1 Samwil 4:3 - Hanunuu

³ Pagkalawuy girahan, nagbalik sa kanda kampu ti nasawad pag manga Israilita. Pinaingana sida manga manugpamahala sa Israil magkun, “Hayga pinabay-anan Panginuun matalu kita manga Pilistiyu? Mayad waya bul-un nita ti Kaban Kasunduan Panginuun ati sa Silu, hampay giyahan niya kita ag iribri sa kanta manga kalaban.”

1 Samwil 4:3 Iomraidhean Croise

2 Samwil 15:25

Pagka natapus, magkun si Dabid sa kan Saduk, “Ulian ti Kaban Diyus sa Hirusalim. Nu magbaya sa kangku ti Panginuun, pabalikun niya aku sa Hirusalim ag makitan di maan niku inda hanggan kay nagkabugtangan pag rugar.

1 Krunika 17:1

Pagka si Hari Dabid ati yi mag-uli sa kay balay hari, magkun siya kan Purupita Natan, “Inda aku mag-uli sa marinu pag balay hari binwat ginan sa kayu sidru, dapat ti Kaban Kasunduan Panginuun asan lang sa turda.”

Kanta 74:1

Diyus, hayga nguna parargu nimu kami pagbugyahan? Hayga magkagalit kawu sa kanmu pag-alagaan pag manga nasakupan?

Kanta 74:11

Hayga udwaya nimu sida pagparusahan? Parihu lang sa pag-itagu nimu kanmu kamang. Rurisa yi sida!

Isayas 50:1

Magkun ti Panginuun sa kay manga nasakupan, “Ipinurya aw lugud niku ti Hirusalim parihu sa usa ka lalaki nanayak sa kay asawa? Puruybahan niyu! Ipinabihag yi aw niku kamu parihu sa usa ka tawu ipinabili kay manga anak sa kay inutangan hampay buwatun suruguun bayad sa kay utang? Unman gid! Ipinabili kamu dahil sa kanyu kasalanan. Dinayu ti Hirusalim dahil sa kanyu paglapastangan.

Isayas 58:3

Magkun waya sida sa kangku, ‘Balaw kami maghandum karan-unun, dapat unman diman waydi nimu pinansin. Pagpakurianan nimi kanmi sadili, dapat unman nimu pinahalgaan.’ “Kay tutuu, sa udas niyu unman maghandum karan-unun, kanyu sadili kagustuhan ti kanyu pag-isipun. Paglugihun niyu kanyu manugtarabahu.

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Isayas 59:2

Kanyu manga kasalanan imaw ti nagpakarayu sa kanyu ginan sa Diyus ag imaw kay dahilan nakan kamu kay pinatlikudan ag dayi mamatingi sa kanyu manga darangin.

Hirimyas 3:16

Aku, ti Panginuun, ti magsabi rumas-ug ti sirang yumamu gid kamu sa ati pag daga, balaw yi niyu hanap-hanapun ti Kaban Kasunduan, ngatay isipun aw ngatay alalahanun inda. Ag balaw diman niyu kailangan mamuwat waya kay bag-u.

Hirimyas 7:4

Danga kamu magpadaya sa manga tawu paulit-ulit magsabi kuntay unman may daut mangyari sa kanyu dahil sa kanyu ti Balay Panginuun. Magkun sida, “Atay sa kanta ti Panginuun! Atay sa kanta ti Panginuun!”

Bilang 10:33

Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan.

Bilang 10:35

Kada pagdarahun nida ti Kaban Kasunduan, indaay kay pagsabihun ni Muysis, “Panginuun, kawu duy ti pag-una ag wayaka nimu kanmu manga kalaban. Mana manlinayas sida.”

Bilang 31:6

Ipinadara ni Muysis sida tag sa labanan, 1,000 ginan sa kada lahi, pagpangunahan ni Piniis anak ni manughandug Iliyasar. Nandara si Piniis manga kagamitan ginan sa Balay Diyus hanggan manga turumpita hampay pamasandam.

Diyuturunumiyu 29:24

Bag-u mamaingana ti tanan nasyun, ‘Hayga binuwat inda Panginuun sa kay nasyun? Hayga masyadu gid kay pangagalit?’

Diyuturunumiyu 31:26

“Bul-a niyu inda pag Ribru Kasuguan bag-u paulian sa saruy Kaban Kasunduan Panginuun niyu Diyus. Ati lang inda bilang kastigus laban sa nasakupan Israil.

2 Timutiyu 3:5

Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

Hibriyu 9:4

May gintu pag harandugan turuuban kamangyan hanggan Kaban Kasunduan, pinababawan gintu sa sulud hanggan sa luwas. Tunda pag Kaban palaulian gintu pag sukadan mana pag karan-unun hanggan kan Aarun sugkud imaw ti namsang. Siyun diman sa Kaban ti manga tinabla batu sinuratan taratu.

Huswi 4:7

tultulan niyu sida kuntay inmapas kay magbulus ti Sapa Hurdan pagka idinipay ti Kaban Kasunduan Panginuun. Inda pag batu usa ka alaala para sa nasakupan Israil tugka aban.”

Huswi 6:6

Nakan si Huswi kay anak ni Nun nagtawag sa manga manughandug ag sinabihan, “Daran-a niyu ti Kaban Kasunduan. Pag-una ti pitu sa kanyu ti kada usa may dara budyung.”

Huswi 7:7

Magkun si Huswi, “Panginuun Diyus, hayga ipinadipay waya nimu kami sa Sapa Hurdan nu ipatalu lang waydi nimu kami sa manga Amuriyu? Mayad waya napatayak yi lang kami sa baliw dipay Hurdan.

Huswi 7:8

Panginuun, hintay duy kang masabi taynguna inmatras ti manga Israilita sa kanda manga kalaban?

1 Pidru 3:21

Ti danum halimbawa sa tulbaw magribri taynguna sa kanta. Ti tulbaw balaw sa kuntay makalumpiyu uring sa bilug. Ti kahulugan tulbaw magtaratu kita sa Diyus balaw yi kita magbuwat manga bagay balaw mayad sa kanya. Pag-iribri kita tulbaw dahil sa kay pagkabuhi uman ni Hisu-Kiristu.

Hudas 1:5

Una alam yi niyu, kang waya gustu ipaalaala inda sa kanyu kuntay irinibri Panginuun ti nasyun Israil ginan sa daga Ihiptu bag-u pagka dugay pinapas di niya ti manga unman nagsarig sa kanya.

1 Samwil 1:24

Pagka nagbul-iw sa pagsusu ti lapsag, dinara siya ni Hana sa Turda Taragbuan Panginuun ati sa Silu. Nandara diman siya tulu ka timpu tudu baka, tunga saku arina ag intus masukadan sa paknul.

1 Samwil 14:18

Magkun si Saul sa kan Ahiyas, “Daraha ataytag ti Kaban Diyus.” (Tunda katpung, ti Kaban Kasunduan ati sa manga Israilita.)

1 Samwil 4:2

Ginmira ti manga Pilistiyu, masyadu gid kanda lalabanan. Tinalu manga Pilistiyu ti manga Israilita; 4,000 Israilita kanda minatay.