1 Samwil 26:8 - Hanunuu

⁸ Magkun si Abisay sa kan Dabid, “Taynguna pag sirang, inintirga yi Diyus sa kanmu ti kapanaluhan laban sa kanmu kalaban. Pasnui yi nimu aku kang bun-un siya tunda pag bangkaw hampay mituhug siya sa daga. Usa lang siya ka pagbunu udyi may pakadwa.”

1 Samwil 26:8 Iomraidhean Croise

2 Samwil 16:9

Magkun si Abisay kay anak ni Siruya sa hari, “Mahal Hari, hayga pagpabay-anan lang nimu saadan kawu tunda pag tawu parihu lang sa namatay idu? Pasnui duy nimu aku kang puldun kay liug.”

Kanta 31:8

Balaw nimu aku ipinakaun sa kang manga kalaban; irinibri nimu aku sa kadamhakan.

Hirimyas 40:15

Bag-u napasampak si Huhanan sa kan Gidalyas sa lihim magkun siya sa kanya, “Matyun niku si Ismail sa unman may una si unu ti nakaalam. Balaw nita pahintulutan matyun niya kawu. Nu abi mangyari inda, inda ti bumaliw dahilan hampay mawayak ag madura ti manga Hudiyu natayak sitay sa Huda kanmu pagpamunuan.”

Nahum 1:9

Manga taga Asirya, una hintay kanyu pag-isipun daut laban sa nasakupan Panginuun, duraun di tunda Panginuun, ag balaw yi maulit.

Ruma 11:32

Dahil pinahintulutan Diyus ti tanan pag manga tawu ga panawuhun yi nida ugali maglaban sa kanya hampay mipakilala waydi niya kay pangaawa sa kanda tanan.

Diyuturunumiyu 32:30

Kabitay lugud mabukad usa ka tawu ti 1,000 Israilita? Kabitay matalu duwa ka tawu ti 10,000 sa kanda? Purya lang nu ipinahintulut sida Panginuun kanda palalan-iban pag batu.

Huswi 21:44

Pinakan-an sida Panginuun kapayapaan sa kanda manga kalaban sa sangput, angay sa itinaratu Panginuun sa kanda manga ginurang. Unman sida natalu nida manga kalaban dahil pinanalu sida Panginuun sa tanan nida kalaban.

Talaghusay 1:4

Pagka nan-gira ti lahi ni Huda, inawatan sida Panginuun laban sa manga Kananiyu ag Pirisiyu. 10,000 tawu kanda minatay sa Bisik. Habang maglaban sida sa Bisik, nakalaban nida ati si Aduni Bisik.

1 Samwil 23:14

Napatagu si Dabid sa manga paratag-an sa pangawakawaan hanggan sa kabantudan pangawakawaan Sip. Sirang-sirang paghanapun siya ni Saul, dapat unman siya pag-ipahintulut Diyus sa kan Saul.

1 Samwil 24:4

Magkun kay manga tawuhan ni Dabid, “Inda yi ngani ti sinabi Panginuun pag udas kay ipakaun kanmu kalaban sa kanmu, ag kawu yi ti bahala nu hintay kanmu gustu buwatun sa kanya.” Malway-malway napakarani si Dabid sa kan Saul ag rinapas kay baliw laylayan rutay sa unman nakamatang.

1 Samwil 24:5

Dapat igu tunda nabwat niya magkaalangan siya dahil kay rinapas ti laylayan rutay ni Saul.

1 Samwil 26:23

May pirimyu ti Panginuun sa manga tawu matapat ag magbuwat matadlung. Ipinakaun kawu Panginuun sa kang manga kamang taynguna pag sirang, dapat unman niku kawu inunu dahil kawu ti pinili Panginuun pag hari.

1 Samwil 26:7

Nakan sinulud nida ni Dabid hanggan ni Abisay ti kampu ni Saul, ag natakdan nida inda maturugan, kay bangkaw mapatukan sa daga sa kay uluhan. Si Abnir hanggan kay manga sundalu maturugan diman sa kay sangput.

1 Samwil 26:9

Dapat magkun si Dabid sa kan Abisay, “Danga nimu siya pag matya! Parusahan Panginuun una si unu ti manmatay sa kay pinili pag hari.