1 Samwil 26:16 - Hanunuu

¹⁶ Balaw angay pabay-anan nimu ti hari! Pag-isumpa niku sa buhi pag Panginuun, kailangan kawu mamatay kaibahan kanmu manga tawuhan dahil unman niyu pagbantayan kaayad kanyu amu, ti pinili Panginuun pag hari. Bantayi nu makitan waya niyu ti bangkaw hari hanggan kay sukadan danum sa kay uluhan?”

1 Samwil 26:16 Iomraidhean Croise

2 Samwil 12:5

Nangisug gid subra si Dabid sa mayaman pag tawu ag magkun siya sa kan Natan, “Magsumpa aku sa buhi pag Panginuun, kailangan matyun ti nagbuwat katunda.

2 Samwil 19:28

Dapat mana minatay yi nimu ti buu linahi niku laki dapat pinakan-an nimu aku karampatan kumaun kaibahan nimu. Nakan unman yi duy aku may karampatan humagad sa kanmu una hintay.”

1 Hari 2:26

Bag-u magkun si Hari Sulumun sa kan Manug-asiwa Abyatar, “Pag-uli kawu sa kanyu tanman sa Anatut. Matyun diman mana kawu, dapat balaw niku kawu matyun taynguna dahil kawu ti ikinatiwala sa Kaban Panginuun Diyus katpung kaibahan waya nimu kang ama si Dabid, ag kaibahan niya kawu sa tanan niya manga inagwanta.”

Kanta 102:20

hampay patingihan niya ti arunghung niya nasakupan binihag ag hampay iribri niya kay nasakupan maratyun.

Kanta 79:11

Patingihi ti arunghung nimu nasakupan binihag. Manga maratyun sida, nakan bawia sida nimu kapangyarihan.

Ipisu 2:3

Kaybi kami pag manga Hudiyu minsan diman waydi sa manga maglaban sa Diyus, nag-ugali kami angay sa kagustuhan sadili pagkatawu, sinunud nimi ti daut pagkawilyan nimi bilug hanggan naisipan. Nakan angay sa kahamtangan nimi pagkatawu minsan kami sa tanan manga tawu pagkagalitan Diyus.

1 Samwil 20:31

Mintaras buhi si Dabid kay anak ni Isai, unman kawu mahimu hari. Nakan bul-a nimu siya taynguna, ag daran-a sa kangku, kailangan siya matyun.”

1 Samwil 24:6

Magkun siya sa kay manga tawuhan, “Danga mana ipahintulut Panginuun buwatan niku daut kang hari, ti pinili Panginuun.”

1 Samwil 26:11

Dapat danga gid mana ipahintulut Panginuun aku ti makamatay sa kay pinili pag hari. Bul-un yi lang nita kay bangkaw hanggan kay sukadan danum sa kay may uluhan ag muli yi kita.”

1 Samwil 26:15

Sinmagut si Dabid, “Kabay kawu ti pinakamaisug pag lalaki sa buu Israil? Hayga unman nimu pagbantayan mayad ti hari kanmu amu? May nakasulud asan hampay matyun siya.

1 Samwil 26:9

Dapat magkun si Dabid sa kan Abisay, “Danga nimu siya pag matya! Parusahan Panginuun una si unu ti manmatay sa kay pinili pag hari.