1 Samwil 26:10 - Hanunuu

¹⁰ Pagpihuun niku sa kanmu, sa atubangan Panginuun buhi, ti Panginuun mismu ti mumatay sa kanya, ngatay mamatay siya sa girahan ngatay sa sakit.

1 Samwil 26:10 Iomraidhean Croise

Gimpuunan 47:29

Pagka magkaramdaman niya arani yi siya mamatay, tinawagan niya si Husi ag magkun, “Nu mahimu, paulian nimu kanmu kamang sa tab-anan niku duwa ka balangbang ag pagsumpa kawu iparargu nimu kanmu mayad pag nabubut-un sa kangku. Danga aku paglubngan atay sa Ihiptu.

Hub 14:14

Nu mamatay ti tawu mabuhi aw waya siya uman? Agwantahun niku ti tanan udas sa kang mag-agwanta tugka sa rumas-ug ti udas matapus inda.

Hub 14:5

Itinagka yi nimu nu kabitay kadugay ti buhi tawu. Ag unman siya makapasubra sa iinalistu nimu pag udas sa kanya.

Hub 7:1

“Ti buhi tawu atay sa kalibutan makuri gid, parihu kay kakuri sa sirang-sirang tarabahu usa ka manugtarabahu,

Kanta 37:10

Balaw dumugay magkaradura ti manga daut. Una hanapun waya sida, udyi niyu sida makitan.

Kanta 37:13

Dapat pagkasarin-an lang Panginuun ti manga daut, dahil alam niya arani yi ti kaudasan pagsintinsiya.

Kanta 94:23

Parusahan nimu sida ag rurisun dahil sa kanda manga kasalanan. Rurisun gid nimu sida, Panginuun nimi Diyus.

Manugtudlu 3:2

May udas sa paglusad ag may udas diman sa pagkamatay, may udas sa tig-taranum ag may udas diman sa tig-arani,

Lukas 18:7

Unman aw lugud awatan Diyus kay manga pinili hampay may matarung sida dahil magdangup sida sa kanya sirang yabi?

Ruma 12:19

Manga mayad patar-ari, danga kamu magbalus. Ipabahala niyu tunda sa Diyus. Dahil nakasurat sa Banal Kasuratan magkun, “Magkun ti Panginuun, aku ti bahala magganti, pihu gumanti aku.”

Diyuturunumiyu 31:14

Nagbagaw ti Panginuun sa kan Muysis, “Arani yi kawu mamatay; nakan pabul-an si Huswi bag-u pag-atag kamu sa Turda Taragbuan, dahil tudluan niku siya ati sa kay buruwatun.” Nakan nag-atag ngani si Muysis hanggan si Huswi sa Turda Taragbuan.

Diyuturunumiyu 32:35

Nagbagaw siya, “Aku ti bumalus ag pumarusa sa kanda, dahil rumas-ug ti kaudasan miligsay gid sida. Arani yi rumas-ug kanda kadamhakan. Balaw yi inda dugay.”

Hibriyu 10:30

Nakilala waydi nita ti may sabi magkun, “Bahala aku magganti, aku ti pumarusa.” Siya diman waydi ti may sabi magkun, “Pihuun Panginuun aban ti daut ti mayad sa kay nasakupan.”

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.

Ipinakakit 18:8

Nakan durunganan rumas-ug sa kanya sa sulud usa ka sirang ti manga kahigpitan, may kamatayan, may kapung-awan ag may kalun-usan. Tutdan siya, dahil ti nagsintinsiya sa kanya imaw ti makamaskihan Panginuun Diyus.”

1 Samwil 24:12

Ti Diyus mana imaw ti manhukum sa kanta duwa, ag mana parusahan kawu Diyus sa manga pagbuwatun nimu sa kangku. Dapat aku unman gid may buwatun daut sa kanmu,

1 Samwil 24:15

Ti Panginuun mana ti humukum ag magpasya nu si unu ti may salan sa kanta duwa. Mana sagutun niya ag apinan aku, ag iribri ginan sa kanmu manga kamang.”

1 Samwil 25:26

“Taynguna duy, ipinahintulut Panginuun balaw mitarus kanmu pag ganti hanggan pagmatay. Pag-isumpa niku sa Panginuun buhi hanggan sa kanmu, mana kanmu manga kalaban hanggan ti tanan magkaibug bumalus sa kanmu bumaliw parihu sa nadangatan ni Nabal.

1 Samwil 25:38

Pagkalawuy sampulu ka sirang, pinaamat waya gid Panginuun kay mag-asaydan ag namatay siya.

1 Samwil 25:39

Pagka nabaritaan ni Dabid kuntay namatay yi si Nabal, magkun siya, “Dayawun ti Panginuun! Siya ti nagbalus sa kan Nabal dahil sa kay pagpuya sa kangku. Balaw niya pinahintulutan aku waya ti makabuwat sa kanya tunda. Pinarusahan niya si Nabal sa daut niya pag binwat sa kangku.” Pagkatapus, nagpadara tultulanun si Dabid sa kan Abigil tabug kay paghilingun asawahun niya inda.

1 Samwil 31:4

Magkun si Saul sa kay tagadara armas, “Gabuta kanmu baladaw ag matya aku, dahil nu unman, sida pag manga unman magsarig sa Diyus imaw ti mumatay sa kangku, surugun nida aku ag pakurianan.” Dapat magkadala manmatay sa kanya kay tagadara armas, nakan bin-ul ni Saul kanya mismu pag baladaw, ag binunu kay sadili.

1 Samwil 31:6

Nakan sa tunda pag sirang namatay si Saul hanggan kay tulu ka anak lalaki, hanggan ti tagadara niya armas, ag ti tanan niya tawuhan.