1 Samwil 23:4 - Hanunuu

⁴ Nagpaingana maan si Dabid sa Panginuun, ag magkun ti Panginuun, “Pag-atag kawu sa Kila dahil papanaluhun kawu niku laban sa manga Pilistiyu.”

1 Samwil 23:4 Iomraidhean Croise

2 Samwil 2:1

Siyun ginan, namaingana si Dabid sa Panginuun, “Atabug aw duy aku sa usa sa manga banwa sa Huda?” Nagsagut ti Panginuun, “Pag-atag kawu.” Namaingana maan si Dabid, “Naan duy ati?” Nagsagut ti Panginuun, “Sa Hibrun.”

2 Samwil 5:19

Nakan namaingana si Dabid sa Panginuun, “Girahun aw nimi ti manga Pilistiyu? Ipatalu aw nimu sida sa kanmi?” Sinmagut ti Panginuun, “Hu, paglakaw kamu, dahil ipatalu niku sida sa kanyu.”

2 Hari 3:18

Malpus lang inda pag bagay nu sa Panginuun. Balaw lang tunda, ipatalu waya niya sa kanyu ti Muab.

1 Krunika 14:10

Nakan nagpaingana si Dabid sa Diyus, “Girahun aw lugud nimi ti manga Pilistiyu? Ipatalu aw lugud nimu sida sa kanmi?” Nagsagut ti Panginuun sa kanya, “Hu, hinan kamu, dahil ipatalu gid niku sida sa kanyu.”

Huswi 8:7

Bag-u pagluwas kamu sa kanyu pagpatag-an ag sakupa ti banwa. Ipakaun inda Panginuun niyu Diyus sa kanyu.

Talaghusay 6:39

Bag-u magkun si Gidyun sa Diyus, “Danga lang duy kawu magkaisug sa kangku; may usa wadi aku ka hagadun sa kanmu. Gustu niku mamara inda pag bulbul karanidu ag mabasa tun-ug ti daga sa sangput inda.”

Talaghusay 7:7

Magkun ti Panginuun sa kan Gidyun, “Sa panab-anan inda pag 300 tawu iribri niku kamu ag papanaluhun sa manga Midyanita. Ti nasawad pag manga tawu paulia yi lang sa kanda manga rugar.”

Talaghusay 7:9

Sa ati pag yabi, magkun ti Panginuun sa kan Gidyun, “Pag-alistu kawu! Giraha yi niyu ti kampu manga Midyanita dahil ipatalu niku sida sa kanyu.

1 Samwil 10:22

Nakan ngani kanda maan ipinaingana sa Panginuun magkun, “Atay yi aw nguna ti napili pag tawu?” Sinmagut ti Panginuun magkun, “Atay yi ngani siya dapat ay napatagu siya napabusul sa mabutang.”

1 Samwil 23:2

Nagpaingana si Dabid sa Panginuun, “Girahun aw duy niku ti manga Pilistiyu?” Sinmagut ti Panginuun, “Hu, giraha nimu sida ag ribrihan nimu ti Kiyla.”

1 Samwil 23:3

Dapat magkun kay manga tawuhan ni Dabid, “Atay di waya ngani sa Huda magkadala yi kami, lalu waya nu atag kami sa Kila hampay manlaban sa manga Pilistiyu.”

1 Samwil 23:5

Nakan nag-atag ngani sa Kila si Dabid kaibahan kay manga tawuhan. Mayamu pag manga Pilistiyu ti pinanmatay nida; bin-ul nida ti manga hayup ag irinibri nida ti taga Kila.

1 Samwil 28:6

Nagpaingana siya sa Panginuun nu unu ti angay niya buwatun. Dapat unman siya sinagut Panginuun una sa panab-anan tagin-up, ngatay Urim, una hanggan sa manga purupita.

1 Samwil 30:8

Nagpaingana si Dabid sa Panginuun, “Lagsun aw niku ti manga nansalakay sa kanmi? Matalu aw niku sida?” Sinmagut ti Panginuun, “Hu, lagsa nimu sida. Pihu matalu nimu sida ag mairibri di nimu ti manga bihag.”