1 Samwil 23:2 - Hanunuu

² Nagpaingana si Dabid sa Panginuun, “Girahun aw duy niku ti manga Pilistiyu?” Sinmagut ti Panginuun, “Hu, giraha nimu sida ag ribrihan nimu ti Kiyla.”

1 Samwil 23:2 Iomraidhean Croise

2 Samwil 2:1

Siyun ginan, namaingana si Dabid sa Panginuun, “Atabug aw duy aku sa usa sa manga banwa sa Huda?” Nagsagut ti Panginuun, “Pag-atag kawu.” Namaingana maan si Dabid, “Naan duy ati?” Nagsagut ti Panginuun, “Sa Hibrun.”

2 Samwil 5:19

Nakan namaingana si Dabid sa Panginuun, “Girahun aw nimi ti manga Pilistiyu? Ipatalu aw nimu sida sa kanmi?” Sinmagut ti Panginuun, “Hu, paglakaw kamu, dahil ipatalu niku sida sa kanyu.”

2 Samwil 5:23

Nakan nagpaingana maan si Dabid sa Panginuun, ag sinmagut ti Panginuun, “Danga niyu rargu paggiraha sida. Sangputan dap niyu sida ag ati niyu sida pag salakaya sa may arani puun kayu balsam.

1 Krunika 14:10

Nakan nagpaingana si Dabid sa Diyus, “Girahun aw lugud nimi ti manga Pilistiyu? Ipatalu aw lugud nimu sida sa kanmi?” Nagsagut ti Panginuun sa kanya, “Hu, hinan kamu, dahil ipatalu gid niku sida sa kanyu.”

Kanta 32:8

Magkun kawu sa kangku, “Itudlu niku sa kanmu ti kailangan nimu lakawan pag dalan. Patigayunan niku kawu habang magbantay aku sa kanmu.

Hirimyas 10:23

Panginuun, alam niku ti buhi tawu balaw sadili niya. Balaw siya ti may hiyaput sa kay aratubangun.

Bilang 27:21

Sa kan Iliyasar pag maalaman niya kang kagustuhan sa panab-anan paggamit ni Iliyasar Urim sa kang atubangan. Sa katida pag paraan, mapatigayunan ni Iliyasar si Huswi hanggan ti manga Israilita sa kanda buruwatun.”

Huswi 9:14

Sinamitan manga Israilita kanda manga karan-unun. Dapat unman sida nagpaingana sa Panginuun tungkul siyun.

Talaghusay 1:1

Pagka namatay si Huswi, namaingana ti manga Israilita sa Panginuun nu si unu sa kanda manga lahi ti un-an lumaban sa manga Kananiyu.

1 Samwil 10:22

Nakan ngani kanda maan ipinaingana sa Panginuun magkun, “Atay yi aw nguna ti napili pag tawu?” Sinmagut ti Panginuun magkun, “Atay yi ngani siya dapat ay napatagu siya napabusul sa mabutang.”

1 Samwil 14:37

Nakan nagpaingana si Saul sa Diyus, “Girahun aw duy nimi ti manga Pilistiyu? Ipatalu aw niyu sida sa kanmi?” Dapat unman nagsagut ti Diyus sa tunda pag sirang.

1 Samwil 23:3

Dapat magkun kay manga tawuhan ni Dabid, “Atay di waya ngani sa Huda magkadala yi kami, lalu waya nu atag kami sa Kila hampay manlaban sa manga Pilistiyu.”

1 Samwil 23:4

Nagpaingana maan si Dabid sa Panginuun, ag magkun ti Panginuun, “Pag-atag kawu sa Kila dahil papanaluhun kawu niku laban sa manga Pilistiyu.”

1 Samwil 23:6

(Katpung nalagiw si Abyatar atabug sa kan Dabid sa Kila, dinara niya ti ipud manughandug.)

1 Samwil 30:8

Nagpaingana si Dabid sa Panginuun, “Lagsun aw niku ti manga nansalakay sa kanmi? Matalu aw niku sida?” Sinmagut ti Panginuun, “Hu, lagsa nimu sida. Pihu matalu nimu sida ag mairibri di nimu ti manga bihag.”