1 Samwil 23:16 - Hanunuu

¹⁶ Inati siya ni Hunatan hampay pabisugun kay pagsarig sa Diyus.

1 Samwil 23:16 Iomraidhean Croise

Nihimyas 2:18

Magkun diman aku sa kanda nu kabitay kamayad ti Diyus sa kangku ag nu unu ti sinabi hari sa kangku. Nagsagut sida, “Sigi, ipatindug maan nita ti manga alad batu.” Nakan nag-alistu sida hampay umpisahan inda ti mayad pag buruwatun.

Hub 16:5

Dapat balaw niku inda buwatun. Bagkus ngap, mamagaw aku manga baragawun makapabisug ag makapasulung sa kanyu.

Kabagawan 27:17

Nu kabitay pagpatarumun baul kay kaparihu baul, ti tawu katunda diman magdunung sa kay kaparihu.

Kabagawan 27:9

Nu kabitay ti pamanglu ag ti kamangyan makapasulung sa tawu, ti tapat pag payu usa ka kakilala makapasulung diman.

Isikil 13:22

“Pagparukuun niyu ti manga matadlung sa panab-anan niyu kapudilan, una aku ngani mismu unman nagparuku sa kanda. Paggaryahun niyu ti manga daut danga sida mag-apas sa kanda daut pag buruwatun sa panab-anan pagtaratu sa kanda kuntay maribri sida sa kamatayan.

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Lukas 22:43

Napakakit sa kanya ti usa ka anghil ginan sa langit, nagpabisug sa kanya.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Diyuturunumiyu 3:28

Dapat tudlui nimu si Huswi sa kay manga dapat buwatun. Pabisugun nimu siya dahil siya ti manguna sa inda pag manga tawu sa pagdipay sa Hurdan. Ipakaun niya sa kanda ti daga kanmu makitan taynguna!’

2 Timutiyu 2:1

Timutiyu, kang pinagkaanak, pagpakarig-un kawu sa kaayadan kay pag-ipakaun ni Kiristu Hisus dahil sa kanmu pakiusa sa kanya.

1 Samwil 23:15

Sa tunda katpung ati di waya si Dabid sa Huris sa pangawakawaan Sip, nabaritaan niya ataytag si Saul hampay matyun siya.

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.