1 Samwil 3:14 - Hanunuu

¹⁴ Nakan pag-isumpa niku balaw yi gid mapatawad sa panab-anan una hintay pag manga handug kay kasalanan magtal-anakan ni Ili tugka aban.”

1 Samwil 3:14 Iomraidhean Croise

Kanta 51:16

Unman kawu magkaibug sa manga handug. Una manhandug aku sa kanmu handug pagsunugun, unman kawu makabaya.

Isayas 22:14

Magkun sa kangku ti Panginuun Diyus Makamaskihan, “Balaw niya kamu patawadun sa kanyu manga kasalanan tugka sa magkabuhi waya kamu.”

Hirimyas 15:1

Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!

Hirimyas 7:16

“Nakan ngani Hirimyas, danga kawu magdarangin para sa inda pag manga tawu. Danga kawu magkaawa ngatay maghagad sa kangku para sa kanda, dahil balaw kawu patingihan niku.

Isikil 24:13

“Hirusalim, kanmu binwat kahalayan ti nagpauring sa kanmu. Sinikap niku linisun kawu, dapat dayu kawu magpalinis. Nakan pumirmaminti kawu mauring tugka sa unman madura kang pangagalit sa kanmu.

Libitiku 15:31

Sinabihan Panginuun si Muysis hanggan si Aarun kuntay pasandami gid ti manga Israilita tungkul sa manga bagay makapauring sa kanda, hampay balaw sida mamatay nu umatag sida sa Turda Panginuun, asan sa karaw-an kampu.

1 Samwil 2:25

Magkun waya gid si Ili, “Nu ti usa ka tawu magkasala laban sa kay kaparihu, mahimu ti Diyus di ti manab-anan sa kanda. Dapat nu ti usa ka tawu magbuwat kasalanan laban sa Panginuun, si unu waya ti manab-anan sa kanda?” Dapat madi katida kay tamyaw nida ama, unman diman naniwala sa kanya kay manga anak, dahil paggayakun yi Panginuun matyun sida.