1 Samwil 27:1 - Hanunuu

¹ Magkun si Dabid sa kay sadili, “Rumas-ug ti sirang matyun aku ni Saul. Mayad waya lumayas yi lang aku atabug sa rugar manga Pilistiyu hampay umapas yi siya sa kay maghanap sa kangku sa Israil, ag makaribri yi aku sa kanya.”

1 Samwil 27:1 Iomraidhean Croise

1 Hari 12:26

Magkun siya sa kay sadili, “Barang maibalik ti kaharian sa lahi ni Dabid

1 Hari 12:28

Nakan pagka natapus napayuhan si Hirubuam tungkul siyun, nagpabuwat siya duwa ka gintu baka. Magkun siya sa manga tawu, “Manga Israilita, makuri yi para sa kanyu ti umati sa Hirusalim. Atay di kanyu diyus ti nagpalwas sa kanyu sa Ihiptu.”

1 Hari 19:3

Nadala si Ilyas, nakan nalagiw siya atabug sa Biirsiba sakup Huda, ag tinayakan niya ati kay suruguun.

2 Krunika 25:17

Pagka natapus kay hampang ni Hari Amasiyas sa kay manga tagapaanyu, nagpadara siya tultulanun sa hari Israil sa kan Hihuas kay anak ni Hihuahas kay laki ni Hihu. Ginanyat niya si Hihuas manlalabanan sida.

Kanta 116:11

Sa kang kadalaan nagsabi aku, “Unman gid may tawu masarigan.”

Kanta 55:7

Lumayang aku atabug sa arayu pag pangawakawaan ag ati pag mangulian.

Pag-ighit 14:12

Unman aw kanmi yi sinabi sa kanmu katpung waya sa Ihiptu, pabay-ani yi lang nimu kami buwatun panawuhun manga Ihipsiyu? Mas gustu waya nimi bumaliw panawuhun manga Ihipsiyu kaysa mamatay sitay sa pangawakawaan!”

Kabagawan 13:12

Ti paghingabtun tawu nu magkadugay makapalumuy sa kanya, dapat nu natupad kay paghingabtun makapabisug ag makapasulung sa kanya.

Isayas 51:12

Sinmagut ti Panginuun, “Aku ti nagpabisug ag nagpasulung sa kanyu. Nakan hayga kamu madala sa kaparihu niyu tawu mamatay diman ga ilamnun?

Bilang 14:3

Hayga nguna daran-un waya kita Panginuun sa ati pag daga? Hampay lang aw magkaramatay kita sa girahan ag bihagun kanta manga asawa hanggan manga anak? Mayad waya siguru bumalik yi lang kita sa Ihiptu.”

Matiyu 14:31

Bag-u ihinunat ni Hisus kay kamang ag hiniyaptan niya si Pidru. Magkun si Hisus, “Kawu duy diit lang maaw kanmu sarig. Hayga kawu nag-alinlangan?”

Markus 4:40

Sinabi niya sa kay manga tuludluan, “Hayga lugud kamu manga madalaun? Udwaya aw lugud kamu may pagsarig?”

2 Kurintu 7:5

Katpung sa Masidunya kami udyi may pahari, pasay kakurian kanmi nalakawan, may kalaban una naan ginan baliwa, pagkulbaan waya kanmi nalub-anan.

1 Samwil 16:1

Ati katpung, magkun ti Panginuun sa kan Samwil, “Tugka kapira kawu pag manrukuan para sa kan Saul? Binugyahan yi niku siya bilang hari Israil. Taynguna, pun-a lana ulibu kanmu sungay pag sukadan, bag-u pag ati kawu sa kan Isai sa Bitlihim. Pinili niku ti usa sa kay manga anak hampay humari.”

1 Samwil 16:13

Nakan bin-ul ni Samwil ti lana ulibu ag pinayidan niya sa ulu si Dabid sa atubangan niya manga patar-ari. Tunda ginan pag sirang, pag-ulianan yi banal Ispiritu Panginuun si Dabid. Bag-u nuli waydi sa Rama si Samwil.

1 Samwil 20:3

Dapat magkun si Dabid, “Alam gid nimu ama mayad kanmu magtaratu sa kangku, nakan balaw yi niya pag-ipaalam sa kanmu kay gayak niya pagmatay sa kangku, dahil barang rumuku lang kawu. Dapat pag pihuun niku sa kanmu, hanggan sa atubangan Panginuun buhi, dilikadu kang buhi taynguna.”

1 Samwil 22:5

Usa ka sirang, magkun si Purupita Gad sa kan Dabid, “Pag-ighit yi duy kawu sitay ginan sa kanmu pag patag-an ag pag-atag kawu sa Huda.” Nighit ngani si Dabid ag inmati sa kabantudan Hirit.

1 Samwil 23:17

Sinabi ni Hunatan, “Danga kawu magkadala. Balaw kawu labutun niku ama. Alam niku ama kawu ti humari sa Israil ag kay pangadwa lang aku sa kanmu.”

1 Samwil 25:30

Nu natupad yi ti tanan itinaratu Panginuun pag kaayadan sa kanmu ag humari yi kawu sa Israil,

1 Samwil 26:19

Mahal Hari, patingihi nimu kang sabihun. Nu ti Panginuun ti nag-udyuk sa kanyu hampay matyun aku, tanggapun mana niya kang handug para sa kapatawadan. Dapat nu ginan lang inda sa tawu, saadan mana sida Panginuun. Dahil pinalayas nida aku sa magkaapu Panginuun pag daga ag sinabihan pagsamba sa iba ka diyus.

1 Samwil 29:2

Mintaras maglakaw atabug sa labanan ti manga takinan manga Pilistiyu kaibahan kanda manga sundalu tig 100 ag 1,000 sa kada gurupu, magdasun waydi sa kanda ni Hari Akis sida ni Dabid hanggan kay manga tawuhan.

1 Samwil 29:3

Dapat nagpaingana ti manga kumandir manga Pilistiyu sa kan Akis, “Unu kay pagbuwatun tunda pag manga Hibriyu sitaay?” Sinmagut si Akis, “Tunda pag tawu si Dabid kay suruguun ni Saul, hari Israil. Subra yi usa ka timpu niku siya kaibahan, tunda ginan kay nalagiw sa kan Saul tugka taynguna, unman aku may nakitan daut sa kay binwat.”