1 Samwil 3:19 - Hanunuu

¹⁹ Parargu paggiyahan Panginuun si Samwil habang siya magdaka. Pinahintulutan Panginuun matupad ti tanan sinabi ni Samwil.

1 Samwil 3:19 Iomraidhean Croise

Gimpuunan 21:22

Ati katpung pag panahun, inmati si Abimilik sa kan Abraham kaibahan kay takinan manga sundalu si Pikul. Magkun si Abimilik sa kan Abraham, “Pag-awatan ungud kawu Diyus sa tanan nimu pagbuwatun.

Gimpuunan 28:15

Pirmi nimu alalahanun aku kanmu kaibahan ag alagaan niku kawu una naan tabug. Ipabalik niku kawu sa inda pag daga ag balaw pabay-anan tugka sa matupad niku kang itinaratu sa kanmu.”

Gimpuunan 39:2

Giniyahan Panginuun si Husi, nakan marapanalu siya. Ati siya pag mag-uli sa balay niya amu Ihipsiyu si Putipar.

Gimpuunan 39:3

Nakitan ni Putipar paggiyahan Panginuun si Husi ag pagpapaladan sa tanan niya buruwatun,

1 Hari 8:56

“Dayawun ti Panginuun imaw ti nagpakaun kaariwayahan sa kay nasakupan manga Israilita angay sa kay itinaratu. Tinupad gid niya tanan itinaratu niya sa kan Muysis kay suruguun.

2 Hari 10:10

Inda maisipan niyu ti tanan pagsabihun Panginuun laban sa magtal-anakan ni Akab matupad gid. Tinupad Panginuun kay pagsabihun sa panab-anan ni Ilyas kay suruguun.”

2 Hari 15:12

Nakan natupad ti pagsabihun Panginuun sa kan Hihu, “Kanmu manga linahi humari sa Israil tugka sa ikap-at pag sinulput.”

Isayas 43:2

Nu lumakaw kawu sa danum, kaibahan nimu aku. Nu dumipay kawu sa manga sapa, balaw kawu malimus. Nu lumakaw kawu sa apuy, balaw kawu mairub; kay labdab balaw umunu sa kanmu.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 55:11

Katunda diman kang manga bagaw, balaw inda maduraan halaga, bagkus ngap matupad inda kang manga pagkaibgan, ag isabuwat kang turunu nu hayga niku inda ipinadara.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Lukas 1:28

Nagpakarani ti anghil sa kan Marya magkun, “Pagmasulung duy kawu, kawu ti pinili Diyus pag daraga. Sa kanmu gid ti Panginuun! Sa tanan babayi kawu ti pinapaladan.”

Lukas 1:80

Dinmaka ti anak, ag nagbisug kay tagipusuun. Sa pangawakawaan manga tawu kay ulian hanggan sa udwaya napakakit siya magtudlu sa manga taga Israil.

Lukas 2:40

Pagka nagdaka ti anak, nagmabisug, napnu kadunungan kay tagipusuun, nangulian yi gid sa kanya ti kaayadan Diyus.

Lukas 2:52

Magdaka kay bilug ni Hisus, hanggan kay kadunungan magdaka waydi. Lalu siya pagbayaun Diyus hanggan manga tawu.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Diyuturunumiyu 18:22

Nu ti pagbagawun purupita sa ngaran Panginuun balaw mangyari ngatay matupad, inda pag tultulanun balaw sa Panginuun. Buwat-buwat lang purupita tunda, nakan danga kamu magkadala sa kanya.

2 Timutiyu 4:22

Pagsa kanyu ti Panginuun hanggan ti papalad niya.

Huswi 21:45

Tinupad gid Panginuun ti tanan niya itinaratu sa nasakupan Israil.

Talaghusay 13:24

Nagras-ug ti udas kapanganakan asawa ni Manwa. Lalaki kay anak ag iningarnan nida Samsun. Nagdaka ti anak ag pinapaladan Panginuun.

1 Samwil 10:7

Nu matupad yi inda pag manga bagay, buwata nimu nu unu ti mayad dahil kaibahan nimu ti Diyus.

1 Samwil 12:2

Taynguna inda yi siya, kanyu manuggiya. Aku di bay gurangun yi ag ubanin yi. Kang manga anak bay kaibahan waya niyu. Aku yi waydi ti naggiya sa kanyu ginan kaybi sa kang kasupangan hanggan taynguna tugka.

1 Samwil 16:18

Sinmagut ti usa sa kay manga suruguun, “Nakitan duy niku ti usa sa manga anak ni Isai taga Bitlihim, madunung gid siya magtugtug alpa. Bukud waya siti, maisug duy siya ag madunung sa labanan, marinu pag lalaki, madunung siya nu magbagaw, ag pag-awatan siya Panginuun.”

1 Samwil 18:12

Magkadala si Saul sa kan Dabid dahil paggiyahan siya Panginuun, dapat siya bay pagpabay-anan yi Panginuun.

1 Samwil 18:14

Magpanalu gid si Dabid sa tanan niya pagbuwatun dahil kaibahan niya ti Panginuun.

1 Samwil 18:5

Nabwat ni Dabid ti tanan ipinabwat sa kanya ni Saul, nakan binwat siya takinan manga sundalu. Kinaibgan gid tunda tanan manga nasakupan hanggan diman manga manugpamahala ni Saul.

1 Samwil 2:21

Kinaawaan ngap Panginuun si Hana. Nagkaimaw waya siya anak tulu ka lalaki ag duwa ka babayi. Dapat si Samwil parargu nagdaka magsirbi sa Panginuun.

1 Samwil 2:26

Si Samwil waydi mag-amat magdaka ag pagbayaun gid siya Panginuun hanggan manga tawu.

1 Samwil 9:6

Dapat nagsagut ti suruguun, “Kalway dapu duy, may usa ka manugsirbi Diyus arani lang sitay. Paggalangun siya manga tawu ag tutuu ti tanan niya pagsabihun. Atabug duy kita sa kanya, barang sabihun niya sa kanta nu naan nita pag makitan ti manga asnu.”