinubu Gat katpung nanakaw sida manga hayup nida.

Amus 6:2

Bantayi niyu ti nangyari sa banwa Kalni, ti daka pag banwa Hamat, hanggan ti banwa Gat sakup Pilistiya. Mas makapangyarihan aw waya kamu kaysa tunda pag manga kaharian? Mas malapad aw lugud kanyu daga kaysa kanda?

Sakaryas 12:3

Sa tunda pag sirang, buwatun niku ga mabuyat pag batu ti Hirusalim, ag una si unu pag nasyun ti kumabyaw inda masaktan gid. Ti tanan nasyun sa buu kalibutan tumiripun hampay girahun ti Hirusalim.

Huswi 13:3

sakup manga Kananiyu. Inda ginan sa sapa Sihur sa butlakan Ihiptu tugka sa kanaway Ikrun sa amihan, hanggan ti lima ka banwa manga Pilistiyu: ti Gasa, ti Asdud, ti Askalun, ti Gat ag ti Ikrun, bag-u ti manga daga manga Habiyu

Huswi 15:11

Ati ginan parargu inda sa kanaway palus-ug sa Ikrun ag paliku atabug sa Sikirun, bag-u maglawuy sa Bantud Baala tugka sa Habniil. Kay katugkaan inda ti Dagat Miditiranyu,

1 Samwil 17:4

Kainda, may usa ka anad ag maisug pag manuggira taga Gat kay ngaran si Gulyat. Linmuwas siya sa kampu manga Pilistiyu, bag-u napakarani sa kampu manga Israilita. Kay abwat, may 6 ka luk-an siku.

1 Samwil 17:52

Sinmugud magpagrit ti manga sundalu Israil hanggan Huda, kanda linagas ti manga Pilistiyu tugka sa Gat ag Ikrun. Nanayaktayak ti manga bangkay manga Pilistiyu sa dalan Saaraim tugka sa Gat ag Ikrun.

1 Samwil 29:6

Nakan tinawag ni Akis si Dabid ag sinabihan, “Magsabi aku tutuu sa atubangan Panginuun buhi kuntay makatiwalaan gid kawu. Nu sa kangku lang, gustu niku kumuyug kawu sa paggira niku dahil ginan di waya sa sirang nimu nagkuyug sa kangku tugka taynguna unman aku may nakitan daut sa kanmu. Dapat unman may tiwala sa kanmu ti iba ka takinan.

1 Samwil 5:11

Nakan ipinatawag nida ti tanan takinan manga Pilistiyu. Pagka nagminsan yi ngani ti manga takinan, magkun ti manga taga Ikrun, “Padarahan duy niyu ti Kaban Diyus Israil. Ipauli yi niyu sa kay sadili ulian hampay balaw kita matyun, una hanggan kanta manga anak.” Sinabi nida inda dahil nag-umpisa yi ti masyadu pag parusa Diyus sa kanda banwa. Magkataranta sida dahil mayamu yi ti namatay.

1 Samwil 5:7

Pagka nakitan nida ti nangyari sa kanda, magkun sida, “Danga yi sitay sa kanta ti Kaban Diyus Israil, dahil pinarusahan niya kita hanggan si Dagun kanta diyus.”

1 Samwil 6:2

ipinasugu manga Pilistiyu kanda manga manughandug hanggan manugsalumangka, bag-u kanda sinabi magkun, “Hintay ti dapat nimi buwatun tungkul sa Kaban Panginuun? Tultulan sa kanmi nu kabitay nimi inda maibalik sa kay sadili ulian.”