1 Samwil 24:6 - Hanunuu

⁶ Magkun siya sa kay manga tawuhan, “Danga mana ipahintulut Panginuun buwatan niku daut kang hari, ti pinili Panginuun.”

1 Samwil 24:6 Iomraidhean Croise

2 Samwil 1:14

Nagpaingana si Dabid, “Hayga unman lang kawu nadala sa pagmatay sa hari pinili Panginuun?”

2 Samwil 24:10

Nagruku si Dabid igu naipasinsus niya ti manga tawu. Nakan magkun siya sa Panginuun, “Nagkasala duy aku dahil sa kang binwat. Nakan magpakihampang aku sa kanmu, Panginuun, patawada duy aku, kanmu suruguun sa kang kasalanan, dahil unman may pulus kang binwat.”

1 Hari 21:3

Dapat sinmagut si Nabut, “Balaw duy pumasnu ti Panginuun ipakaun niku inda sa kanmu kang minana sa kang manga ginurang.” Nuli si Akab maruku ag magkaisug dahil sa kay isinagut ni Nabut sa kanya. Napahuway siya masranguhan sa lingub ag magbugya magkaun.

Matiyu 5:44

Dapat kainda maan kang pagsabihun, mahalun niyu kanyu manga kalaban, idarangin gid niyu ti mag-unuunu sa kanyu,

Ruma 12:14

Idarangin niyu ti manga mag-unuunu sa kanyu hampay sida papaladan Diyus. Daranginan di niyu sida hampay balaw sida saadan Diyus.

1 Tisalunika 5:15

Una si unu sa kanyu danga magbalus sa manga magbuwat daut sa kanyu, bagkus ngap parargu kamu sa pagbuwat mayad sa usa kag sa usa hanggan sa tanan tawu.

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”

1 Samwil 24:7

Sa tunda pag sinabi ni Dabid, binilinan niya kay manga tawuhan, ag balaw niya sida pinahintulutan salakayun si Saul. Nighit si Saul ginan sa lukib ag naparargu sa kay panlakawun.