1 Samwil 4:19 - Hanunuu

¹⁹ Tunda diman katpung kan Ili umagad, kan Piniis ngani pag asawa, arani yi magkaanak. Pagka naalaman niya naagaw yi ti Kaban Diyus ag namatay kay asawa hanggan kay manugang lalaki, kadaka nagpanamdam siya rargu nanganak. Dapat masyadu gid makuri kay nanganak.

1 Samwil 4:19 Iomraidhean Croise

Gimpuunan 3:16

Sinabi diman niya sa babayi, “Dahil sa kanmu binwat, dugangan niku kanmu kakurian sa magbuduy ag malakawan nimu ti masyadu pag sakit sa kanmu magpanganak. Dapat una katida, hangadun di gid nimu kanmu asawa, ag siya ti maghari sa kanmu.”

Gimpuunan 35:17

Igu masyadu yi masakit, magkun ti manughilut sa kanya, “Danga kawu magkadala Rakil, lalaki yi maan kanmu anak.”

1 Hari 14:1

Sa ati katpung pag panahun, nasakit kay anak lalaki ni Hirubuam si Abyas.

Kanta 78:64

Nagkaramatay sa gira kanda manga manughandug Balay Diyus, ag kanda manga buranday babayi balaw makahimanglaw sa kanda.

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

1 Samwil 4:18

Pagka naingarnan ti Kaban Diyus, kadaka lang naplid si Ili tag sa dayu ginan sa kay tukawan sa puwirtahan banwa. Nabari kay liug ag rargu namatay, dahil matabul siya ag gurangun yi. Nanguna siya sa Israil sa sulud upatpulu ka timpu.

1 Samwil 4:20

Pagka arani yi siya mamatay magkun ti manga babayi magpaanak sa kanya, “Pagmatutum duy kawu, lalaki kanmu anak!” Dapat unman siya sinmagut.