1 Samwil 3:9 - Hanunuu

⁹ Nakan sinabihan niya si Samwil, “Pagbalik kawu ag pagkaturug yi maan. Nu may magtawag maan sa kanmu, kaindaay kanmu sabihun, ‘Pagbagaw kawu, Panginuun, magpatingi di aku kanmu manugsirbi.’ ” Nakan binmalik si Samwil ag naturug maan.

1 Samwil 3:9 Iomraidhean Croise

Kanta 85:8

Patingihan niku ti sabihun Panginuun Diyus, dahil manaratu siya kahusayan sa kay matinupadun pag nasakupan; inda nu balaw kita bumalik sa kanta kalukuhan.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Pag-ighit 20:19

magkumun sa kan Muysis, “Kawu yi lang ti pagbagaw sa kanmi ag mamatingi kami, danga yi lang ti Diyus, barang mamatay kami.”

Isayas 6:8

Bag-u nadnugan niku ti busis Panginuun magkun, “Si unu kang suguun? Si unu ti lumakaw para sa kanmi?” Sinmagut aku, “Inda di duy aku! Aku ti sugua nimu.”

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”

Huswi 5:14

Nagsagut ti tawu, “Balaw aku kanyu sundalu ngatay kanyu kalaban. Nag-ataytag aku bilang kumandir sundalu Panginuun.” Napadapa si Huswi bilang paggalang sa kanya ag nagpaingana, “Hintay duy kanmu gustu ipabuwat sa kangku, sa kanmu manugsirbi?”

1 Samwil 3:10

Nagpakarani ti Panginuun sa kan Samwil, ga sa kabag-u diman, tinawag siya, “Samwil! Samwil!” Sinmagut si Samwil, “Pagbagaw duy kawu, Panginuun, magpatingi di aku kanmu manugsirbi.”

1 Samwil 3:8

Tinawag maan Panginuun si Samwil sa ikatlu bisis. Binmangun siya ag inmatag sa kan Ili magkun, “Hintay duy, hayga kawu magtawag sa kangku?” Siyun ginan nasalman ni Ili ti Panginuun maaw ti magtawag sa kan Samwil.