1 Samwil 24:11 - Hanunuu

¹¹ Amang, malu bantayi nimu kanmu baliw rutay bitbit niku, ginan inda sa laylayan nimu rutay. Rinapas niku inda dapat unman niku kawu minatay. Magpatutuu lang inda unman niku kawu buwatan kadautan ngatay balaw niku kawu kalabanun. Unman aku may kasalanan sa kanyu dapat aku kanyu pag bukadun hampay matyun.

1 Samwil 24:11 Iomraidhean Croise

2 Samwil 1:14

Nagpaingana si Dabid, “Hayga unman lang kawu nadala sa pagmatay sa hari pinili Panginuun?”

2 Hari 5:13

Dapat nagpakarani sa kanya kay manga panawuhun ag magkun, “Duy, nu may pag-isugu ti purupita sa kanmu makuri, balaw aw lugud buwatun nimu? Nakan hayga unman nimu buwatun kay pagsabihun pagpatalgub kawu hampay umayad?”

Hub 10:16

Paghingbutun niku makabangun, dapat pagtiidan nimu aku parihu sa liyun hampay midamhak. Pag-ipakakit nimu kanmu kamaskihan laban sa kangku.

Kanta 119:161

Paghingabtun aku manga manugpanguna una balaw may kadahilanan, dapat kang tagipusuun maggalang gid sa kanmu bagaw.

Kanta 140:11

Mana balaw dumugay sa daga ti manga tawu magbangdan sa iba. Mana rumas-ug ti sarut sa maisug pag manga tawu, imaw ti rumuris sa kanda.

Kanta 35:7

Una balaw may kadahilanan nagpauli sida suduk sa lihim para madakup aku, bag-u nagkali sida ukang para malagpak aku.

Kanta 59:3

Panginuun, bantayi nu kabitay sida mag-alagad sa pagmatay sa kangku una balaw aku nagsalan sa kanda.

Kanta 7:5

pabay-ani aku unu-unuhun niku manga kalaban ag taluhun. Pabay-ani tatatataan nida aku tugka sa mamatay, ag tayakan kang bangkay sa daga.

Kabagawan 15:1

Ti maalumanay pag sagut makabuul galit, dapat ti masakit pag bagaw lalu ngap ikagalit.

Karukuan 4:18

Pagtandan manga kalaban kanmi manga kimut. Unman kami makalakaw sa manga dalan. Arani yi kanmi katapusan. Bililangun yi kanmi manga sirang.

Isikil 13:18

Sabihi sida aku, ti Panginuun Diyus, magbagaw magkun: Kaawaawa kamu pag manga babayi magpandaya sa kang nasakupan, anak man ngatay gurangun, sa panab-anan manga anting-anting. Pagpaulian niyu sida bugkus sa kanda manga kamang ag taung sa kanda manga ulu bilang manga anting-anting. Gustu niyu dayaun ti buhi niku nasakupan para sa kanyu sadili pag kaayadan.

Mikas 7:2

Ti ibug niku sabihun, unman yi aku may nakitan tawu sa Israil matinupadun sa Diyus. Udyi may nasawad tawu matadlung. Ti kada usa maghanap paraan hampay matyun kay kasimanwa, ga tawu mag-alistu suduk sa bulayun niya pag hayup.

Huwan 15:25

Dapat nakan katida ti nangyari hampay matupad ti bagaw isinurat sa kanda Kasuguan, magkun, ‘Kinagalitan nida aku madi unman may ikasabi.’

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”

1 Samwil 18:27

ginira ni Dabid hanggan niya manga tawuhan ti manga Pilistiyu, nakamatay sida 200. Bag-u bin-ul nida ti lukub pinagturian manga Pilistiyu, ag dinara nida tabug sa hari. Nakan ipinakaun ni Saul si Mikul sa kan Dabid hampay kay maasawa.

1 Samwil 23:14

Napatagu si Dabid sa manga paratag-an sa pangawakawaan hanggan sa kabantudan pangawakawaan Sip. Sirang-sirang paghanapun siya ni Saul, dapat unman siya pag-ipahintulut Diyus sa kan Saul.

1 Samwil 23:23

Alama niyu nu naan siya pag mahimu makapatagu ag pagbalik kamu sitay nu pihu yi kawu. Bag-u kumuyug aku sa kanyu nu ahan di waya siya, hanapun niku siya una naan katpung sa buu daga Huda.”

1 Samwil 25:28

Patawada duy mana nimu kang manga kakurangan. Pagpihuun gid niku piliun kawu Panginuun bilang hari ag pumarargu sa tanan nimu lahi ti kaharian niyu, dahil kanmu pagbuwatun para sa kanya. Unman may makatalu kadautan sa kanmu mintaras buhi kawu.

1 Samwil 26:18

Hayga paglagsun nimu aku kanmu suruguun? Hintay lugud kang binuwat daut?

1 Samwil 26:20

Danga mana ipahintulut mamatay aku sa iba ka rugar, arayu sa Panginuun. Hayga nguna aku paghingbutun gid lagsun hari Israil, parihu lang aku sa kutu? Hayga nimu aku paglagsun parihu sa manuk sa kabantudan?”

1 Samwil 26:23

May pirimyu ti Panginuun sa manga tawu matapat ag magbuwat matadlung. Ipinakaun kawu Panginuun sa kang manga kamang taynguna pag sirang, dapat unman niku kawu inunu dahil kawu ti pinili Panginuun pag hari.