1 Samwil 30:6 - Hanunuu

⁶ Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.

1 Samwil 30:6 Iomraidhean Croise

Kanta 56:11

Balaw aku magkadala dahil magsarig aku sa kanmu. Balaw makasakit ti tawu sa kangku.

Kanta 62:5

Sa Diyus lang aku makatanggap kahusayan dahil pagpakan-an niya aku pag-asa.

Kanta 18:6

Nakan sa kang kakurian magtawag aku sa kanmu, Panginuun. Maghagad aku awat sa kanmu, Diyus niku, pinatingihan nimu kang darangin sa kanmu Balay.

Kanta 25:17

Nagyamu yi gid kang manga kakurian; ribrihan aku sa kang manga kaaburiduhan.

Hibriyu 13:6

Nakan ngani matutum kanta naisipan magsabi magkun, “Ti Panginuun kang kaawat, unman aku magkadala. Hintay ti mabuwat tawu sa kangku?”

Ruma 4:18

Madi udyi may pag-asa si Abraham kuntay manganak waya dapat siya nagsarig di gid, siya di gid aban ti pinagkagurang mayamu nasyun angay sa kay sinabi Diyus sa kanya magkun, “Parihu sa pamgasan kay kayamu kanmu manga linahi aban.”

Kanta 116:10

Magsarig di aku, una waya magkun aku, “Masyadu gid kang pag-agwanta.”

Ruma 8:31

Taynguna, nu isipun nita inda pag manga bagay, masabi nita magbaliwa sa kanta ti Diyus, ag dahil sitay, unman may manalu laban sa kanta.

Pag-ighit 17:4

Nakan nanhagad awat si Muysis sa Panginuun magkun, “Hintay nguna kang buwatun sa inda pag manga tawu? Harus bintukun yi nida aku!”

Kanta 42:11

Hayga lugud magkaruku ag magkataranta gid aku? Dapat magsarig aku sa kanmu ag dayawun maan niku kawu, kawu kang Diyus ag manugribri.

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

2 Kurintu 4:8

Pil-it yi kami sa baliw-baliw dapat bukun subra, mabata di. Nu kas-a ginan magpakabitay diman dapat balaw waydi nabul-an pagsarig kami.

Huwan 8:59

Nagpunpun ti manga Hudiyu manga batu hampay kanda ibintuk sa kan Hisus. Dapat napatagu si Hisus bag-u nagluwas siya sa Balay Diyus.

Bilang 14:10

Bintukun mana sida tanan nasakupan, dapat kadaka lang napakakit sa kanda ti kadayawan Panginuun sa tungud Turda Taragbuan.

2 Kurintu 7:5

Katpung sa Masidunya kami udyi may pahari, pasay kakurian kanmi nalakawan, may kalaban una naan ginan baliwa, pagkulbaan waya kanmi nalub-anan.

Kabagawan 18:10

Ti Panginuun parihu sa marig-un pag bantayaw, darangpan manga matadlung sa udas kakurian.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hub 13:15

Pihu matyun aku Diyus; unman yi aku may iba pagsarig. Dapat apinan di niku kang sadili sa kay atubangan.

2 Kurintu 1:6

Nu kami waydi ti basad kakurian, tunda sa ikaariwaya ngap niyu naisipan ag sa ikaribri niyu. Pagka kami pinaariwaya, tunda sa ikaariwaya diman niyu naisipan. Bumisug kamu nu tis-un niyu ti manga kakurian malakawan niyu parihu sa kanmi paglakawan.

Ruma 4:20

Unman siya nagtalinduwa sa kay taratu Diyus. Lalu ngap nagrig-un kay pagsarig ag dinayaw niya ti Diyus.

Matiyu 27:22

Sinabi ni Pilatu sa kanda, “Nu katunda, hintay ti buwatun sa kan Hisus ti pagkumnun Pinili Diyus Manugribri pag Hari?” Sinmagut sida tanan, “Papakuan nimu sa kurus!”

Matiyu 21:9

Kayamuan manga tawu ti nagkuyug sa kanya, ti iba mag-una, ti iba magdasun. Nanarawagan sida magkun, “Dayawun ti linahi ni Dabid. Dayawun ti magsitay sa ngaran Panginuun. Dayawun siya una ati sa langit.”

Isayas 25:4

Kawu ti darangpan manga pugri hanggan manga magpangailangan sa udas kakurian. Kawu ti darangpan sa udas may bagyu hanggan tig-irinit. Dahil ti paggira manga mahigpit pag tawu ga bagyu maghampak sa alad batu,

Kanta 62:1

Sa Diyus lang aku may kahusayan; kang karibrihan ginan sa kanya.

Talaghusay 18:25

Magkun sida, “Mayad waya danga yi lang kawu mag-ingay, dahil barang mangisug waya kanmi manga kaibahan ag matyun kawu nida hanggan kanmu magtal-anakan.”

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Kanta 42:5

Hayga lugud magkaruku ag magkataranta gid aku? Kailangan magsarig aku sa kanmu. Hu, dayawun maan niku kawu, kawu kang Diyus ag manugribri.

2 Samwil 17:8

Kilala nimu kanmu ama hanggan kay manga tawuhan; marabaskug sida pag manuggira ag maraisug parihu sa usu inagawan manga anak. Bukud waya siyun, anad kanmu ama sa pagdugma, unman siya magkaturug kaibahan niya manga tawuhan.

2 Hari 4:27

Dapat pagras-ug niya sa kan Ilisyu sa bantud, linmuhud siya ag hiniyaptan niya kay lulud ni Ilisyu. Nagpakarani si Gihasi hampay guyudun siya atag sa arayu, dapat magsabi si Ilisyu, “Pabay-ani lang siya! Pihu may kakurian siya, dapat unman may sinabi ti Panginuun sa kangku nu hayga.”

1 Samwil 23:16

Inati siya ni Hunatan hampay pabisugun kay pagsarig sa Diyus.

Kanta 18:2

Panginuun, kawu kang palalan-iban pag batu, kang matibay pag paratag-an ag manugribri. Bilang palalan-iban pag batu, makapatagu aku sa kanmu. Kawu kang panangga, makamaskihan pag manugribri, ag darangpan.

Kanta 31:24

Pagkarig-un kamu ag pagmatutum, kamu pag manga magsarig sa Panginuun.

Kanta 71:4

Diyus niku, ribrihan aku sa kamang daut ag maisug pag manga tawu.

Kanta 71:5

Dahil kawu kang pag-asa, Panginuun Diyus. Ginan sa anak waya aku, magsarig yi aku sa kanmu.

Hunas 2:2

Magkun siya, “Panginuun, sa kang kakurian nagdangup aku sa kanmu, ag sinagut nimu aku. Sa karamatyanun pag kahamtangan naghagad aku awat sa kanmu, ag pinatingihan nimu aku.

Talaghusay 20:22

Nakan tinmukad maan ti manga Israilita sa Bitil ag nanlulumian ati tugka yabi. Pinaingana nida ti Panginuun, “Manlaban aw waya maan kami sa kanmi kadugu manga Binhaminita?” Sinmagut ti Panginuun, “Hu, paglaban maan kamu.” Nakan pinarig-un nida ti kada usa ag napauli maan sida sa ati diman pag rugar sa un-an pag sirang nansalakay sida.

1 Samwil 28:15

Magkun si Samwil sa kan Saul, “Hayga nimu aku pagbalagun sa kang magpahari?” Sinmagut si Saul, “May imaw aku daka pag kakurian. Paglabanan aku manga Pilistiyu ag pinatlikudan yi aku Diyus. Unman yi siya magsagut una di sa tagin-up ngatay sa manga purupita. Nakan kang tinawag kawu hampay sabihun nimu sa kangku nu hintay ti mahimu niku buwatun.”

Kanta 138:3

Pagka magdangup aku sa kanmu, sinagut nimu aku; pinabisug nimu aku.